ᐃᓄᐃᑦ ᐱᖕᖑᐊᕈᓯᖏᑦ ᐱᒻᒪᕆᐅᕗᑦ ᓄᓇᕕᒻᒥᐅᓄᑦ ᐊᒻᒪᓗ ᐊᓯᖏᓐᓄᑦ ᑕᕐᕋᒥᐅᓄᑦ ᐱᑦᔪᑎᖃᕐᓱᑎᒃ ᐊᒥᓱᓂᒃ. ᐱᓗᐊᕐᑐᒥ ᐃᓗᕐᕈᓯᒋᕋᒥᐅᒃ, ᐃᓄᐃᑦ ᐱᖕᖑᐊᕈᓯᖏᑦ ᓄᓇᒥ ᐊᓐᓇᐅᒪᒐᓱᐊᕐᓂᒥᒃ ᑐᖕᖓᕕᖃᓪᓚᕆᑦᓱᑎᒃ ᐊᒻᒪᓗ ᐃᓄᓐᓂᒃ ᓲᖑᓂᖃᕐᑎᓯᒍᑎᐅᑦᓱᑎᒃ ᓴᐱᓕᑦᑌᓕᒪᒍᑎᐅᑦᓱᑎᓪᓗ. ᐃᓄᐃᑦ ᑕᑯᓐᓇᕆᐊᕐᓂᖃᓱᖑᒻᒥᔪᑦ ᐱᖕᖑᐊᑐᓂᒃ ᑲᑎᖃᑎᒌᑦᓱᑎᒃ. ᑐᑭᓯᒋᐊᕈᒪᒍᕕᑦ ᐃᓄᐃᑦ ᐱᖕᖑᐊᕈᓯᖏᓐᓂᒃ, ᕿᒥᕐᕈᓗᒋᑦ ᐃᓕᓐᓂᐊᑎᑦᓯᒍᑏᑦ ᐊᓪᓚᓯᒪᔫᑉ ᐊᑖᓂ.
ᐊᑐᐃᓐᓇᕈᕐᑎᓂᖅ
ᑎᒥᒧᑦ ᓂᒪᓐᓂᑯᑦ ᐊᑑᑎᓪᓚᕆᓚᐅᕐᓇᒃ, ᐊᑐᐃᓐᓇᕈᕐᑎᖄᕆᐊᖃᕐᖁᖅ. ᐆᒻᒪᑎᐅᑉ ᓱᑲᓐᓂᖓ ᐳᕐᑐᓯᒋᐊᕐᓗᒍ, ᑎᒥᐅᑉ ᐆᓇᕐᓂᖓ ᐳᕐᑐᓯᒋᐊᓗᒍ ᐊᒻᒪᓗ ᐊᑐᐃᓐᓇᕈᕐᑎᓗᒋᑦ ᓄᑮᑦ ᐊᐅᒻᒧᑦ ᐃᓗᓪᓕᓗᒋᑦ ᐊᒻᒪᓗ ᓄᒃᑭᓴᕐᓗᒋᑦ. ᓄᐃᑎᓗᒋᑦ ᐊᑐᐃᓐᓇᕈᕐᑎᓂᐅᑉ ᐊᑐᕐᑕᐅᓂᖏᑦ >>
ᐃᓂᓪᓚᑎᕐᑕᐅᒪᔪᑦ
ᖃᕆᑕᐅᔭᓐᓅᓗᒋᑦ ᐃᓄᐃᑦ ᐱᖕᖑᐊᕈᓯᖏᑦ ᐃᓂᓪᓚᑎᕐᑕᐅᒪᔪᑦ, ᓄᐃᑕᐅᓯᒪᔪᖅ ᓄᓇᕕᒻᒥ ᐃᓕᓐᓂᐊᑎᑦᓯᔨᓄᑦ ᐊᑐᕐᕕᐅᖁᑦᓱᒍ ᑕᒪᒃᑯᐊ ᐱᖕᖑᐊᕈᓰᑦ ᐃᓕᓐᓂᐊᕕᓐᓂ ᐊᑐᕐᑕᐅᓕᐅᒥᖁᑦᓱᒋᑦ.
ᐱᖕᖑᐊᕈᓰᑦ
ᑖᒪᒃᑯᐊ 11 ᐃᓄᐃᑦ ᐱᖕᖑᐊᕈᓯᖏᑦ ᓂᕈᐊᕐᑕᐅᓯᒪᔪᑦ ᐳᕐᑐᓂᕐᓴᓄᑦ ᐃᓕᓐᓂᐊᕈᑎᑦᓴᐅᒐᔭᕆᐊᖏᑦ ᕿᑐᕐᖓᕆᔭᐅᔪᓄᑦ. ᑕᑯᒋᐊᕈᓐᓇᕆᕗᑎᑦ ᐳᒃᑭᓂᕐᓴᓄᑦ ᐃᓄᐃᑦ ᐱᖕᖑᐊᕈᓯᖏᑦ ᐱᒋᐅᕐᓴᐅᑎᑦᓴᖏᓐᓂᒃ. ᐊᑐᓂ ᐱᖕᖑᐊᕈᓰᑦ ᓀᑦᑐᓂᒃ ᑕᑯᓐᓇᑕᐅᒍᓐᓇᑐᓂᒃ ᐊᑐᐃᓐᓇᓖᑦ ᐊᒻᒪᓗ ᒪᓕᑦᑕᐅᔪᑦᓴᓂᒃ ᐊᓪᓚᖑᐊᕐᓯᒪᔪᓂᒃ ᑐᑭᓯᓇᕐᑎᓯᒐᓱᐊᕐᑐᓂᒃ ᐊᑐᐃᓐᓇᖃᕐᓱᓂ ᐃᓕᓐᓂᐊᑎᑦᓯᒍᑎᑦᓴᓂᒃ.
ᐃᓪᓗᐃᓇᕐᒧᑦ ᑐᑭᒋᐊᕐᓂᖅ
ᐃᓪᓗᑯᑦ ᐳᕐᑐᔪᒧᑦ ᑐᑭᒋᐊᕐᓂᖅ
ᐊᓛᔅᑲᒥᐅᑎᑐᑦ ᑐᑭᒋᐊᕐᓂᖅ
ᓰᕐᖁᕕᐊᓪᓗᖓᑦᓱᓂ ᖃᓂᖕᖏᑐᒧᑦ ᒪᑭᒐᓱᐊᕐᓂᖅ
ᖃᖓᑦᑕᔫᔭᕐᓂᖅ
ᐃᓪᓗᐃᓇᕐᒧᑦ ᐊᒡᒐᒧᑦ ᐃᓵᓂᖅ
ᖁᖓᓯᒥᓄᑦ ᓄᑦᓲᑎᓂᖅ
ᐸᖓᒃᑯᔭᕐᓂᖅ
ᑕᓕᒻᒧᑦ ᓄᑦᓲᑎᓂᖅ
ᒥᓯᑦᑕᓂᖅ
ᒪᕐᕈᕕᑦᓱᓂ ᐊᓪᓗᒋᐊᕐᓱᓂ ᖃᓂᖕᖏᑐᒧᑦ ᒥᓯᓐᓂᖅ
ᐃᓕᓐᓂᐊᕈᑎᑦᓴᕆᐊᓪᓓᑦ
- ᐅᑭᐅᕐᑕᑐᒥ ᐱᖕᖑᐊᓂᕐᔪᐊᑐᑦ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖓ
- ᐅᑭᐅᕐᑕᑐᒥ ᐱᖕᖑᐊᓂᕐᔪᐊᑐᑦ ᓄᓇᖃᕐᖄᓯᒪᔪᔦᑦ ᑲᓇᑕᒥᐅᑦ ᐊᓪᓚᓯᒪᔪᖁᑎᖏᑦ
- ᓄᓇᕕᒻᒥᐅᑦ ᐱᖕᖑᐊᑎᖏᑦᑕ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖓ
- ᓄᓇᕕᒻᒥᐅᑦ ᐱᖕᖑᐊᑎᖏᑦᑕ ᖃᕆᑕᐅᔭᒃᑯᑦ ᕓᔅᐳᒃᑯᑦ ᐱᑐᑦᓯᒪᐅᑎᖓ
ᐃᓕᑕᕆᔭᐅᒍᑎ
- ᐊᑦᔨᖑᐊᖅ ᓯᕗᕌᓃᑦᑐᖅ ᔮᑦ ᐱᐊᕐᓃ ᐊᑦᔨᓕᐊᕕᓂᖓ