ᐅᑭᐅᖅᑕᖅᑐᒥ ᑐᑭᓯᓂᐊᖃᑎᒌᑦ, ᑲᓇᑕᒥ ᑐᑭᓯᓂᐊᖃᑎᒌᕝᕕᖓ ᖃᐅᔨᓴᕐᓂᖃᓲᖅ ᓯᓚᐅᑉ ᐊᓯᑦᔨᕙᓪᓕᐊᓂᖓᓂᒃ ᐱᓇᓱᐊᖃᑎᖃᕐᓱᑎᒃ ᐃᓄᓐᓂᒃ, ᒫᓐᓇ ᑲᑎᕕᒃ ᐃᓕᓴᕐᓂᓕᕆᓂᒃᑯᓂᒃ ᐱᓇᓱᐊᖃᑎᖃᕐᐸᓕᐊᓯᔪᑦ ᖃᐅᔨᒍᑎᕕᓃᑦ ᖃᐅᔨᓴᕈᑎᐅᔪᓂᒃ ᐃᓕᓐᓂᐊᕕᓐᓂ ᑕᑯᑦᓴᐅᑎᑕᐅᓛᕐᑐᑦ ᖃᕆᐊᑦ ᐃᓗᐊᓂ ᐊᑭᓐᓇᒥᐅᑕᑎᒍᑦ ᓯᓚᐅᑉ ᐊᓯᑦᔨᑕᕐᓂᖏᑎᒍᑦ.
ᐅᓇ ᐊᑭᓐᓇᒥᐅᑕᖅ, ᐸᐅᕐᙰᑦ ᐱᕈᕐᑐᖏᑦ ᓄᓇᕕᒻᒥ, ᑕᑯᑦᓴᐅᑎᑦᓯᔪᖅ ᐱᑦᔪᑎᐅᔪᓂᒃ ᐸᐅᕐᖓᑐᕐᑎᓂᒃ, ᐱᕈᕐᑐᐃᑦ ᐱᕈᕆᐊᓪᓛᓂᕆᓲᖏᓐᓂᒃ ᐊᒻᒪᓗ ᐊᔪᒉᑦᑑᓂᖓᓂᒃ “ᐅᕐᐱᑖᓕᐅᒥᓂᖅ”.
ᐃᓕᓐᓂᐊᕈᑎᑦᓭᑦ ᐱᑐᑦᓯᒪᐅᑎᖏᑦ ᑕᑯᒋᐊᕐᓗᒋᑦ
ᐳᒃᑭᓂᕐᓴᒥ ᐱᔭᑦᓴᖅ 1
- ᐱᕈᕐᑐᐃᑦ ᑭᖕᖒᒪᒋᔭᖏᑦ, ᐆᑦᑑᑎᒋᓗᒍ ᐃᒪᖅ, ᐃᑯᒪᒃ ᐊᒻᒪᓗ ᓄᓇᒥ ᐱᑦᓭᑦ
ᐳᒃᑭᓂᕐᓴᒥ ᐱᔭᑦᓴᖅ 2
- ᐱᕈᕐᓯᐊᓂᒃ ᐱᕈᕐᓰᓂᖅ, ᐃᓚᐅᑎᓪᓗᒋᑦ ᐱᕈᕐᑐᐃᑦ ᓰᕐᓇᑐᐃᑦ ᐊᒻᒪᓗ ᓴᐅᓈᑦ
- ᐱᕈᕐᑐᐃᑦ ᖃᓄᐃᓕᖓᓂᖏᑦ, ᐃᓚᐅᑎᓪᓗᒋᑦ ᐊᒫᖏᑦ, ᓇᐸᕈᖏᑦ, ᐱᕈᕐᓯᐊᖏᑦ, ᐱᕈᕐᑐᖏᑦ ᓰᕐᓇᑐᐃᑦ, ᓴᐅᓈᖏᑦ
- ᑐᑭᓯᓴᕐᓂᖅ ᐱᕈᕐᑐᐃᑦ ᓰᕐᓇᑐᐃᑦ ᐱᐅᓯᖏᓐᓂᒃ
- ᐱᕈᕐᑐᐃᑦ ᓱᖏᐅᑎᓴᕐᓂᖏᑦ ᐆᒪᒐᓱᐊᕈᑎᕆᓲᒥᓂᒃ
ᐳᒃᑭᓂᕐᓴᒥ ᐱᔭᑦᓴᖅ 3
- ᓱᓀᑦ ᐱᕈᕐᑐᐃᑦ ᑭᖕᖒᒪᒋᓪᓚᕆᑦᑕᖏᑦ, ᐆᑦᑑᑎᒋᓗᒍ ᐃᒪᖅ, ᐃᑯᒪᖅ, ᓄᓇᒥ ᐱᑦᓭᑦ, ᑳᐸᓐ ᑌᐊᒃᓭᑦ CO2
- ᐱᕈᕐᑐᐃᑦ ᐱᐅᓯᖏᑦ, ᐆᑦᑑᑎᒋᓗᒍ ᐊᒫᖏᑦ ᐃᒪᕐᒧᑦ ᑐᕌᕐᐸᓕᐊᓂᖏᑦ
ᐳᕐᑐᓂᕐᓴᒥ ᐱᔭᑦᓴᖅ 1
- ᐱᕈᕐᑐᐃᑦ ᓱᖏᐅᑎᓴᕐᓂᖏᑦ ᐊᕙᑎᒥᓐᓂᒃ
- ᐱᕈᕐᑐᐃᑦ ᐱᕈᕆᐊᓪᓚᓂᖏᑦ ᐃᑦᓯᒎᕐᓂᑯᑦ
ᐳᕐᑐᓂᕐᓴᒥ ᐱᔭᑦᓴᖅ 2
- ᐱᕈᕐᑐᐃᑦ ᐱᕈᕐᓰᓲᑦ ᓂᕿᑦᓴᓂᒃ
- ᐃᓗᓕᒋᔭᐅᔪᑦ ᑐᑭᓯᓇᕐᑎᓯᒍᓐᓇᑐᑦ ᐸᐅᕐᙰᑦ ᐱᕈᕐᓂᕆᓲᖏᓐᓂᒃ
- ᐱᕈᕐᑐᐃᑦ ᐱᔭᑦᓴᖏᑦ ᑳᐸᓐ ᐋᕐᕿᓯᒪᒍᓯᖏᓐᓂᒃ
ᑕᑯᒋᐊᕐᓗᒋᑦ ᐃᓱᒪᒋᔭᑦᓭᑦ ᓱᖃᑦᓯᐊᑏᑦ
- ᐱᓱᓪᓗᑎᑦ ᕿᒥᕐᕈᓗᑎᓪᓗ ᐅᕐᐱᑖᓕᐅᒥᓯᒪᓂᖓᓂᒃ ᐸᐅᕐᖓᑕᓕᒻᒥᒃ.
- ᕿᒥᕐᕈᓗᑎᑦ ᑐᑭᓯᒐᓱᐊᕐᓗᑎᓪᓗ ᐱᕈᕐᑐᐃᑦ ᐃᓂᓪᓚᖓᓂᖏᓐᓂᒃ ᐆᑦᑑᑎᒋᓗᒍ ᐱᕈᕐᐸᓕᐊᓂᖏᑦ ᐃᑯᒪᒧᑦ ᓵᖕᖓᓱᑎᒃ ᐅᕝᕙᓘᓐᓃᑦ ᐊᒫᖏᑦ ᓄᓇᒥ ᐃᕐᐸᑎᕐᓯᒪᓂᖏᑦ.
- ᐸᐅᕐᙰᑦ ᐱᕈᕐᓂᕆᓲᖏᑦ ᑐᑭᓯᓴᕐᓗᒋᑦ ᐃᓂᐅᔪᓂᒃ ᑐᑭᓯᒐᓱᐊᕐᓗᑎᓪᓗ ᓱᒐᒥ ᐃᓚᖏᓐᓂ ᐃᓂᐅᔪᓂ ᐱᕈᕐᓂᓴᐅᓲᖑᒻᒪᖔᑕ, ᐱᕈᕐᑐᐃᑦ ᑭᖕᖒᒪᒋᔭᖏᑦ ᑐᖕᖓᕕᒋᑦᓱᒋᑦ.
ᑐᓂᓗᒋᑦ ᓱᖃᑦᓯᐅᑎᑦᓴᓯᐊᑦ ᐅᕝᕙᓘᓐᓃᑦ ᐱᒋᐅᕐᓴᐅᑎᑦᓴᓯᐊᑦ ᐸᐅᕐᙰᑦ ᒥᑦᓵᓄᑦ Nunavik-IcE ᐱᑐᕝᕕᖓᓄᑦ!
