ᐃᓕᓐᓂᐊᒐᕐᓂᒃ ᐱᓪᓗᑯᒋᐊᓕᓕᕆᓂᖅ
ᑐᖕᖓᓱᒋᑦ ᐃᓕᓐᓂᐊᒐᕐᓂᒃ ᐱᓪᓗᑯᒋᐊᓕᓕᕆᓂᕐᒧᑦ ᐃᑲᔪᕐᓯᐅᑏᑦ ᒪᑉᐱᒐᖓᓄᑦ. ᑖᓐᓇ Nunavik-IcE ᐃᓂᖓ ᓄᐃᑕᐅᓚᐅᕐᓯᒪᔪᖅ ᐃᓕᓐᓂᐊᕈᑎᓕᕆᕕᒃᑯᓄᑦ ᐃᑲᔪᕐᓯᔭᐅᖁᓪᓗᒋᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᐃᓕᓐᓂᐊᑎᑦᓯᔩᑦ ᐱᓪᓗᑯᒋᐊᓕᓕᕆᓂᕐᒨᓕᖓᔪᓂᒃ ᐊᑐᖃᑦᑕᖁᓪᓗᒋᑦ ᐃᓕᓐᓂᐊᑎᑦᓯᓕᕈᑎᒃ ᐊᒻᒪᓗ ᐃᑲᔪᕐᓯᒍᑎᑦᓴᐅᑎᓪᓗᒍ ᐊᑐᕐᑕᐅᖁᓪᓗᒍ.
ᐃᓕᓐᓂᐊᕈᑎᓕᕆᕕᒃᑯᓂ ᐱᓇᓱᑦᑏᑦ ᐊᑐᐃᓐᓀᑦ ᓴᐳᒻᒥᓂᒃᑯᑦ ᐊᒻᒪᓗ ᐊᐱᕐᓲᑎᑎᓐᓂᒃ ᑭᐅᒍᓐᓇᓱᑎᒃ. ᒪᑯᓄᖓᓅᓕᖓᔪᓂᒃ ᐃᑲᔪᒍᓐᓇᑐᒍᑦ…
- ᖃᕆᑕᐅᔭᓐᓂ ᐋᕐᖀᓂᕐᒥᒃ
- ᕿᒥᕐᕈᓂᒃ ᐃᓕᓐᓂᐊᑏᑦ ᖃᕆᑕᐅᔭᖏᑦᑕ ᐃᓗᓕᑦᓴᔭᖏᓐᓂ
- ᑐᑭᓯᒪᓂᖅ ᑎᒍᒥᐊᕃᑦ ᐃᓗᓕᑦᓴᔭᖏᓐᓂᒃ
- ᐃᑲᔪᕐᑕᐅᓂᖅ ᐸᕐᓀᓂᒃᑯᑦ ᐃᓕᓐᓂᐊᕋᑦᓴᓂᒃ ᐃᓚᐅᑎᓪᓗᒋᑦ ᖃᕆᑕᐅᔭᒨᓕᖓᔪᓂᒃ
- ᐊᓯᖏᓪᓗ.
ᐊᓪᓚᕕᒋᑎᒍᑦ ᐅᓇ ᐊᔭᓪᓗᒍ ᐊᒻᒪᓗ ᑕᑯᖃᑎᒌᓐᓂᓴᑦᑎᓄᑦ ᐃᓂᓕᐅᕆᒐᔭᕐᑐᒍᑦ
ᑎᑭᑕᐅᕐᖃᒥᐅᕖᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᐱᓯᒪᔪᒥᒃ ᖃᕆᑕᐅᔭᒥᒃ? ᐃᓕᓐᓂᐊᑎᑦᓯᒍᑎᑦᓴᒥᒃ ᐊᓪᓚᖁᑎᓕᐅᕐᓯᒪᕗᒍᑦ ᐃᑲᔪᕐᓯᔭᐅᖁᓪᓗᑎᑦ ᖃᓄᐃᓘᒋᐊᖃᕐᓂᒥᒃ ᐊᑐᕆᐅᕐᓴᓕᕈᕕᑦ ᖃᕆᑕᐅᔭᒥᒃ. ᐊᓪᓚᖁᑎ ᐃᓗᓕᓕᒃ ᒪᑯᓂᖓ:
- ᐅᒃᑯᐃᓯᓂᖅ ᓇᒻᒥᓂᓕᐅᑉ ᒪᑉᐱᕋᖓᓂᒃ
- ᐱᑐᑦᑎᓯᓂᖅ ᐃᓕᓐᓂᐊᕕᐅᑉ ᖃᕆᑕᐅᔭᒧᑦ ᐱᑐᕈᑎᒥᒃ (Wi-Fi)
- ᐋᕐᕿᓱᐃᓂᖅ ᐊᓪᓚᑖᕐᕕᐱᑦ ᑐᕌᕈᑎᖓᓂᒃ
- ᐊᓪᓚᖃᐅᑎᓂᒃ ᖃᕆᑕᐅᔭᒨᕐᓯᓂᖅ
- ᐊᓯᖏᓪᓗ…
ᐱᕕᑦᓴᐅᓂᖓ
ᑐᓴᐅᒪᔭᐅᒋᐊᓕᓕᒫᑦ ᐃᓕᓐᓂᐊᒐᕐᓂᒃ ᐱᓪᓗᑯᒋᐊᓕᓕᕆᐅᑏᑦ ᐊᑐᐃᓐᓇᐅᔪᑦ Nunavik-IcE ᐃᓗᐊᓂ ᖃᕆᑕᐅᔭᑎᒍᑦ ᐱᑐᑦᓯᒪᖕᖏᑲᓗᐊᕈᕕᑦ ᐱᕕᑦᓴᐅᕈᓐᓇᑐᑦ, ᐃᓕᓐᓂᐊᕕᓐᓂ, ᓴᓂᕐᕓᕕᐅᑉ ᐱᑐᑦᓯᒪᐅᑎᖓᓂᒃ. ᐊᑐᕈᒪᒍᕕᐅᒃ, ᐋᕐᕿᓗᒍ ᓴᓂᕐᕓᕕᐅᑉ ᐱᑐᖑᑎᖓ ᖃᕆᑕᐅᔭᓐᓂ ᒪᓕᓪᓗᒋᑦ ᐊᓪᓚᑕᐅᒪᔪᑦ ᑕᒡᒐᓂ ᐊᓪᓚᖁᑎᒥᒃ.
ᖃᐅᔨᓴᐅᑎ
ᐃᑲᔪᕐᓯᑎᒍ ᑭᖕᖒᒪᒋᔭᑉᐱᑦ ᓇᓛᒎᕐᓂᖏᓐᓄᑦ ᑕᑕᕐᓴᓗᒍ ᑖᓐᓇ ᓀᑦᑐᖅ ᑭᓇᐅᓃᓐᓂᑦ ᓇᓗᓀᕐᓯᓚᖓᒐᓂ ᖃᕆᑕᐅᔭᑎᒍᑦ ᖃᐅᔨᓴᐅᑎ.
ᐅᖄᕕᒋᑎᒍ
ᐊᐱᕐᓲᑎᑦᓴᖃᕈᕕᑦ ᐃᓕᓐᓂᐊᒐᕐᓂᒃ ᐱᓪᓗᑯᒋᐊᓕᓕᕆᐅᑏᑦ ᒥᑦᓵᓄᑦ, ᐅᖄᕕᒋᑎᒍ ᖃᕆᑕᐅᔭᒃᑯᑦ ᐊᓪᓚᕕᖃᕐᓗᑎᑦ ᐅᕘᓇ Maryse.Pilon@kativik.qc.ca.
ᐱᓪᓗᑯᒋᐊᓖᓐᓄᑦ ᐃᑲᔪᕐᑕᐅᕕᒃ
ᐊᐱᕐᓲᑎᑦᓴᖃᕆᐊᓪᓚᕈᕕᑦ ᐃᑎᕈᑎᐅᑉ ᒥᑦᓵᓄᑦ, ᐱᑐᕈᑏᑦ ᒥᑦᓵᓄᑦ, ᐅᕝᕙᓘᓐᓃᑦ ᖃᕆᑕᐅᔭᖅ ᓱᒃᑯᖓᑉᐸᑦ, ᐃᑲᔪᕐᑕᐅᕕᒻᒧᑦ ᑐᑦᓯᕋᐅᑎᓕᐅᕆᑦ.
ᖃᐅᔨᒋᐊᕐᕕᓭᑦ
ᑕᓯᐅᕐᓯᓂᖅ ᐱᓇᓱᕝᕕᒥ ᖃᕆᑕᐅᔭᕐᓅᕕᑦ
ᐊᐱᕐᓲᑎᐅᖕᖑᓱᓲᑦ
Microsoft Software (Outlook, Word, PowerPoint, etc.)
ᐊᐱᕐᓲᑎ: ᐊᑐᕈᓐᓇᖁᖔ Microsoft ᐃᓗᓕᖏᓐᓂᒃ ᖃᕆᑕᐅᔭᒧᑦ ᐱᑐᑦᓯᒪᖕᖏᑲᓗᐊᕈᒪ?
ᑭᐅᑦᔪᑎ: ᐋ. ᖃᕆᑕᐅᔭᒧᑦ ᐱᑐᑦᓯᒪᓂᖅ ᑭᖕᖒᒪᒋᔭᑐᐊᖑᕗᖅ ᐊᑐᕆᐅᕈᕕᑦ Microsoft ᐃᓗᓕᖏᓐᓂᒃ. ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᓪᓚᑖᕐᕕᖓᓄᑦ ᒪᑐᐃᕐᓯᓯᒪᓕᕈᕕᑦ, ᑕᒪᒃᑯᐊ ᐃᓗᓕᖏᑦ ᐊᑐᕈᓐᓇᓯᕋᔭᕐᑕᑎᑦ ᐱᑐᑦᓯᒪᖕᖏᓗᑎᑦ.
ᐊᐱᕐᓲᑎ: Microsoft-ᑯᓂ ᒪᑐᐃᕐᓯᖃᔦᒪᕗᖓ ᐊᑐᕐᓱᖓ ᐆᒥᖓ @kativik.qc.ca ᓇᓗᓀᒃᑯᑕᖓᓂᓪᓗ.
ᑭᐅᑦᔪᑎ: ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᑕᒪᒋᓐᓂᒃ ᑐᓂᓯᓯᒪᔪᑦ ᐃᓕᓐᓄᑦ ᑐᕌᕈᑎᒥᒃ (name.lastname@kativik.qc.ca) ᐊᒻᒪᓗ ᓀᓪᓕᑎᕐᓯᒪᔪᒥᒃ (namel@kativik.qc.ca). ᒪᑐᐃᕐᓯᕈᒪᕈᕕᑦ Microsoft ᐃᓗᓕᖏᓐᓂᒃ, ᐊᑐᕆᐊᖃᕐᖁᑎᑦ ᓀᓪᓕᑎᕐᓯᒪᔪᒥᒃ ᓇᓗᓀᒃᑯᑕᓐᓂᓗ, ᑐᕌᕈᑎᒥᐅᖕᖏᑐᖅ.
ᐊᐱᕐᓲᑎ: ᐃᓕᓐᓂᐊᑎᖁᑎᒃᑲ ᑕᑯᖃᑦᑕᖁᖕᖏᑕᒃᑲ ᐊᓪᓚᑖᒃᑲᓂᒃ ᐱᑐᑦᓯᒪᑎᓪᓗᒍ ᐊᑭᓐᓇᒧᑦ ᑕᑯᓐᓇᕈᑎᕐᑎᒍᑦ ᐅᕝᕙᓘᓐᓃᑦ ᐊᓪᓚᕕᐊᓘᑉ ᖃᕆᑕᐅᔭᖓᑎᒍᑦ.
ᑭᐅᑦᔪᑎ: ᐊᑐᑐᐃᓐᓇᑐᐊᕈᕕᑦ Outlook ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖓᒍᑦ ᕿᓂᕈᑎᖓᓂᒃ ᐆᑦᑑᑎᒋᓗᒍ Chrome-ᒥᒃ ᐅᕝᕙᓘᓐᓃᑦ Edge-ᒥᒃ, ᓇᓗᓀᕐᓯᕈᑎᒥᒃ ᑐᓂᔭᐅᖃᑦᑕᓂᐊᖕᖏᓚᑎᒃ ᐊᒻᒪᓗ ᐊᓪᓚᑖᕈᑏᑦ ᐲᑦᓴᐅᑎᕆᕈᓐᓇᑌᑦ ᓄᕐᖃᖁᑐᐊᕈᕕᐅᒃ. ᐊᑐᑐᐊᕈᕕᑦ Outlook-ᒥᒃ ᖃᕆᑕᐅᔭᓐᓃᑐᒥᒃ, ᖃᒥᕈᓐᓇᑕᑎᑦ ᑎᑭᑕᐅᓂᕃᕈᑏᑦ. ᐅᓇ ᐊᔭᓪᓗᒍ ᖃᓄᖅ ᐱᒐᓱᐊᕈᓐᓇᒪᖔᕐᐱᐅᒃ.
ᐊᐱᕐᓲᑎ: ᖃᓄᖅ ᐅᖃᐅᓯᑦᑕᖓᓂᒃ ᐊᓯᑦᔩᒍᓐᓇᒪᖔᑉᐱᑦ Microsoft-ᒥᒃ?
ᑭᐅᑦᔪᑎ: ᖃᕆᑕᐅᔭᓕᕆᔩᑭᓯᐊᓂ ᐊᓯᑦᔩᒍᓐᓇᑐᑦ ᐅᖃᐅᓯᕐᑕᖓᓂᒃ Microsoft-ᒥᒃ. ᐊᓯᑦᔨᖁᑐᐊᕈᕕᐅᒃ, ᑐᑦᓯᕋᐅᑎᓕᐅᕐᓗᑎᑦ ᐃᑲᔪᕐᑕᐅᒍᑎᒥᒃ.
ᐊᓪᓚᖃᐅᑏᑦ
Files
ᐊᐱᕐᓲᑎ: ᖃᓄᖅ ᐊᓪᓚᖃᐅᑎᓂᒃ ᖃᕆᑕᐅᔭᒦᑦᑐᓂᒃ ᐊᓯᐊᓄᑦ ᖃᕆᑕᐅᔭᒨᕐᓯᕈᓐᓇᖁᖓ?
ᑭᐅᑦᔪᑎ: ᐅᓐᓂᑑᑦᔨᔪᒍᑦ ᐊᑐᕆᐊᒥᒃ ᓴᓂᕐᕓᕕᖃᐅᑎᒥᒃ USB-ᓚᔭᐅᔪᓂᒃ ᖃᕆᑕᐅᔭᒨᓲᓂᒃ. ᐊᑐᕈᓐᓇᕆᕗᑎᑦ cloud-ᓚᔭᐅᔪᒥᒃ (ᖃᕆᑕᐅᔭᑎᒍᑦ ᓴᓂᕐᕓᕕᖃᐅᑎ) ᐆᑦᑑᑎᒋᓗᒍ OneDrive-ᒥᒃ ᐊᑎᓕᒃ ᐊᑕᔪᖅ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᓪᓚᑖᕐᕕᖃᐅᑎᖓᓂ, ᑭᓯᐊᓂ ᖃᕆᑕᐅᔭᕈᑎᒧᑦ ᐱᑐᑦᓯᒪᐅᑎᖃᕆᐊᓕᒃ.