‹ ᕿᓂᕈᑎᒧᑦ ᐅᑎᕈᑎᒃ
ᓱᖃᑦᓯᐅᑎ

ᓯᐊᓗᕆᐅᑉ ᑕᐅᑦᑐᖓ ᐊᓯᑦᔨᑎᓪᓗᒍ ᐆᑦᑐᕋᐅᑎ

ᐃᓱᒪᓚᐅᕐᓯᒪᕖᑦ ᖃᓄᖅ ᐱᕈᕐᑐᐃᑦ ᐃᒥᓲᖑᒻᒪᖔᑕ? ᐃᒐᕖᑦ ᓱᑯᐃᔦᕕᒋᓚᖓᓗᒍ ᐊᑐᐃᓐᓇᕈᕐᑎᓕᕆᑦ ᑕᒪᑦᓱᒥᖓ ᐆᑦᑐᕋᒐᓱᐊᕐᑎᓗᑎᑦ.

ᑕᒡᒐᓂ ᐆᑦᑐᕋᐅᑎᒥ ᐱᕈᕐᑐᓂᒃ ᑕᑯᓚᖓᕗᑎᑦ ᖃᓄᖅ ᐃᒪᖅ ᐃᓗᐊᒎᓲᖑᒻᒪᖔᑦᑕ!


ᑭᖕᖒᒪᒋᔭᑎᑦ:

  • ᓯᐊᓗᕇᑦ ᐱᕈᕐᑐᖃᕐᑎᓗᒋᑦ
  • ᐃᒪᖅ ᐃᒥᕈᑎᒧᑦ ᕿᑎᕐᖃᓗᐊᖑᓗᓂ
  • 1 ᐅᕐᕕᐅᔮᕈᒃ (tsp) ᐊᐅᐸᓗᑦᑕᒥᒃ ᓂᕿᓂᒃ ᑕᐅᑦᑐᐊᕈᑎ

ᐱᓂᐊᕐᓂᒋᕆᐊᓕᑎᑦ:

1. ᐊᖓᔪᑦᓯᒧᑦ ᐊᕕᑦᑕᐅᑎᓗᒍ ᓯᐊᓗᕆᐅᑉ ᐊᑖᖓ ᐸᓂᕐᑐᐊᓘᓃᐊᖕᖏᒪᑦ.

2. ᐃᒥᕈᑎ ᐃᒻᒥᓗᒍ ᕿᑎᕐᖃᖓᓄᑦ.

3. ᐅᕐᕕᐅᔮᕈᒻᒥᒃ ᓂᕿᓂᒃ ᑕᐅᑦᑐᐊᕈᑎᒥᒃ ᐊᐅᐸᓗᑦᑕᒥᒃ ᐃᓕᓯᓗᑎᑦ ᐅᕝᕙᓘᓐᓃᑦ ᖃᓄᐃᑦᑐᑐᐃᓐᓇᒥᒃ ᑕᐅᑦᑐᒥᒃ.

4. ᓯᐊᓗᕆ ᐃᒥᕈᑎᒦᑦᑎᓗᒍ ᐃᒪᕐᒥ.

5. ᐅᑕᕐᕿᓗᑎᑦ ᑫᕙᓪᓚᒍᓯᓂᒃ 24-ᓂᒃ ᑌᒪ ᑕᑯᓂᐊᕐᓗᒍ ᓱᓐᓂᒪᖔᑦ!

ᕿᒥᕐᕈᓂᖅ: ᓱᓚᖓᔪᕆᔦᑦ?


ᓱᑯᐃᔦᓂᕐᒥᒃ ᐅᖄᓚᐅᕐᑕ!

ᓯᐊᓗᕇᑦ ᓇᐸᕈᕆᔭᐅᕗᑦ ᓯᐊᓗᕆᐅᑉ ᐱᕈᕐᑐᖏᓐᓄᑦ. ᐃᒪᕐᒥᒃ ᐃᒥᓲᑦ ᐊᒻᒪᓗ ᓈᒻᒪᒍᑎᖏᓐᓂᒃ ᓄᓇᐅᔭᓂᒃ ᐱᓯᒪᔪᓂᒃ ᐊᒫᖏᑎᒍᑦ osmosis-ᓚᔭᐅᒻᒥᔪᖅ. Osmosis ᐱᕙᓪᓕᐊᑎᑦᓯᒍᑎᐅᔪᖅ ᐃᒪᕐᑕᖏᑦ ᐊᓂᕐᓂᑕᖏᓪᓗ ᐊᒥᑎᒎᓲᖅ ᑲᕙᓰᓚᔭᐅᔪᑎᒍᑦ. ᐃᒪᖅ ᐆᒪᑎᐅᑉ ᓴᓂᐊᒎᕐᓱᓂ ᐱᕈᕐᑑᑉ ᓇᐸᕈᖓᕉᓲᖅ ᐅᖃᐅᔭᑎᒍᓪᓗ.1


ᐆᑦᑐᕋᐅᑎ 1

ᓱᓚᖓᔪᕆᔦᑦ ᑖᓐᓇ ᐆᑦᑐᕋᕈᕕᐅᒃ ᐅᕿᐅᔭᒥᒃ?

ᐆᑦᑐᕋᐅᑎ 2

ᓱᓚᖓᔪᖅ ᓯᐊᓗᕆ ᐊᕕᑦᑎᓗᒍ ᓇᐸᕈᖓ ᐃᒥᕈᑎᓅᕐᓗᒋᑦ ᒪᕐᕉᓄᑦ ᐊᑦᔨᒌᖕᖏᑐᓄᑦ ᑕᐅᑦᑐᓕᓐᓄᑦ?


ᖃᐅᔨᒋᐊᕐᕕᓭᑦ

  1. Judy Breckenridge, Muriel Mandell, Anthony D. Fredericks, Louis V. Loeschnig (1998). 365 Super Science Experiments with Everyday Materials. Scholastic Inc., p.101.

ᐊᐱᕐᓲᑎᑦᓴᖃᕈᕕᑦ ᐅᖃᐅᓯᑦᓴᖃᕈᕕᓪᓘᓃᑦ, ᖃᐅᔨᓴᕐᕕᒋᑎᒍ.

ᖃᐅᔨᓴᕐᕕᒋᑎᒍ