ᐊᑎᖓ: ᐃᓚᒋᓕᐅᑦᔨᓂᖅ Word Q-ᓂᒃ ᐃᓕᓐᓂᐊᑎᑦᓯᓂᓯᓐᓄᑦ
ᑖᒃᑯᐊ ᐊᓪᓚᓯᒪᔪᑦ ᑐᕌᖓᕗᑦ ᐃᓕᑦᓯᓂᒃ ᐃᑲᔪᕐᓯᓂᕐᒧᑦ ᑐᑭᓯᖁᑦᓱᓯ ᐊᑐᖁᑦᓱᓯᓗ Word Q-ᓂᒃ ᐃᓕᓐᓂᐊᑎᑦᓯᓂᓯᓐᓂ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᐊᕈᑎᖏᑦ ᐋᕐᕿᓯᒪᓕᕇᕐᑐᑦ ᐃᓕᓐᓂᐊᑏᑦ ᖃᕆᑕᐅᔭᓕᒫᖏᓐᓂ ᐃᓕᓴᕐᓂᓕᕆᕕᑦᑎᓂ. Word Q ᐃᑲᔪᕐᑐᑦ ᐊᓪᓚᓂᐊᕐᓂᑯᑦ ᐊᒻᒪᓗ ᐊᓪᓚᓂᒃᑯᑦ ᐱᔪᓐᓇᕈᑎᓂᒃ (ᖃᓪᓗᓈᑎᑐᑦ ᐅᐃᒍᑎᑐᓪᓗ).
ᑐᑭᓯᓂᖅ Word Q-ᓂᒃ
Word Q ᐃᑲᔪᕐᑎᐅᓱᓂ ᐃᑯᒪᐅᒻᒨᑐᒧᑦ ᓴᓇᕐᕈᑕᐅᕗᖅ ᑐᕌᖓᑦᓱᓂ ᐱᐅᓯᑎᑦᓯᓂᕐᒧᑦ ᐊᓪᓚᓂᐊᕐᓂᑯᑦ ᐊᓪᓚᓂᒃᑯᓗ ᐱᔪᓐᓇᕈᑎᓂᒃ ᐊᑐᕐᓱᓂ ᒪᕐᕉᓗᐊᖕᖑᐊᓂᒃ ᐱᐅᓗᖁᑏᓐᓂᒃ:
- ᐊᓪᓚᓯᒪᔪᑦ-ᓴᖑᒍᑎᖓ-ᐅᖄᓂᕐᒧᑦ: ᑖᓐᓇ ᐱᐅᓗᖁᑎᖓ ᐃᑲᔪᕐᑐᖅ ᐊᓪᓚᓂᐊᕐᓂᒥᒃ ᐊᓪᓚᓯᒪᔪᖅ ᐅᖃᑦᓯᐊᖃᑦᑕᓱᒍ ᓂᑦᔮᓱᓂ ᐅᖃᐅᓰᑦ ᖃᐅᒻᒪᑕᐅᑲᑦᑕᑎᓪᓗᒋᑦ ᑕᑯᓐᓇᕈᑎᒥ ᐊᑕᐅᑦᓯᑯᑦ. ᐅᖃᐅᓯᕐᓂᒃ ᑐᑭᓯᓂᐊᕐᓂᒥᓄᑦ, ᐱᐅᓯᑎᑦᓯᒍᓐᓇᑐᖅ ᑕᑯᑦᓱᒋᑦ ᐅᖃᐅᓯᕐᓂᒃ ᐅᖃᕆᐅᕐᓂᐅᓂᕐᒥᒃ ᐊᒻᒪᓗ ᐃᓘᓐᓈᒍᑦ ᑐᑭᓯᓂᕐᒥᒃ ᐊᓪᓚᓯᒪᔪᒥᒃ.
- ᐅᖃᐅᓯᐅᓚᖓᔪᒥᒃ ᓇᓚᐅᑦᑌᓂᖅ: ᓇᕿᑦᑕᑎᓪᓗᑎᑦ, Word Q ᓄᐃᑦᓯᖃᑦᑕᓚᖓᔪᖅ ᐅᖃᐅᓯᕐᓂᒃ ᐊᑐᕐᓗᒋᑦ ᑐᑭᖃᕐᓂᐹᓂᒃ ᖃᓄᖅ ᐊᓪᓚᒪᖔᕐᐱᑦ ᑕᑯᓐᓇᓗᓂ, ᓂᕈᐊᕐᕕᒋᒍᓐᓇᑕᑎᓐᓂ ᑖᒃᑯᐊ. ᑖᓐᓇ ᐱᐅᓗᖁᑎᖓ ᐃᑲᔪᕐᑐᖅ ᐃᓕᓐᓂᐊᑎᓂᒃ ᐊᑦᓱᕉᑎᓕᓐᓂᒃ ᑕᒻᒪᐅᒪᖕᖏᑐᓂᒃ ᐊᓪᓚᓂᕐᒥᒃ ᐅᕝᕙᓗᓘᓐᓃᑦ ᐅᖄᒍᑎᐅᑉ ᐋᕐᕿᓱᕐᓯᒪᓂᖓᓂᒃ, ᓄᒃᑭᑎᑦᓱᒋᑦ ᓵᖕᖓᓂᕐᓴᐅᓂᐊᕐᒪᑕ ᐃᓱᒪᓂᒃ ᓴᓇᒐᓱᐊᕐᓂᒧᑦ ᐊᒻᒪᓗ ᐱᓇᓱᓚᖓᔭᒥᓂᒃ ᐸᕐᓇᓂᕐᒧᑦ. ᐃᓱᐊᕐᓯᑎᑦᓯᒍᓐᓇᒥᔪᖅ ᐊᓪᓚᒐᓱᐊᕐᓂᒥᒃ ᐃᓕᓐᓂᐊᑎᓄᑦ ᓄᑭᐊᕈᕐᒥᓄᑦ ᑯᑯᔭᖕᖏᓂᕐᒥᒃ ᐊᑦᓱᕉᑎᓕᓐᓄᑦ.
ᑖᒃᑯᐊ ᒪᕐᕉᒃ ᐱᐅᓕᖁᑎᖏᒃ ᐋᕐᕿᒋᐊᕈᓐᓇᑑᒃ ᓂᐳᕐᑎᓯᒍᑕᐅᓗᑎᒃ ᐊᑐᓂ ᐃᓕᓐᓂᐊᑎᐅᑉ ᐃᓕᑦᓯᒐᓱᐊᕐᓂᒥᓄᑦ ᐱᒋᐊᓕᖏᓐᓂᒃ.
Word Q-ᒥᒃ ᐊᑐᕈᓐᓇᓯᑎᑦᓯᓂᖅ
ᐋᕐᕿᓱᐃᓂᖅ Word Q-ᒥᒃ KI-ᑯᑦ ᓄᐃᓯᒪᔭᖏᓐᓂ ᖃᕆᑕᐅᔭᓯᓐᓂ ᓇᓗᓇᖕᖏᐊᑐᐊᐱᐅᕗᖅ – ᓱᒍᑎᖏᑦ ᐋᕐᕿᓯᒪᒌᕐᑐᑦ ᐊᑐᓂ ᐃᓕᓐᓂᐊᑎᐅᑉ ᖃᕆᑕᐅᔭᖓᓂ.
ᓇᓂᓗᒍ Word Q ᓄᐃᒍᑎᖓ
Word Q ᓄᐃᒍᑎᖓ ᓇᓂᕐᖄᓗᒍ ᓵᕐᐱᑦ ᖄᖓᓂ ᐅᕝᕙᓗᓘᓐᓃᑦ ᖃᕆᑕᐅᔭᒧᑦ ᐊᑑᑎᓂᒃ ᑐᕐᖁᐊᑎᕆᕕᓐᓂ. ᓄᐃᒍᑎᖓ ᓯᒃᑭᑕᐅᓚᖓᔪᖅ ᐊᓪᓛᕈᓯᖃᕐᓗᓂ ‘Q’-ᒥᒃ ᐃᓗᐊᓂ.
ᐊᑑᑎᖓ ᐱᒋᐊᕐᑎᓗᒍ
ᓄᐃᒍᑎᖓ ᒪᕐᕈᕕᓪᓗᒍ-ᓃᓂᕐᓗᒍ ᐱᒋᐊᕐᑎᓯᓚᖓᔪᑎᑦ Word Q-ᒥᒃ. ᒥᑭᔪᐊᐱᒃ ᓴᓇᕐᕈᑎᖃᕐᕕᒃ ᓄᐃᒋᐊᓕᒃ ᑕᑯᓐᓇᕈᑎᓐᓂ ᖁᓪᓕᐸᐅᓗᓂ. ᓯᕗᓪᓕᐹᒥᒃ ᐃᖏᕐᕋᓯᑎᑦᓯᒍᑎᒥᒃ ᐱᑕᖃᑐᐃᓐᓇᕆᐊᓕᒃ.
ᐊᒻᒪᕈᑏᑦ ᐋᕐᕿᓯᒪᐅᑎᖏᑦ
ᐃᓱᐊᕆᔭᕐᓄᑦ ᐋᕐᕿᓱᐃᒍᓐᓇᑐᑎᑦ Word Q-ᒥᒃ ᒪᓕᑦᑎᓗᒍ ᐊᑐᓂ ᐃᓕᓐᓂᐊᑎᐅᑉ ᐱᒋᐊᓕᖏᓐᓂᒃ ᐊᒻᒣᓗᑎᑦ ‘ᐋᕐᕿᓯᒪᐅᑏᑦ’ ᓇᓪᓕᑳᕐᕕᖓᓂᒃ. ᑕᒡᒐᓂ, ᓈᒻᒪᓯᓕᑎᕆᒍᓐᓇᑐᑎᑦ ᐱᐅᓗᖁᑎᖏᓐᓂᒃ ᐆᑦᑑᑎᒋᓗᒍ ᐊᓪᓚᓯᒪᔪᑦ-ᓴᖑᒍᑎᖓᑕ-ᐅᖄᓂᕐᒧᑦ ᓱᑲᓐᓂᖓᓂᒃ ᐅᕝᕙᓗᓘᓐᓃᑦ ᐱᒋᐊᑐᓂᖓᓂᒃ ᐅᖃᐅᓯᕐᒥᒃ ᓇᓚᐅᑦᑌᒍᑎᐅᑉ ᐃᓱᒪᒋᔭᐅᖁᔭᖏᑕ. ᐃᓕᓐᓂᐊᑎ ᓂᕈᐊᕈᓐᓇᒥᔪᖅ ᓂᐱᒥᒃ ᐃᒻᒥᓄᑦ ᓈᒻᒪᓂᕐᐹᒥᒃ.
ᐃᓚᒋᓕᐅᑦᔭᐅᓂᖓ ᐊᓯᖏᓐᓄᑦ ᖃᕆᑕᐅᔭᐅᑉ ᓱᒍᑎᖏᓐᓄᑦ
Word Q ᐊᑐᕈᓐᓇᓯᐊᕐᑐᖅ ᐊᓯᖏᓐᓄᑦ ᖃᕆᑕᐅᔭᕈᑎᓄᑦ, ᐆᑦᑑᑎᒋᓗᒍ “Microsoft Word” ᐊᒻᒪᓗ ᐊᒥᓲᓂᕐᓴᓄᑦ ᐱᑐᕝᕕᔪᐊᒥ ᕿᓂᕈᑎᓄᑦ. ᓃᓂᑐᐃᓐᓇᖃᑦᑕᓗᒍ ᓇᐅᒃᑯᑦ ᐊᓪᓚᕕᒋᒍᒪᔦᑦ ᓂᕈᐊᕐᓗᑎᓪᓘᓃᑦ ᐊᓪᓚᓂᒃ ᐊᓪᓚᓂᐊᕐᑕᐅᖁᔭᑎᓐᓂᒃ ᓂᑦᔮᔪᒧᑦ, ᑌᒪ ᐱᒋᐊᕐᑎᑐᐃᓐᓇᓗᒍ ᐊᑐᕈᒪᔦᑦ ᐱᐅᓗᖁᑎ Word Q ᓴᓇᕐᕈᑎᖃᐅᑎᖓᑕ ᐃᓗᐊᓂ.
ᐃᓱᓕᒍᑎ
ᐃᕝᕕᑦ ᐱᓇᓱᒉᑦ ᐃᓕᓐᓂᐊᑎᑦᓯᔨᐅᑦᓱᑎᑦ ᐊᑐᕆᐊᖃᓪᓚᕆᑉᐳᖅ ᐃᓕᓐᓂᐊᑎᕗᑦ ᐃᓕᑦᓯᓂᐊᕐᐸᑕ. Word Q ᐃᓱᒣᓐᓇᖅ ᐃᑲᔪᕐᑎᒋᒍᓐᓇᑕᓯ ᓴᓇᕐᕈᑎᖃᐅᑎᓯᓐᓂ ᐃᓚᐅᑎᒍᑦᓯᐅᒃ. ᐱᐅᔪᓪᓗᕆᐅᒍᓐᓇᑐᖅ ᐃᓱᐊᖁᑎᒋᓗᒍ ᐱᖕᖑᐃᓂᒃᑯᑦ ᐃᓚᐅᑎᑦᓯᓯᐊᕐᑐᒥᒃ ᐊᒻᒪᓗ ᕿᑦᑌᖓᑦᓯᐊᑐᒥᒃ ᐃᓕᑦᓯᒐᓱᐊᕐᕕᓴᒥᒃ ᐃᓕᓐᓂᐊᑎᑦᓯᕕᓯ ᐃᓗᐊᓂ ᐊᒻᒪᓗ ᐃᑲᔪᕐᒥᓗᓂ ᓵᓚᖃᕐᓂᒥᒃ ᐊᑦᔨᒌᖕᖏᑐᓂᒃ ᐃᓕᑦᓯᖃᔦᖕᖏᐅᒪᐅᑎᓂᒃ. ᑐᕌᕐᑕᖓ ᐃᓕᖓᑦᓭᓇᕐᑐᖅ ᐃᑲᔪᕐᑐᓂᕐᒧᑦ ᐃᓕᓐᓂᐊᑏᑦ ᐱᕈᕐᐸᓕᐊᓂᖓᓂᒃ ᐊᒻᒪᓗ ᐃᓕᑦᓯᕙᓪᓕᐊᓂᖓᓂᒃ ᓱᓕ ᓲᓱᑦᓴᖏᓐᓇᒥᑦᓱᓂ ᑐᕐᖃᑕᕐᕕᐅᑉ ᐃᓂᓪᓚᑎᕐᕕᖏᓐᓂᒃ (MEES).