ᐃᓪᓗᕕᒐᓕᐅᕐᓂᖅ – ᐊᑑᑎᔭᐅᔪᑦᓴᖅ

ᓇᓗᓀᕐᓯᐅᑎ

ᐃᓪᓗᕕᒐᓕᐅᕐᑐᖃᓕᕐᒪᑦ ᖃᐅᔨᒪᓪᓚᕆᒋᐊᓕᒃ ᑐᓴᕐᓯᒪᑦᓯᐊᓗᓂᓗ. ᑌᑦᓱᒪᓂ, ᐃᓄᐃᑦ ᐃᓪᓗᕕᒐᕐᓂᒃ ᑌᒪᖕᖓᑲᓵᖅ ᐊᑐᖃᑦᑕᓯᒪᔪᑦ, ᐃᓕᑦᓯᒪᑦᓱᑎᓪᓗ ᑕᑯᓐᓇᑐᐃᓐᓇᓱᑎᒃ, ᐆᑦᑐᖑᐊᕐᓱᑎᒐᓴᒃ ᑕᑯᓐᓇᓯᒪᔭᒥᓂᒃ ᒪᓕᑦᓱᑎᒃ. ᒫᓐᓇᐅᔪᖅ ᐊᓯᖏᓐᓂ ᓇᔪᒐᖃᓲᖑᓕᕐᒪᑕ, ᖃᕐᒪᓂᒃ, ᑐᐱᓐᓂᒃ, ᐊᓯᖏᓐᓂᓗ ᐊᑐᕐᓂᓴᐅᓲᖑᓕᕐᓱᑎᒃ, ᐃᓕᓐᓂᐊᑏᑦ ᑌᒫᒃ ᐃᓕᒍᓐᓇᓯᓚᖓᖕᖏᑐᑦ. ᑌᒣᑦᓱᒍ ᐱᒻᒪᕆᐅᕗᖅ ᒪᓕᑦᑎᒐᓱᐊᕐᓗᒋᑦ ᐃᓪᓗᕕᒐᓕᐅᕐᓂᒥᒃ ᒪᙯᓲᖑᓚᐅᕐᑎᓇᒋᑦ ᐱᒋᐅᕐᓴᑎᓪᓗᒋᑦ ᐱᒋᐅᕐᓴᐅᑎᐅᔪᓂ.

ᐃᓪᓗᕕᒐᓕᐅᕐᓃᑦ ᐃᓗᓕᖏᑦ

ᑕᒡᒐᓂ ᐱᒋᐅᕐᓴᐅᑎᒥ ᐃᓪᓗᕕᒐᓂᐅᕐᓃᑦ ᐃᓗᓕᖏᑦ 6-ᓂᒃ ᒪᓕᑦᑕᐅᒋᐊᓕᓐᓂᒃ ᐱᒋᐅᕐᓴᐅᑎᓕᒃ.

1. ᑐᑭᓯᑎᑦᓯᒍᑎ
2. ᐆᑦᑐᕋᐅᑏᑦ
3. ᐊᑑᑎᔭᐅᔪᑦᓴᖅ
4. ᐱᒋᐅᕐᓴᓂᖅ
5. ᐁᑦᑑᓯᐊᖅ
6. ᐃᓪᓗᕕᒐᓕᐅᕐᓂᖅ

---

ᐃᓕᓐᓂᐊᑎᑕᐅᒍᑏᑦ ᓄᐃᒍᑎᖏᑦ

ᑕᒡᒐᓂ ᐱᒋᐅᕐᓴᐅᑎᒥ, ᐃᓕᓐᓂᐊᑏᑦ ᐃᓕᑦᓯᓚᖓᔪᑦ ᖃᓄᖅ ᐃᓪᓗᕕᒐᓕᐅᕐᓂᐅᑉ ᐱᒋᐊᕐᑕᐅᒍᓯᖓᓂᒃ. ᑕᑯᓐᓇᓯᒪᓕᕇᕐᓱᑎᒃ ᐆᑦᑐᕋᕐᓯᒪᑦᓱᑎᓪᓗ ᓄᓇᒦᑦᓱᑎᒃ, ᐊᐳᑎᒥᒃ. ᒫᓐᓇ ᕿᒥᕐᕈᑎᓪᓗᒋᑦ ᐃᓪᓗᕕᒐᓕᐅᕈᓯᐅᔪᓂ, ᓴᓇᕐᕈᑎᒋᔭᐅᓲᓂᒃ, ᐊᐳᑏᑦ ᖃᓄᐃᑦᑑᓂᖏᓐᓂᒃ, ᐊᓪᓚᖑᐊᕐᓯᒪᔪᓂᒃ, ᐃᓂᑦᓴᖏᓐᓂᒃ, ᓴᓇᖕᖑᐊᒐᕐᓂᒃ ᒥᑭᔪᓂᒃ, ᐊᒻᒪᓗ ᐃᓱᒪᒋᔭᐅᔪᓂ ᐃᓪᓗᕕᒐᐅᑉ ᒥᑦᓵᓄᑦ. ᑕᒪᒃᑯᐊ ᓲᖑᓰᒋᐊᓚᖓᔪᑦ ᖃᐅᔨᒪᓂᖏᓐᓂᒃ ᐱᕙᓪᓕᐊᓯᒪᔭᖏᑎᒍᑦ ᐆᑦᑐᕋᕐᑕᕕᓂᕐᒥᓂᒃ ᐱᒋᐅᕐᓴᐅᑎᒋᓯᒪᔭᕐᒥᒍᑦ ᐊᒻᒪᓗ ᐃᓕᑦᓯᒪᔭᕐᒥᓄᑦ ᖃᓄᐃᓘᒋᐊᖃᕐᓂᒥᒃ ᒪᓕᑦᑕᐅᒋᐊᓕᓐᓂ ᐃᓪᓗᕕᒐᓕᐅᓕᕈᑎᒃ.

ᐱᒋᐅᕐᓴᐅᑎᐅᑉ ᓈᓂᖓᓂ ᐃᓕᓐᓂᐊᑏᑦ ᒪᑯᓂᖓ ᐊᑑᑎᒍᓐᓇᓯᓚᖓᔪᑦ

• ᖃᐅᔨᒪᓯᓐᓂᐊᑐᑦ ᐃᓂᑦᓴᓯᐊᖑᔪᒥ ᐃᓪᓗᕕᒐᓕᐅᕝᕕᓴᑦᓯᐊᒥᓪᓗ ᐊᐳᑎᒥᒃ;
• ᐃᓪᓗᕕᒐᑦᓴᒥᒃ ᐃᓂᓕᐅᕈᓐᓇᓯᓐᓂᐊᑐᖅ (ᐋᕐᕿᓯᒪᒍᓯᖓᓂᒃ ᐃᓂᓕᐅᕈᓐᓇᓯᓗᓂ, ᓯᕗᓪᓕᐹᖓᓂ ᑐᑭᒧᐊᕐᑐᒥ ᐊᕕᐅᕐᙯᕆᐊᒥᒃ ᖃᐅᔨᒪᓕᕐᓗᓂᓗ);
• ᐊᐳᑎᒥᒃ ᐊᒻᒣᒍᓐᓇᓯᓐᓂᐊᑐᖅ ᐊᕕᑦᑐᐃᓯᓗᓂᓗ ᐊᐳᑎᓂᒃ ᐃᓪᓗᕕᒐᓕᐅᕈᑎᓂᒃ ᓴᓇᕐᕈᑎᓂᒃ ᐊᑐᕐᓗᓂ (ᐸᓇᒃ, ᐅᓇᒃ, ᑭᓪᓘᑎᒃ);
• ᓴᓇᒻᒪᓕᐊᕕᓂᕐᒥᓂᒃ ᐃᓕᐅᕐᙯᒍᓐᓇᓯᓐᓂᐊᑐᖅ ᓴᓇᑦᓯᑎᕈᕐᓗᓂ (ᑭᑭᐊᑦᑐᒃ, ᑐᑭᕐᓂᖅ);
• ᐃᓪᓗᕕᒐᓕᐅᕆᐊᒥᒃ ᖃᐅᔨᒪᓂᖅ (ᐋᕐᕿᓯᒪᒍᓯᖓᓂᒃ ᓈᓂᖓᓄᑦ ᑎᑭᓪᓗᒍ, ᐃᓚᐅᑎᓪᓗᒋᑦ ᐅᒃᑯᐊᓕᐅᕐᓂᖅ ᐊᒻᒪᓗ ᐊᓂᕐᑎᕆᕕᖓ);
• ᐃᓕᑦᓯᓗᓂ ᐊᐳᑏᑦ ᑌᔭᐅᒍᓯᖏᓐᓂᒃ ᐊᒻᒪᓗ ᐃᓪᓗᕕᒐᐅᑉ ᑌᔭᐅᒍᓯᖏᓐᓂᒃ.

ᑲᔪᓯᓂᖓ

1. ᐊᓪᓚᓯᒪᔪᓕᐅᕐᓂᖅ ᒪᓕᑦᑕᐅᔪᑦᓴᓂᒃ

ᐃᓗᓕᖏᑦ

ᐊᐳᑎᓂᒃ ᐊᕕᑦᑐᐃᓯᐊᕈᓐᓇᓗᓂ ᐱᐅᓂᕐᓴᒥᒃ, ᓯᓕᓐᓂᓴᒥᒃ ᑐᕌᕐᑐᒥᒃ ᐃᔨᓐᓄᑦ ᐊᕕᑦᓯᕆᐊᓖᑦ.

ᐊᐳᑎᒥᒃ ᓴᓇᒻᒪᓕᕆᓂᖅ

ᐊᐳᑎᓂᒃ ᐊᕕᑦᑐᐃᓯᐊᕈᓐᓇᓗᓂ ᐱᐅᓂᕐᓴᒥᒃ, ᓯᓕᓐᓂᓴᒥᒃ ᑐᕌᕐᑐᒥᒃ ᐃᔨᓐᓄᑦ ᐊᕕᑦᓯᕆᐊᓖᑦ.

ᐃᓪᓗᕕᒐᐅᑉ ᑐᖕᖓᕕᑦᓴᖓ

ᐊᕕᐅᕐᙯᓂᖅ ᓴᓇᒻᒪᓂᒃ ᐃᓪᓗᕕᒐᐅᑉ ᐃᓂᑦᓴᖓᓃᓪᓗᓂ ᑐᖕᖓᕕᑦᓴᓯᐊᓕᐅᕐᓇᓂᕐᓴᖅ.

ᐃᓪᓗᕕᒐᓕᐅᕈᓰᑦ

ᓴᓇᒻᒪᓂᒃ ᐃᓕᐅᕐᙯᓂᖅ, ᐅᖁᒣᓐᓂᖏᓐᓂᒃ ᐃᓱᒪᒋᔭᖃᕐᓗᓂ ᐊᒻᒪᓗ ᐋᕐᕿᓱᐃᒍᓯᐅᔪᓂ ᒪᓕᑦᓯᐊᓗᓂ ᑭᑭᐊᑦᑐᐃᓂᒃᑯᑦ ᐊᒻᒪᓗ ᑐᑭᕐᓂᓂᒃᑯᑦ.

ᐃᓕᓐᓂᐊᕈᑎᑦᓴᕆᐊᓪᓓᑦ