‹ ᕿᓂᕈᑎᒧᑦ ᐅᑎᕈᑎᒃ
ᐃᓕᓭᒍᑎᑦᓴᑕᖏᑦ

ᐃᓪᓗᕕᒐᓕᐅᕐᓂᖅ

ᒫᓐᓇᐅᔪᖅ, ᐅᕕᒃᑫᑦ ᐃᓄᐃᑦ ᐃᓕᑦᓯᓯᒪᖕᖏᑐᑦ ᖃᐅᔨᒪᓂᐅᔪᓂᒃ, ᐱᔪᓐᓇᓂᐅᔪᓂᒃ ᐊᒻᒪᓗ ᐱᐅᓯᐅᓲᓂᒃ ᖃᓄᖅ ᐃᓪᓗᕕᒐᓕᐅᕆᐊᒥᒃ. ᐃᓄᒻᒪᕇᑦ ᐅᖃᕐᓯᒪᔪᑦ ᐱᒻᒪᕆᐅᒋᐊᖏᓐᓂᒃ ᑲᔪᓯᒃᑫᒐᓱᐊᕐᓂᒥᒃ ᐃᓪᓗᕕᒐᓕᐅᒋᐊᕐᓴᑎᑦᓯᓂᕐᒥᒃ ᐃᓅᓱᑦᑐᓂᒃ ᐊᖑᑎᓂᒃ ᐊᕐᓇᓂᓪᓗ. ᐃᓪᓘᑐᐃᓐᓇᕋᓂ ᐃᓅᓯᒋᔭᐅᔪᓂᒃ ᐊᓐᓇᐅᒣᒍᑎᐅᕗᖅ; ᐃᓪᓗᕕᒐᓕᐅᕈᓐᓇᓂᑯᑦ, ᐃᓅᓱᑦᑐᐃᑦ ᐃᓄᐃᑦ ᐱᔪᓐᓇᓂᕐᑖᓲᑦ ᐊᒻᒪᓗ ᐃᒻᒥᓂᕐᓱᒍᓐᓇᓕᐅᒥᑦᓱᑎᒃ.

ᐃᓪᓗᕕᒐᓕᐅᕐᓂᖅ 6-ᓂᒃ ᐱᒋᐅᕐᓴᐅᑎᓂᒃ ᐃᓗᓕᓕᒃ.

1. ᐱᒋᐊᖕᖓᐅᑎ

ᑐᑭᓯᒪᓂᖅ ᐱᒻᒪᕆᐅᓂᖏᓐᓂᒃ ᐃᓪᓗᕕᒉᑦ ᑐᖕᖓᕕᒋᑦᓱᒋᑦ ᐃᓗᕐᖁᓯᑐᙯᑦ ᐊᒻᒪᓗ ᒫᓐᓇᐅᔪᖅ ᐊᑐᕐᑕᐅᓂᖏᑎᒍᑦ ᐅᐃᒪᓇᕐᑑᑎᓪᓗᒍᐃᓪᓗᒋᔭᐅᒍᓐᓇᓱᑎᒃ.

2. ᐆᑦᑐᕋᐅᑏᑦ

ᐃᓕᓐᓂᐊᑏᑦ ᖃᐅᔨᓴᕐᓗᒋᑦ ᐆᑦᑐᕋᓚᐅᕐᑎᓇᒋᑦ, ᐱᔪᓐᓇᐅᑎᖏᓐᓂᒃ, ᖃᐅᔨᒪᓂᖏᓐᓂᒃ ᐊᒻᒪᓗ ᐱᐅᓯᐅᓲᓂᒃᖃᓄᖅ ᐃᓪᓗᕕᒐᓕᐅᒐᓱᐊᕆᐊᒥᒃ.

3. ᐊᑑᑎᔭᐅᔪᑦᓴᖅ

ᐃᓕᓐᓂᐊᑎᓂᒃ ᐃᓕᓐᓂᐊᑎᑦᓯᓂᖅ ᓱᓇᓕᒫᓂᒃ ᖃᐅᔨᒪᒋᐊᓕᖏᓐᓂᒃ ᖃᓄᖅ ᐃᓪᓗᕕᒐᓕᐅᕐᓂᒥᒃ, ᐊᐳᑎᒧᑦ ᓴᓇᕐᕈᑎᑦᓴᒥᓂᒃᐊᑐᕐᓗᑎᒃ, ᖃᓄᐃᓘᒋᐊᖃᕐᓂᖏᓐᓂᒃᐊᑦᑕᓇᕐᑐᒦᑦᑌᓕᒐᓱᐊᕐᓗᑎᒃ.

4. ᐱᒋᐅᕐᓴᓂᖅ

ᐱᒋᐅᕐᓴᓂᖅ ᐊᑑᑎᔭᐅᓲᓂᒃ ᐃᓪᓗᕕᒐᓕᐅᕐᑐᓄᑦ, ᑐᖕᖓᕕᒋᑦᓱᒋᑦ ᖃᐅᔨᓴᐅᑎᕕᓃᑦᐊᒻᒪᓗ ᐊᑑᑎᔭᐅᔪᑦᓭᑦ ᐱᒋᐅᕐᓴᐅᑎᐅᑫᓐᓇᑐᓂ.

5. ᐁᑦᑑᓯᐊᖅ

ᐃᓄᒻᒪᕆᓐᓂ ᐃᓕᑦᓯᕕᖃᕐᓱᓂ ᐃᓪᓗᕕᒐᓕᐅᕐᓂᒥᒃ ᐃᓄᐃᑦ ᐃᓗᕐᖁᓯᖏᑎᒍᑦ ᐊᒻᒪᓗ ᐱᑐᕝᕕᖃᕐᓂᖅ ᐃᓅᒡᒍᓯᐅᔪᕕᓂᕐᓂᒃ ᐃᓪᓗᕕᒐᕐᒥᐅᖑᖏᓐᓇᑎᓪᓗᒋᑦ ᑌᑦᓱᒪᓂ.

6. ᐃᓪᓗᕕᒐᓕᐅᕐᓂᖅ

ᐃᓪᓗᕕᒐᓕᐅᕆᐅᕐᓂᖅ ᐃᓘᓐᓀᓂ, ᑕᑯᓐᓇᑎᓗᒋᑦ ᐃᓕᓐᓂᐊᑏᑦ ᐃᓕᑦᓯᒪᔭᖏᓐᓂᒃ ᑕᒡᒐᓂ ᐊᕕᑦᑐᓯᒪᐅᑎᒥ ᐸᕐᓀᓚᐅᑲᓪᓗᑎᒃ ᑌᒪ ᐃᓪᓗᕕᒐᓕᐅᓯᓗᑎᒃ

ᐊᐱᕐᓲᑎᑦᓴᖃᕈᕕᑦ ᐅᖃᐅᓯᑦᓴᖃᕈᕕᓪᓘᓃᑦ, ᖃᐅᔨᓴᕐᕕᒋᑎᒍ.

ᖃᐅᔨᓴᕐᕕᒋᑎᒍ