2023-ᒥ ᓱᖏᐅᓭᓂᐅᑉ ᐱᓇᓱᐊᕈᓯᖓ
ᑐᖕᖓᓱᒋᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓄᑦ
ᑖᓐᓇ ᒪᑉᐱᒐᖅ ᐊᑐᕆᐊᓕᓐᓂᒃ ᖃᐅᔨᒪᒍᑎᓂᒃ ᓄᐃᑦᓯᔪᖅ ᐱᓇᓱᑦᑎᓕᒫᓄᑦ ᙯᖁᔭᐅᔪᓄᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ 2023-ᒥ ᓱᖏᐅᓭᓂᖓᑕ ᐱᓇᓱᐊᕈᓯᖓᓄᑦ. ᑎᑭᑕᐅᓯᒪᔪᑦᓴᐅᕗᑎᑦ ᙯᖁᔨᐅᑎᒧᑦ ᐃᓚᐅᖁᑦᓱᑎᑦ ᑕᒡᒍᖓ ᓇᓪᓕᐅᓂᕐᒧᑦ ᔫᓂᐅᑉ ᐱᒋᐅᖕᖓᓂᖓᓂ 2023-ᒥ. ᓄᑖᖑᒍᕕᑦ ᐃᓕᓐᓂᐊᑎᑦᓯᔨᐅᓂᕐᒥᒃ ᐱᒋᐊᓕᑌᓐᓇᓱᑎᑦ 2023-2024-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐊᒻᒪᓗ ᑌᒃᑯᓂᖓ ᐊᓪᓚᑖᕐᓂᖏᒃᑯᕕᑦ, ᐅᖃᖁᓇᕐᖁᑎᑦ ᐱᓇᓱᑦᑎᓕᕆᕕᒻᒧᑦ ᓱᕐᖁᐃᑎᑦᓯᓗᑎᑦ ᐃᓚᐅᓂᑦᓴᓂᐅᕕᑦ ᑌᑲᓂ ᓇᓪᓕᐅᓂᕐᒥ.
ᐃᓗᓖᑦ ᓱᖏᐅᓴᐅᑏᑦ ᐱᓇᓱᐊᕈᓯᖓᓄᑦ ᐃᓱᐊᖁᑕᐅᕗᑦ 3-ᓂ ᐅᓪᓗᓂ ᐱᓇᓱᒋᐊᓯᔪᑦ ᑲᑎᒪᐅᑎᖏᓐᓄᑦ. ᓯᕗᓂᖃᕈᑕᐅᔪᑦ ᐱᓕᐅᒥᑎᑦᓯᓂᕐᒥᒃ ᑐᑭᓯᒪᓂᓯᓐᓂᒃ ᓄᓇᖁᑎᒥᒃ, ᐃᓕᓐᓂᐊᑎᓂᒃ, ᓴᐳᒻᒥᐅᑎᓄᑦ ᐱᒍᑦᔨᐅᑎᓂᒃ, ᐱᓇᓱᑦᑎᒪᕆᓐᓂᒃ ᐊᒻᒪᓗ ᐱᓇᓱᕝᕕᓂᒃ ᐃᓕᓴᕐᓂᓕᕆᔨᒃᑯᓂ ᐃᓕᑦᓯᓄᑦ ᐊᑐᐃᓐᓇᐅᖃᑦᑕᓚᖓᔪᓂᒃ ᐊᕐᕌᒎᑉ ᐃᓗᐊᓂ. ᐱᕕᖃᕐᑎᑕᐅᓚᕐᒥᔪᓯ ᑕᑯᓂᕐᒥᒃ ᐃᓕᓐᓂᐊᕈᑎᓂᒃ ᐊᒻᒪᓗ ᐱᐅᒡᒍᑎᓂᒃ ᓴᓇᒍᓐᓇᓯᓗᓯᓗ ᓯᕗᓪᓕᐹᓂᒃ ᐃᓕᓐᓂᑎᓯᒍᑎᑦᓴᓯᓐᓂᒃ ᐸᕐᓇᓯᒪᐅᑎᓂᒃ ᑕᓯᐅᕐᑎᖃᕐᓗᓯ ᐃᓕᓐᓂᐊᕈᑎᑎᒍᑦ ᐃᓱᒪᓕᐅᕐᑎᓂᒃ. ᐱᒻᒪᕆᐅᓂᕐᐸᐅᑎᓪᓗᒍ, ᑲᑎᓯᓚᖓᔪᓯ ᓄᑖᓂᒃ ᐃᓕᓐᓂᐊᑎᑦᓯᔨᓂᒃ ᓄᓇᓕᓯᓐᓂ ᐊᓯᖏᓐᓂᓗ ᓄᓇᓕᓐᓂ.
Feedback
We would like your feedback about the 2023 orientation! Please complete these two surveys:
1. ᐃᑲᔪᕐᓯᔪᑦ ᑐᓴᐅᒪᑎᑦᓯᒍᑏᑦ
🗓 ᐅᓪᓗᖏᑦ
ᑕᒡᒍᒧᑦ ᓄᑖᑦ ᐃᓕᓐᓂᐊᑎᑦᓯᔩᑦ ᓱᖏᐅᓴᐅᑎᖏᑦ ᐊᑐᓛᕐᑐᑦ ᐱᒋᕐᐊᓗᒍ ᐊᓪᓕᕇᕐᑐᓂ, ᐊᐅᒡᒍᔅᑎ 7-ᒥ ᑎᑭᓪᓗᒍ ᓂᕿᑦᓯᑐᓄᑦ, ᐊᐅᒡᒍᔅᑎ 11, 2023-ᒥ.
📍ᓇᔪᕐᑕᖓ
ᑲᑎᒪᓂᖅ ᑲᔪᓯᓛᕐᑐᖅ ᓯᓂᑦᑕᕕᒥ Courtyard by Marriott Montréal Airport, ᒪᓐᑐᔨᐊᓪᒥ (ᓭᓐᑦ-ᓗᕌᓐᑦ).
Open in Google Maps >>
📃 ᐃᓂᓪᓚᑎᕐᓯᒪᔪᑦ
ᓱᖏᐅᓯᓴᕐᑕᐅᓂᕐᒧᑦ ᐃᓂᓪᓚᑎᕐᓯᒪᔪᖅ ᐊᑐᐃᓐᓇᐅᓕᕐᑐᖅ!
ᐅᓇ ᐊᔭᓪᓗᒍ ᑕᑯᓂᐊᖁᓪᓗᑎᑦ ᐃᓂᓪᓚᑎᕐᓯᒪᔫᑉ ᐃᓂᖓᓄᑦ >>
📍ᓇᔪᕐᑕᖓ
ᓇᔪᕐᑕᖓ
ᑲᑎᒪᓂᖅ ᑲᔪᓯᓛᕐᑐᖅ ᓯᓂᑦᑕᕕᒥ Courtyard by Marriott Montréal Airport, ᒪᓐᑐᔨᐊᓪᒥ (ᓭᓐᑦ-ᓗᕌᓐᑦ).
Courtyard Marriott and Residence Inn
7000 Place Robert-Joncas
Montréal (Saint-Laurent), QC H4M 2Z5
Open in Google Maps >>
ᐊᑐᓚᖓᓗᑎᑦ ᐅᑎᕐᑕᕈᑎᒥᒃ ᒥᕝᕕᒥᒃ ᓯᓂᑦᑕᕕᒻᒧᑦ ᐁᒍᑎᒋᓗᒍ, #8-ᒧᑦ ᑲᑕᒻᒧᑦ ᐁᓗᑎᑦ – ᐊᐅᓪᓚᕆᐊᕐᑐᕕᐅᑉ ᓇᑎᖓᓂ (ᖁᓛᓂ ᓇᑎᕐᒥ) ᐃᑦᓯᕕᑎᑦ ᓇᑦᓴᓗᒋᑦ. ᑌᑲᓂ ᐅᖃᓕᒪᒍᓐᓇᓚᔪᑎᑦ Marriot ᓯᓂᑦᑕᕕᐅᑉ ᐅᑎᕐᑕᐅᑎᖓᓄᑦ. ᑖᒃᓯᑰᑐᐊᕈᕕᑦ, ᐱᔪᒪᓗᑎᑦ ᐊᑭᓖᒍᑎᒥᒃ ᑐᑦᓯᕋᐅᑎᒋᒍᓐᓇᓂᐊᕋᕕᐅᒃ ᐃᓅᑉ ᐊᐅᓪᓚᓯᒪᐅᑎᖏᓐᓂᒃ ᑐᑦᓯᕋᐅᑎᓕᐅᓕᕈᕕᑦ.
🅿️ ᓄᓇᒃᑰᔫᖃᐅᑎ
ᓄᓇᒃᑰᔫᖃᐅᑎ
ᐃᓄᓐᓄᑦ ᓯᓂᑦᑕᕕᒻᒦᓲᓄᑦ, ᖃᕆᐊᑉᐱᑦ ᐅᒃᑯᐃᓯᒍᑎᖓ ᐊᑐᕐᑕᐅᒍᓐᓇᑐᖅ ᓄᓇᒃᑰᔫᖃᐅᑎᒨᕈᑎᒋᒍᓐᓇᓗᒍ ᖃᐅᑕᒫᑦ.
ᐃᓄᓐᓄᑦ ᓄᓇᒃᑰᔫᕐᑐᓄᑦ ᖃᓂᑦᑐᒥ ᐱᑦᓱᑎᑦ, ᓄᓇᒃᑰᔫᒥ ᓄᓇᒃᑰᔫᖃᐅᑎᒨᕐᓯᒍᑎᒥᒃ ᐃᑎᒍᑎᒥᒃ ᐁᑦᓯᒋᐊᖃᕐᖁᑎᑦ ᐃᓕᒐᓱᐊᕐᓂᒧᑦ ᓵᒥ ᖃᐅᑕᒫᑦ. ᓄᓇᒃᑰᔫᖃᐅᑎᒧᑦ ᐃᑎᒍᑎ ᐊᑐᕐᑕᐅᒍᓐᓇᑐᖅ ᐃᑎᒍᑎᒋᓗᒍ ᐊᓂᒍᑎᒋᓗᒍᓗ ᓄᓇᒃᑰᔫᖃᐅᑎᒥ ᐅᓪᓘᑉ ᐃᓗᐊᓂ. ᐃᑎᒍᑎᖃᕆᐊᑐᖕᖏᑐᑎᑦ ᓄᓇᒃᑰᔫᖃᐅᑎᒧᑦ ᑭᓯᐊᓂ ᐊᓂᒍᒪᕈᕕᑦ ᐊᓪᓚᕕᑦᓵᐱᖃᕆᐊᖃᕐᖁᑎᑦ ᓂᕆᒋᐊᕐᑐᖁᓪᓗᑎᑦ ᐅᕝᕙᓘᓐᓃᑦ ᐅᓪᓘᑉ ᓈᓂᖓᓄᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᑭᓕᕈᓐᓇᓯᒐᔭᕐᒪᐅᒃ.
🧾ᐊᐅᓪᓚᓯᒪᐅᑎᓂᒃ ᑐᑦᓯᕋᐅᑏᑦ
ᐊᐅᓪᓚᓯᒪᐅᑎᓂᒃ ᑐᑦᓯᕋᐅᑏᑦ
ᐅᑎᕐᑎᓯᕕᐅᒍᓇᑐᑎᑦ ᐊᒥᓱᓂᒃ ᑮᓇᐅᔭᕐᑑᑎᑎᓐᓂᒃ ᐊᐅᓪᓚᓯᒪᓂᕐᓂ ᐱᒋᐊᕐᓗᒍ ᓄᓇᓕᒻᒥᒃ ᐊᐅᓪᓚᕕᓐᓂᐅᕕᑦ ᓱᖏᐅᓴᐅᑏᑦ ᐱᓇᓱᐊᕈᓯᖓᓄᑦ ᐁᑦᓱᑎᑦ ᑎᑭᓪᓗᒍ ᓱᖏᐅᓴᐅᑏᑦ ᐱᓇᓱᐊᕈᓯᖓᓂᒃ ᐅᑎᕐᕕᓅᕕᑦ ᓄᓇᕕᒻᒥ ᓄᓇᓕᒻᒧᑦ.
ᐃᓕᓐᓂᐊᑎᑦᓯᔨᐅᑦᓱᑎᑦ ᓄᑖᖑᒍᕕᑦ ᐱᓇᓱᑦᑎᑖᖑᑦᓱᑎᒃ ᓄᓇᕕᒻᒥ ᓄᓇᓕᒻᒥᒃ, ᐅᑎᕐᕕᐅᒍᓐᓇᑐᑎᑦ ᓂᕆᑦᔪᑎᓄᑦ ᐊᒻᒪᓗ ᐱᒋᐊᖃᓯᑲᓪᓚᑐᓄᑦ ᒪᓕᓪᓗᒍ ᐱᓇᓱᑦᑐᑦ ᐊᐅᓪᓚᕈᑎᖏᑕ ᒪᓕᒐᖓ. ᑐᑭᓯᒋᐊᓪᓚᕈᒪᒍᕕᑦ, ᑕᑯᓗᒍ ᒪᓕᒐᖅ ᐅᕙᓂwww.kativik.qc.ca/wp-content/uploads/2021/09/FIN-02-Employee-Business-Travel-E-2022-10.pdf.
ᐃᓕᓐᓂᐊᑎᑦᓯᔨᐅᑦᓱᑎᑦ ᓄᑖᖑᒍᕕᑦ ᐱᓇᓱᑦᑎᑖᖑᑦᓱᑎᒃ ᓄᓇᕕᐅᑉ ᓯᓚᑖᓂᒃ, ᑕᑕᓭᒋᐊᖃᕐᑐᑎᑦ ᐃᓅᑉ ᐊᐅᓪᓚᕈᑎᖏᓐᓄᑦ ᑐᑦᓯᕋᐅᑎᒥᒃ ᓂᕆᑦᔪᑎᑎᑦ ᐊᓯᖏᓪᓗ ᑮᓇᐅᔭᕐᑐᑕᑎᑦ ᐊᕐᖁᑎᓐᓂ ᑲᑎᒪᓂᐅᑉ ᓇᔪᕐᑕᖓᓄᑦ ᐱᑦᔪᑎᒋᓗᒋᑦ. ᐆᒪᑎᒋᐊᓕᕕᑦ ᓂᕆᑦᔪᑎᖏᑦ ᑐᑦᓯᕋᐅᑎᒋᒍᓐᓇᒥᔭᑎᑦ ᐃᓅᑉ ᐊᐅᓪᓚᕈᑎᖏᓐᓄᑦ ᑐᑦᓯᕋᐅᑎᑎᓐᓂ. ᐃᓚᐅᑎᑦᓯᒍᓐᓇᒥᔪᑎᑦ ᓂᕆᑦᔪᑎᓂᒃ ᐊᓯᖏᓐᓂᓗ ᑮᓇᐅᔭᕐᑑᑎᓂᒃ ᐃᓕᖓᔪᓂᒃ ᐃᓕᓐᓄᑦ ᐆᒪᒋᐊᓕᓐᓅᕕᓪᓗ, ᐊᓂᓚᐅᕐᓗᑎᑦ ᓯᓂᑦᑕᕕᒻᒥᒃ ᐊᐅᒡᒍᔅᑎ 12-ᒥ ᐊᐅᓪᓚᓗᑎᑦ ᓄᓇᕕᒻᒥ ᓄᓇᓕᒻᒧᑦ ᐱᓇᓱᕝᕕᓅᕕᑦ. ᑐᑭᓯᒋᐊᓪᓚᕈᒪᒍᕕᑦ ᐃᓅᑉ ᐊᐅᓪᓚᕈᑎᖏᓐᓂᒃ ᑐᑦᓯᕋᐅᑎᓕᐅᕐᓂᐅᑉ ᒥᑦᓵᓄᑦ, ᑕᑯᓗᒍ ᒪᓕᒐᖅ ᐅᕙᓂ: www.kativik.qc.ca/wp-content/uploads/2021/09/HR-01-Directive-Social-Travel-E-2022-10.pdf.
ᓱᖏᐅᓴᐅᑏᑦ ᐱᓇᓱᐊᕈᓯᖓᓂ, ᐊᐅᓪᓚᓯᒪᓂᓯ ᐃᓱᒪᒋᔭᐅᓚᖓᔪᖅ ᐱᓇᓱᒋᐊᕐᑐᑐᓄᑦ ᐊᐅᓪᓚᕈᑎᑎᑐᑦ. ᑌᒣᑦᑑᒪᑦ, ᑐᑦᓯᕋᕈᓐᓇᓚᖓᔪᓯ ᓂᕆᑦᔪᑎᓂᒃ ᐊᒻᒪᓗ ᐱᒋᐊᖃᓯᑲᓪᓚᑐᓂᒃ ᐱᓇᓱᑦᑐᓄᑦ ᒪᓕᒐᕗᑦ ᐊᑐᕐᓗᒋᑦ, ᖃᓗᖕᖏᑐᑑᑎᓪᓗᒋᑦ ᐅᓪᓛᕈᒻᒥᑌᑦ ᑌᒃᑯᓄᖓ ᑐᔪᕐᒥᐅᔪᓄᑦ Residence Inn-ᒥ ᓯᓂᑦᑕᕕᐅᑉ ᐃᓚᖓᓂ ᐊᒻᒪᓗ ᑲᑎᒪᔪᓕᒫᑦ ᐅᓪᓗᒍᒻᒥᑕᕈᑎᖏᑦ, ᐱᔭᐅᓛᕐᑐᑦ ᐱᖓᔪᐊᓐᓂ ᕿᑎᕋᓕᒥ. ᐊᓂᕕᑦᓴᓯ ᐅᓪᓗᖓᓄᑦ ᑎᑭᓪᓗᒍ, ᐆᒪᑎᒋᐊᓕᑎᑦ ᐃᓚᐅᒍᓐᓇᖏᑦᑐᑦ ᐅᑎᕐᑎᓯᒍᑎᓄᑦ ᓂᕆᑦᔪᑎᓂᒃ ᐅᕝᕙᓗᓘᓐᓃᑦ ᐱᒋᐊᖃᓯᑲᓪᓚᑐᓂᒃ, ᑭᓯᐊᓂ ᓯᓂᑦᑕᕕᓐᓃᒍᓐᓇᑐᑦ ᖃᕆᐊᓯᓐᓃᓗᑎᒃ ᐊᑐᕈᓐᓇᓱᑎᓪᓗ ᐱᐊᕃᑦ ᐯᕆᔭᐅᒍᑎᖏᓐᓂᒃ ᑌᑲᓂ ᑕᒐᐅᔪᓂᒃ. ᑐᑭᓯᒋᐊᓪᓚᕈᒪᒍᕕᑦ, ᑕᑯᓗᒍ ᒪᓕᒐᖅ ᐅᕙᓂ www.kativik.qc.ca/wp-content/uploads/2021/09/FIN-02-Employee-Business-Travel-E-2022-10.pdf.
Log into your Iniga account to access the electronic Travel Claim forms. Claims will be validated by school operations. You can contact them by email at school.operations@kativik.qc.ca.
🏨ᓯᓂᑦᑕᕖᑦ
ᓯᓂᑦᑕᕖᑦ
ᓄᓇᓕᒃ ᐊᐅᓪᓚᕖᑦ ᐅᖓᓯᓐᓂᓴᐅᑉᐸᑦ 50 km-ᓂᒃ ᑲᑎᒪᓂᐅᑉ ᓇᔪᕆᐊᓕᖓᓄᑦ, ᓯᓂᑦᑕᕕᒻᒥ ᖃᕆᐊᒥᒃ ᖁᒥᐅᒍᑦᔭᐅᓚᖓᔪᑎᑦ (ᐆᒪᒋᐊᓕᑎᑦ ᐃᓚᐅᑎᓪᓗᒋᑦ, ᑌᒣᒋᐊᖃᕐᐸᑦ) ᐃᑎᕈᒫᕐᓂᐊᓗᒍ ᐊᓪᓕᑐᓂ, ᐊᐅᒡᒍᔅᑎ 6-ᒥ ᐊᒻᒪᓗ ᐊᓂᒍᒫᕐᓗᑎᑦ ᐊᐅᒡᒍᔅᑎ 12-ᒥ. ᖃᐅᔨᑎᑦᓯᓯᐊᕐᓗᑎᑦ ᐱᓇᓱᑦᑎᓕᕆᕕᒻᒥᒃ ᐆᒪᒋᐊᓕᖁᑎᑎᑦ ᐃᓕᓐᓃᓚᕐᐸᑕ ᓯᓂᑦᑕᕕᒻᒥ, ᖃᕆᐊᒥᒃ ᓈᒻᒪᑐᒥᒃ ᖁᒥᐅᒍᑕᐅᓂᐊᕋᑦᓯ.
ᖃᖓᑕᒍᑎᑦᓴᑎᑦ ᓄᓇᕕᒻᒧᑦ ᓱᕐᖁᐃᑐᐊᕐᐸᑕ, ᖃᐅᔨᒋᐊᑦᓯᐊᓗᑎᑦ ᐅᓪᓗᒥᒃ ᐊᐅᓪᓚᓂᑦᓴᓯᓐᓄᑦ ᑐᔪᕐᒥᐅᓂᒋᐊᓪᓚᒥᒃ ᐅᓐᓄᐊᒧᑦ ᐊᑕᐅᓯᕐᒧᑦ ᒪᕐᕉᓄᓪᓘᓃᑦ ᖁᒥᐅᒋᐊᖃᓯᒍᓐᓇᕋᕕᑦ ᖃᖓᑦᑕᔫᖃᖕᖏᐸᑦ 12-ᒥ. ᓯᓂᑦᑕᕈᑕᐅᒋᐊᓪᓚᑐᑦ ᐅᓐᓄᐊᖏᑦ ᐃᓚᐅᓯᒐᔭᕐᑐᑦ ᐃᓅᑉ ᐊᐅᓪᓚᕈᑎᖏᓐᓂᒃ ᑐᑦᓯᕋᐅᑎᓯᓐᓄᑦ.
🍽 ᓂᕆᑦᔪᑏᑦ
ᓂᕆᑦᔪᑏᑦ
ᓱᖏᐅᓴᐅᑏᑦ ᐱᓇᓱᐊᕈᓯᖓᓂ, ᐊᖏᔫᖕᖏᑐᑦ ᐅᓪᓛᕈᒻᒥᑌᑦ ᐊᒻᒪᓗ ᓂᕆᔭᑦᓵᐲᑦ ᑕᙯᕐᓯᓇᒥ ᒪᓂᖃᑦᑕᓚᖓᔪᑦ ᐃᓕᓐᓂᐊᑎᑦᓯᔨᓄᑦ ᑲᑎᒪᓂᕐᓂ ᐁᓯᒪᔪᓄᑦ.
ᐅᓪᓗᒍᒻᒥᑌᑦ ᐊᒻᒪᓗ ᐅᓐᓄᒍᒻᒥᑌᑦ ᒪᓂᖃᑦᑕᓛᖕᖏᑐᑦ ᐃᓕᓐᓂᐊᑎᑦᓯᔨᓄᑦ ᐁᓯᒪᔪᓄᑦ, ᐊᑦᔨᐅᖏᑦᑑᑎᓪᓗᒋᑦ ᐊᑕᖏᕐᑐᑦ ᐅᓪᓗᒍᒻᒥᑕᕈᑎᖏᑦ ᐃᓕᓐᓂᐊᕕᓯᓐᓂ ᐱᓇᓱᖃᑎᒌᑦ ᐁᑉᐸᖓᓐᓂ ᐃᓚᐅᔪᓕᒫᑦ ᐅᓪᓗᒍᒻᒥᑕᓕᕐᐸᑕ ᐱᓛᕐᑕᖏᑦ. ᑌᒃᑯᐊ ᑐᔪᕐᒥᐅᔪᑦ Residence Inn-ᒥ ᐱᑦᔪᑎᒋᓗᒋᑦ, ᐊᑭᖃᖕᖏᑐᑦ ᐅᓪᓛᕈᒻᒥᑌᑦ ᐃᓚᐅᑦᓴᐅᑎᒋᔪᑦ. ᑕᒪᒃᑯᐊ ᐊᑦᔨᐅᖏᒍᑏᑦ ᑐᑦᓯᕋᐅᑎᒋᒍᓐᓇᖏᑦᑕᓯ ᐱᓇᓱᑦᑐᑦ ᐊᐅᓪᓚᕈᑎᖏᓐᓂᒃ ᑐᑦᓯᕋᐅᑎᓯᓐᓂ.
ᐅᓪᓗᑕᒫᑦ ᐊᑭᓕᕐᑕᐅᔪᑦ ᐊᑭᖏᑦ
ᐅᓪᓛᕈᒻᒥᑕᖅ: $15
ᐅᓪᓗᒍᒻᒥᑕᖅ: $21
ᐅᓐᓄᒍᒻᒥᑕᖅ: $34
💲ᑮᓇᐅᑦᔭᓴᕐᓂᖅ
ᑮᓇᐅᑦᔭᓴᕐᓂᖅ
ᓱᖏᐅᓴᐅᓂᐅᑉ ᐱᓇᓱᐊᕈᓯᖓ ᑮᓇᐅᑦᔭᓴᕈᑕᐅᓚᖓᔪᖅ ᐊᑐᖁᓇᕐᑐᒪᕆᐊᓘᒻᒪᑦ ᐃᓚᒋᓕᐅᑎᑦᓯᐊᖁᓗᑎᑦ ᐊᒻᒪᓗ ᐱᓇᓱᑦᑎᒋᓕᐅᑎᑦᓯᐊᖁᓗᑎᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐊᒻᒪᓗ ᐃᓕᓐᓂᒃ ᐊᑐᐃᓐᓇᕈᐃᓚᖓᒻᒪᑦ ᐃᓕᓐᓂᐊᑎᑦᓯᕕᑦᑖᓄᑦ ᐃᓕᓐᓂᐊᑎᓐᓅᕕᓪᓗ.
ᓄᐃᔪᑦ ᓄᐃᖕᖏᑐᓪᓗᑦ ᐊᓪᓚᑕᐅᖃᑦᑕᓚᖓᔪᑦ ᐅᓪᓛᑯᑦ ᐅᓐᓄᓴᒃᑯᓗ ᑕᒫᑦ ᐊᓪᓚᑕᐅᒋᐊᕐᑐᕕᓐᓂ ᓵᕐᓂ ᐅᕝᕙᓗᓘᓐᓃᑦ ᐊᑐᓂ ᑲᑎᒪᓂᐊᐱᒻᒥ ᐱᖓᔪᐊᓐᓂ ᓯᑕᒪᖓᓐᓂᓗ.
ᖃᐅᑕᒫᕐᓯᐅᑎᓂᒃ ᑮᓇᐅᔭᓂᒃ ᐊᑭᓕᕐᑕᐅᒍᑏᑦ ᐊᑭᓕᖃᑦᑕᓚᖓᔪᑦ ᐁᓯᒪᖃᑦᑕᓂᖅ ᑲᑎᒪᓂᐊᐱᓐᓂ ᓱᕐᖁᐃᑕᐅᓚᐅᕐᑎᓗᒍ. ᑖᒃᑯᐊ ᐃᓚᐅᓛᕐᑐᑦ ᑮᓇᐅᑦᔭᓵᓂᒃ ᑮᓇᐅᑦᔭᕈᑎᓯᓐᓄᑦ ᐊᐅᒡᒍᔅᑎᒥ ᓯᑉᑎᒻᐱᕆᒥᓘᓐᓃᑦ. ᓯᑉᑎᒻᐱᕆᐅᑉ ᐃᓱᐊᓂ ᑖᒃᑯᓂᖓ ᐊᑭᓕᕐᑕᐅᕋᑕᖕᖏᑯᕕᑦ, ᐱᓇᓱᑦᑎᓕᕆᕕᒻᒧᑦ ᐅᖃᕐᓗᑎᑦ.
👧 ᐅᓪᓗᑯᑦ ᐯᕆᑦᓯᓂᖅ
ᐅᓪᓗᑯᑦ ᐯᕆᑦᓯᓂᖅ
ᐅᓪᓗᑯᑦ ᐯᕆᑦᓯᐅᑏᑦ ᐱᐊᕋᕐᓂᒃ 12-ᓂᒃ ᐊᑖᓄᓪᓗ ᐅᑭᐅᓕᓐᓂᒃ ᐊᑐᕋᑦᓴᐅᔪᑦ ᓯᓂᑦᑕᕕᒻᒥ ᑐᖕᖓᓱᑦᑎᓯᕕᖓᑕ ᖃᕆᐊᖓᓂ. ᑖᒃᑯᐊ ᐱᑦᔪᔨᒍᑏᑦ ᓄᐃᑕᑎᑕᐅᔪᑦ ᐯᕆᑦᓯᔨᓄᑦ Kidtabulous Event Childcare (www.kidtabulous.com).
ᐱᐊᕃᑦ ᐯᕆᑦᓯᕕᒻᒦᑐᑦ ᐊᑐᓯᑐᐃᓐᓇᕆᐊᓖᑦ ᐃᓪᓘᑉ ᐃᓗᐊᓂ ᐳᐃᑦᔪᕋᕐᕕᒥᒃ. ᓇᑦᓴᓗᑎᑦ ᐊᑯᕐᕈᐊᒥᒃ ᐳᑦᑕᔫᒥᒃ ᐅᕝᕙᓗᓘᓐᓃᑦ ᐳᑦᑕᖁᑎᒥᒃ ᐱᐊᕋᕐᐱᑦ ᐊᑐᓲᖓᓂᒃ.
ᐅᓪᓗᑯᑦ ᐯᕆᑦᓯᐅᑏᑦ ᓯᕗᓂᐊᒍᑦ ᐃᓂᒥᒃ ᖁᒥᐅᒍᑕᐅᒋᐊᓖᑦ. ᓯᕗᓪᓕᐅᔨᓂᖅ ᑐᓂᓚᖓᔪᖅ ᐃᓂᑦᓴᓕᐅᕐᓯᒪᔪᓄᑦ ᔪᓓ 6 ᓯᕗᓂᖓᓂ, ᑕᕐᓯᑐᐃᑦᓱᑎᒃ ᐅᑯᓂᖓ ᐊᓪᓚᕕᑦᓴᔭᓂᒃ: https://forms.office.com/r/swZfx8mtRu (ᒪᓕᑦᑎᐅᓚᐅᔪᔪᓂᒃ ᖃᕆᑕᐅᔭᒃᑯᑦ ᙯᖁᔨᒍᑎᓄᑦ). ᓇᑦᓴᓗᑎᑦ ᑭᓇᐅᓂᓯ ᓇᓗᓀᕈᑎᖏᓐᓂᒃ ᐊᑐᐃᓐᓇᐅᓗᑎᓪᓗ ᐊᑎᓕᐅᕐᕕᖃᕆᐊᖃᕐᓂᒧᑦ ᓵᑦᓯᓛᖕᖏᓂᕋᐅᑎᓂᒃ ᐅᓪᓗᒥ ᓯᕗᓪᓕᐹᖓᓂ.
🐕 ᐆᒪᔪᖁᑏᑦ
ᐆᒪᔪᖁᑏᑦ
ᐆᒪᔪᒃᑭᓗᑎᑦ ᐊᐅᓪᓚᓯᒪᓚᖓᒍᕕᑦ, ᓯᕗᓂᐊᒍᑦ ᖃᐅᔨᑎᑦᓯᒋᐊᖃᕐᑐᑎᑦ ᐱᓇᓱᑦᑎᓕᕆᕕᒻᒥ ᑲᒪᔨᓐᓂᐅᕕᑦ. ᐆᒪᔪᓂᒃ ᖃᓄᐃᑦᓴᕈᑕᐅᖕᖏᑐᖅ ᖃᕆᐊᖅ ᐃᓕᓐᓄᑦ ᖁᒥᐅᑕᐅᓛᕐᑐᖅ Residence Inn-ᖑᓂᖓᓂ ᓯᓂᑦᑕᕕᐅᑉ ᐃᓚᖓᓂ. ᖃᐅᔨᒪᑦᓯᐊᕆᑦ ᓵᑕᐅᒍᑎᖃᓛᕋᕕᑦ ᐆᒪᔪᖁᑏᑦ ᓱᒃᑯᑎᕆᑐᐊᕐᐸᑦ ᖃᕆᐊᕐᓂᐅᕕᑦ. ᐆᒪᔪᖁᑎᒥᒃ ᑲᒪᓂᒃᑯᑦ ᐱᒍᑦᔨᐅᑎᖃᓛᖕᖏᑐᖅ. ᓱᓕᒋᐊᓪᓚᒃ, ᐆᒪᔪᒃᑭᓱᑎᑦ ᐊᐅᓚᒐᕕᑦ, ᐱᒻᒪᕆᓪᓗᑑᒻᒥᔪᖅ ᖃᖓᑦᑕᔫᓖᑦ ᐅᖃᓕᒪᕕᒋᓗᒋᑦ ᖃᖓᑕᓂᑦᓴᓂᒃ ᖃᐅᔨᒪᐅᑎᓄᑦ ᑎᑭᑕᐅᑦᓴᑐᐊᕈᕕᑦ ᐃᓂᑦᓴᓕᐊᕆᐊᖃᕋᕕᑦ ᐆᒪᔪᖁᑎᓐᓅᕕᑦ ᖃᖓᑦᑕᔫᒥ. ᐅᓯᕕᑦᓴᖅ ᐃᓱᖃᕐᒪᑦ ᖃᖓᑦᑕᔫᑦ ᐃᓚᖏᓐᓂ ᑕᒪᓐᓇ ᐱᒋᐊᑦᓴᐅᑎᒋᓗᒍ ᐱᐅᓂᕐᓴᖅ.
🧳 ᐅᓰᑦ ᐅᖁᒣᓗᐊᕈᑎᖏᑦ
ᐅᓰᑦ ᐅᖁᒣᓗᐊᕈᑎᖏᑦ
ᓇᐅᑐᐃᓐᓀᑦ ᐅᖁᒣᓗᐊᕈᑎᓂᒃ ᐃᑦᓯᕕᒃᑭᐅᑏᑦ ᓯᓂᑦᑕᕕᒻᒥᒃ ᐁᔭᐅᓛᕐᑐᑦ KI-ᑯᑦ ᐅᓯᔨᖏᓐᓄᑦ ᐱᖓᔪᐊᓐᓂ, ᐊᐅᒡᒍᔅᑎ 9-ᒥ, 7:30 ᐅᓪᓛᑯᑦ ᐊᒻᒪᓗ 9:00 ᐅᓪᓛᑯᑦ ᐊᑯᓐᓂᖓᓂ ᐊᐅᓪᓚᑎᑕᐅᓚᖓᓗᑎᑦ ᐊᑐᓂ ᓄᓇᓕᓐᓄᑦ ᑐᕌᕐᑕᖏᓐᓄᑦ. ᓄᐊᒪᓛᕐᑐᑦ ᐱᓱᕋᔭᕝᕕᒥ ᑲᑎᑦᑕᕕᐅᔪᑦ ᖃᕆᐊᖏᑕ ᓯᓚᑎᐊᐱᐊᓂ Courtyard Marriott ᓯᓂᑦᑕᕕᒻᒥ.
ᐃᑦᓯᕕᒃᑭᐊᓕᒫᑦ ᐱᑦᓯᐊᓯᒪᓗᑎᒃ ᐊᒻᒪᓗ ᑕᑯᑦᓴᓯᐊᒥᒃ ᓇᓗᓀᒃᑯᑕᖃᕆᐊᓖᑦ ᐊᑎᓕᔮᕐᑎᓗᒍ ᐃᓕᓐᓂᐊᑎᑦᓯᔨ ᐊᒻᒪᓗ ᓄᓇᓕᒃ ᐱᓇᓱᕝᕕᖓ.
ᓂᓪᓚᓴᕐᓯᒪᔪᓂᒃ ᖁᐊᕐᓂᓘᓐᓃᑦ ᓂᕿᓂᒃ ᐁᑦᓯᔪᖃᓛᖕᖏᑐᖅ. ᓂᓚᓴᕐᓯᒪᔪᑦ ᖁᐊᕐᓯᒪᔪᓪᓘᓃᑦ ᓂᖀᑦ ᐸᔫᑎᒋᒋᐊᖃᓚᖓᔭᑎᑦ ᐃᓄᐃᑦ ᖃᖓᑦᑕᔫᖏᓐᓄᑦ ᑐᕃᓐᓇᐅᑎᓗᒋᑦ ᐅᕗᖓ 800 Stuart Graham Blvd., Suite 110, Dorval, QC Open in Google Maps–> ).
ᐅᓯᓄᑦ ᐊᑦᑐᐊᔪᒥᒃ ᐊᐱᕐᓲᑎᑦᓴᖃᕈᕕᑦ, ᐅᖃᕈᓐᓇᑐᑎᑦ ᐅᕗᖓ ᕋᑭᐊᔅ ᐊᕗᐊᔅᑎ (Rakesh Awasthi), ᐊᐅᓪᓚᑎᑦᓯᒍᑎᓂᒃ ᑲᒪᔨᒻᒪᕆᒻᒧᑦ, ᖃᕆᑕᐅᔭᒃᑯᑦ ᐅᕙᓂ Rakesh.Awasthi@kativik.qc.ca
🚌 ᐅᓯᑲᑦᑕᐅᑎ
ᐅᓯᑲᑦᑕᐅᑎ
ᐅᓯᔭᐅᒋᐊᖃᕈᕕᑦ ᓯᓂᑦᑕᕕᒻᒥ ᐱᓗᑎᑦ ᒥᕝᕕᒧᑦ ᐊᐅᓪᓚᓯᒍᕕᑦ ᓄᓇᕕᒻᒧᑦ, ᑕᑕᕐᓴᓗᒍ ᐊᑖᓃᑦᑐᖅ ᑕᑕᕐᓴᒐᖅ.
✈️ ᐊᐅᓪᓚᓂᖅ ᓄᓇᕕᒻᒧᑦ
ᐊᐅᓪᓚᓂᖅ ᓄᓇᕕᒻᒧᑦ
ᐊᐅᓪᓚᓂᖅ ᓄᓇᓕᒻᒧᑦ ᑐᕌᕐᑕᓯᓐᓄᑦ ᐋᕐᕿᑕᐅᓛᕐᑐᖅ ᐊᓪᓕᖏᓱᖓᕐᑐᓄᑦ, ᐊᐅᒡᒍᔅᑎ 12-ᒥ, ᐊᓪᓕᑐᓄᓪᓘᓃᑦ, ᐊᐅᒡᒍᔅᑎ 13-ᒥ.
ᓱᕐᖁᐃᓯᐊᕐᓗᑎᑦ ᖃᖓᑕᒍᑎᑦᓴᖃᕐᓂᓂᐅᕕᑦ KI-ᑯᑦ ᐊᐅᓪᓚᑐᑦᓴᓕᕆᔨᒃᑯᖏᓐᓂ ᓱᖏᐅᓭᓂᐅᑉ ᐱᓇᓱᐊᕈᓯᖓᑕ ᓯᕗᓂᐊᒍᑦ.
ᓱᓕᓗ, ᐆᒪᔪᒃᑭᓗᑎᑦ ᐊᐅᓪᓚᓛᕈᕕᑦ, ᐳᐃᒍᕐᑌᓕᒋᑦ ᐅᖃᓕᒪᒋᐊᖃᕋᕕᑦ ᖃᖓᑦᑕᔫᓕᓐᓄᑦ ᖁᒥᐅᓗᑎᑦ ᐆᒪᔪᖁᑎᕕᑦ ᐃᓂᑦᓴᖓᓂᒃ ᐃᓂᑦᓴᖅ ᐃᓱᖃᑐᐃᓐᓇᕆᐊᖃᕐᒪᑦ.
2. ᐃᓂᓪᓚᑎᕐᓯᒪᔪᑦ
ᐅᓪᓗᓯᐅᑏᑦ ᐊᑦᔨᒌᓕᖕᖏᑐᑦ ᑐᖕᖓᕕᖃᕐᓱᓂ ᐃᓕᓐᓂᐊᑎᑕᓯᓐᓂᒃ ᐅᖃᐅᓯᕐᒥᓗ ᐃᓕᓐᓂᐊᑎᑦᓯᒍᑎᒋᓚᖓᓯᓐᓂᒃ ᐊᕐᕌᒍᒥ ᑕᒡᒐᓂ ᓄᓇᕕᒻᒥ. ᑕᑯᒋᐊᑦᓯᐊᓗᑎᑦ ᒪᓕᑦᑎᓂᒃ ᐅᓪᓗᓯᐅᑎᓂᒃ. ᑕᒪᒃᑯᐊ ᖃᐅᔨᒪᐅᑏᑦ ᑕᑯᒍᓐᓇᑕᓯ ᓱᖏᐅᓴᕐᕕᒥ ᑭᓇᐅᓂᓯ ᐊᓪᓛᐱᖏᓐᓂ.
ᐊᓪᓚᖁᑎᓕᐊᖑᓯᒪᔪᖅ ᐃᓗᐃᑦᑐᖅ PDF-ᖑᑦᓱᓂ ᖃᕆᑕᐅᔭᓐᓄᑦ ᐃᓕᓗᒍ >>
3. ᐱᓇᓱᑦᑎᑦ ᑕᑯᒋᐊᒃᑭᑦ
ᐅᕕᒃᑫᑦ ᐃᓕᓐᓂᐊᕕᖏᓐᓂ ᐱᓇᓱᑦᑏᑦ
ᐃᓕᓐᓂᐊᓂᓕᕆᓂᖅ, ᐱᒍᑦᔨᒋᐊᓪᓛᕕᒃ ᐊᒻᒪᓗ ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓃᑦ
ᐃᓄᑦᑎᑐᑦ ᐃᓕᓐᓂᐊᕈᑎᑦᓴᓕᐅᕐᓂᖅ
ᐹᓴ ᐳᑦᑖᔪᒃ
ᐃᓄᑦᑎᑐᑦ ᐅᖃᐅᓯᓕᕆᓂᖅ (ᐳᕐᑐᓂᕐᓴᓄᑦ)
✉️ ᐊᓪᓚᕕᐅᕕᖓ
ᐱᓇᓱᑦᑐᖃᖕᖏᑐᖅ
ᓴᓇᑦᑐᓴᐅᑎᓕᕆᓂᖅ
ᐱᓇᓱᑦᑐᖃᖕᖏᑐᖅ
ᓱᑯᐃᔦᓂᖅ
ᖃᓪᓗᓈᑎᑐᑦ ᒍᐃᒍᐃᑎᑐᓪᓗ ᐃᓕᓐᓂᐊᕈᑎᑦᓴᓕᐅᕐᓂᖅ
ᑯᕆᔅᑏᓇ ᑯᕆᕕᔅ
(ᕿᑲᕐᑐᖅ)
ᓯᐊᔭ ᐳᓓᖕ
(ᕿᑲᕐᑐᖅ)
ᐱᓇᓱᑦᑐᖃᖕᖏᑐᖅ
ᓴᓇᑦᑐᓴᐅᑎᓕᕆᓂᖅ & ᓱᑯᐃᔦᓂᖅ (ᐳᒃᑭᓂᕐᓴᓂ ᒍᐃᒍᐃᑎᑐᑦ)
ᑭᐊᕈᓓᓐ ᒫᑎᓐ
(ᕿᑲᕐᑐᖅ)
ᓴᑐᕐᓇᑐᓕᓐᓂᒃ ᐊᒻᒪᓗ ᐃᑲᔪᕐᑕᐅᒋᐊᓪᓛᕆᐊᓕᓐᓂᒃ ᐱᒍᑦᔨᕕᒃ
ᐱᓇᓱᑦᑐᖃᖕᖏᑐᖅ
ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓ, ᓴᑐᕐᓇᑐᓕᓐᓂᒃ ᐊᒻᒪᓗ ᐃᑲᔪᕐᑕᐅᒋᐊᓪᓛᕆᐊᓕᓐᓂᒃ ᐱᒍᑦᔨᕕᒃ
ᐃᓱᒪᓕᕆᓂᕐᒥᒃ ᐃᑲᔪᕐᑏᑦ
4. ᐃᓕᓐᓂᐊᕈᑎᑦᓭᑦ
ᐅᐃᒍᐃᑎᑐᑦ ᐅᖃᐅᓯᖃᕐᓗᓂ ᐁᑉᐱᐅᑎᖓᓂᒃ
ᐱᐅᓯᑐᖃᓕᕆᓂᖅ ᐊᒻᒪᓗ ᓄᓇᒥ ᐊᓐᓇᐅᒪᒐᓱᐊᕐᓂᖅ
ᐳᒃᑭᓂᕐᓭᑦ ᐃᓄᑦᑎᑐᑦ
ᐳᕐᑐᓂᒃᓴᓂ ᐃᓄᒃᑎᑐᑦ
ᑎᒥᒃᑯᑦ ᐃᙯᓕᓴᕐᓂᒥᒃ ᐃᓕᓴᕆᐊᖃᕐᓂᖅ ᐊᒻᒪᓗ ᖃᓄᐃᖏᑦᓯᐊᕆᐊᖃᕐᓂᖅ
ᐅᖄᕕᒋᑎᒍᑦ
ᐊᐱᕐᓲᑎᑦᓴᖃᕈᕕᑦ ᓱᖏᐅᓯᓴᕐᑕᐅᓂᐅᑉ ᒥᑦᓵᓄᑦ, ᐊᓪᓚᕕᒋᑎᒍᑦ ᐅᕗᖓ ki_orientation@kativik.qc.ca. ᐃᓕᓐᓄᑦ ᐅᑎᕐᕕᖃᕋᔭᕐᑐᒍᑦ ᐊᑯᓂᐅᖕᖏᑐᖅ.