ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐃᓕᓐᓂᐊᕕᖏᓐᓂ ᐃᓕᓐᓂᐊᑎᑦᓯᔩᑦ
ᐱᒋᐊᕐᓗᒍ 2023-2024-ᒥ ᐃᓕᓐᓂᐊᓂᐅᑉ ᐊᕐᕌᒍᖓᓂ, ᑲᑎᕕᒃ ᐃᓕᓴᕐᓂᓕᕆᓂᖅ (KI) ᐊᑐᕋᑦᓴᐅᑎᑦᓯᓚᖓᓯᔪᖅ Microsoft Teams ᐊᑐᖃᑎᒌᓄᑦ ᐊᑐᕈᑎᖓᓂᒃ ᐃᓘᓐᓇᖏᓐᓄᑦ ᐃᓅᓱᑦᑐᓂᒃ ᐃᓕᓐᓂᐊᑎᑦᓯᔨᒥᓄᑦ! ᐃᓱᐊᕐᓂᓴᐅᑎᓪᓗᒍ ᐊᑐᐃᓐᓇᓯᒍᓐᓇᓛᓕᕐᑐᓯ ᖃᐅᔨᒪᐅᑎᓂᒃ ᐊᒻᒪᓗ ᐱᔪᓐᓇᓯᕋᓕᓐᓂᓴᐅᓗᓯ ᐃᑲᔪᕐᑎᒌᖃᑎᖃᕐᓂᒥᒃ ᐃᓕᓐᓂᐊᑎᑦᓯᔨᐅᖃᑎᓯᓐᓂᒃ ᓇᓂᑐᐃᓐᓇᓕᒫᖅ ᓄᓇᕕᒻᒥ ᓄᓇᓕᓐᓂ!
ᐃᓚᐅᒐᓱᐊᕐᓂᖅ Teams-ᒥ
ᖃᕆᑕᐅᔭᐅᑉ ᐃᓗᓕᖓ Microsoft Teams ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᖃᕆᑕᐅᔭᓐᓃᕇᕐᑐᖅ. ᒪᑐᐃᕐᓯᒍᒪᒍᕕᑦ, ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᐃᑎᒍᑎᒋᓲᑦ ᐊᑐᕐᓗᒍ, ᖃᕆᑕᐅᔭᑎᒍᑦ ᐊᓪᓚᑖᕐᕖᓄᑦ ᐃᑎᒍᑎᑉᐱᑦ ᐊᑦᔨᖓ.
ᓇᓂᓯᕐᖃᔭᖕᖏᑯᕕᑦ ᖃᕆᑕᐅᔭᓐᓂ Teams-ᒥᒃ ᐅᕝᕙᓘᓐᓃᑦ ᐃᑎᕐᕕᒥᒃ, ᐃᓱᐅᓪᓕᓯᒪᔪᓂᒃ ᑕᑯᒋᐊᕐᕕᒧᑦ ᐁᓗᑎᑦ Troubleshooting-ᒧᑦ ᑖᑦᓱᒪ ᐊᓪᓚᓯᒪᔫᑉ ᐊᑖᓂ.
ᓯᕗᓪᓕᐹᒥ ᐊᓪᓗᒋᐊᕈᑏᑦ
ᐃᑲᔪᕐᓯᔭᐅᖁᓪᓗᑎᑦ ᓯᕗᓪᓕᐹᒥ ᐊᓪᓗᒋᐊᕐᓂᑯᑦ Microsoft Teams-ᒥ, ᐱᓗᐊᕐᑐᒥ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐃᓕᓐᓂᐊᕕᖏᓐᓂ ᐃᓕᓐᓂᐊᑎᑦᓯᔩᑦ ᐱᓇᓱᑦᑎᖏᓐᓄᑦ, ᓄᐃᑦᓯᓯᒪᔪᒍᑦ ᐃᑲᔪᕐᓯᐅᑎᑦᓴᓂᒃ ᑕᑯᓐᓇᕋᑦᓴᓂᑦ. ᑕᑯᓐᓇᑭᑦ ᐃᓕᑕᕐᓯᒪᖁᓪᓗᑎᑦ ᑎᒥᐅᔪᒥᒃ, ᑐᓴᐅᒪᖃᑎᒌᒍᑎᒥᒃ, ᐊᒻᒪᓗ ᐊᓪᓚᖃᐅᑎᓂᑦ ᐊᐅᓚᑦᓯᓂᕐᒧᑦ ᐃᓗᓕᑦᓴᖏᓐᓂᑦ Teams ᐃᓗᐊᓂ.
ᐋᕐᕿᓯᒪᒍᓯᖓ
ᑐᓴᐅᒪᖃᑎᒌᓐᓂᖅ
ᐊᓪᓚᖃᐅᑏᑦ
ᐅᖃᕈᓐᓇᓯᐊᕐᓗᑎᑦ PED-ᓄᑦ ᐃᓱᒪᓕᐅᕐᑎᓯᓐᓄᑦ
ᑭᐅᔭᐅᑦᓴᐊᑎᒋᖃᑦᑕᓂᐊᕐᒪᑕ ᖃᐅᑕᒫᕐᓯᐅᑎᑎᒍᑦ ᐊᐱᕆᐅᑎᑎᑦ, ᐅᖃᕈᓐᓇᑐᑎ PED-ᓄᑦ ᐃᓱᒪᓕᐅᕐᑎᓯᓐᓄᑦ ᓂᕈᐊᕐᓗᒍ “ᐅᖃᐅᑦᔫᑎᓂᖅ” (“Chat”) ᓂᕈᐊᕈᑎᖓᓂ TEAMS ᓄᐃᑕᕕᖓᑕ ᓴᐅᒥᐊᓂ. ᐅᖄᖃᑎᖃᓚᖓᓗᑎᑦ, ᓄᕈᐊᕐᓗᒍ “ᓄᑖᖅ ᐅᖃᐅᑦᔫᑎᓂᖅ” (“New chat”) ᐊᑦᔨᖑᐊᖓ (ᑕᓕᕐᐱᒥ ᐊᑦᔨᖑᐊᖓ ᑕᑯᓗᒍ) ᐊᒻᒪᓗ ᐊᓪᓚᓗᑎᑦ ᐃᓅᑉ ᐅᖃᕐᕕᒋᒐᓱᐊᕐᑕᐱᑦ ᐊᑎᖓᓂᒃ. ᑎᒍᓯᒍᓐᓇᒥᔪᑎᑦ ᑕᒪᑐᒪ ᐊᑑᑎᖓᓂᒃ ᓇᑦᓴᑲᑦᑕᒐᕐᒧᑦ ᖃᕆᑕᐅᔮᐱᓐᓄᑦ ᐊᑐᕆᐊᖓ ᐃᓱᐊᕐᓂᓴᐅᓂᐊᕐᒪᑦ.
ᐊᐱᕐᓲᑎᐅᕙᓪᓗᓲᑦ
ᖃᓄᖅ ᐊᑦᔨᒌᖕᖏᓚᑦ “ᐊᓪᓚᖃᐅᑏᑦ” ᐊᒻᒪᓗ “ᐊᓪᓚᓯᒪᔪᖃᐅᑎ”?
ᐃᓅᓱᑦᑐᓂᒃ ᐃᓕᓐᓂᐊᑎᑦᓯᓂᒃᑯᑦ ᐃᓕᓐᓂᐊᑎᑦᓯᔩᑦ Teams-ᖓ ᐱᑦᔪᑎᒋᓗᒍ, ᑕᑯᒍᓐᓇᓚᖓᔪᓯ ᒪᕐᕉᓂᒃ ᐊᑦᔨᒌᖕᖏᑑᓐᓂᒃ ᓇᓪᓕᑳᕋᑦᓵᓂᒃ ᐊᑎᓖᓐᓂᒃ ᐊᓪᓚᖃᐅᑏᑦ ᐊᒻᒪᓗ ᐊᓪᓚᓯᒪᔪᖃᐅᑎ ᑕᒪᕐᒥᒃ ᐃᓗᓕᖃᕐᑎᓗᒋᒃ ᐊᓪᓚᓯᒪᔪᓂᒃ ᐃᓛᒃᑯᑦ ᐊᑑᑎᓕᓐᓂᒃ.
ᐊᓪᓚᖃᐅᑏᑦ
ᐊᓪᓚᖃᐅᑏᑦ Files ᑭᓇᓕᒫᒃᑯᓄᑦ ᑕᑯᑦᓴᐅᒍᓐᓇᑐᖅ, ᐃᓚᐅᔪᓕᒫᓄᑦ ᐱᓇᓱᑦᑎᓄᑦ ᐱᕕᐅᒍᓐᓇᓱᓂ, ᐊᓪᓚᖁᑏᑦ ᐊᑕᐅᑦᓯᑯᑦ ᐱᓇᓱᐊᖃᑎᒌᒍᑎᐅᒍᓐᓇᓱᑎᑦ. ᐊᓯᐊᒍᑦ ᐅᖃᐅᓯᒃᑯᑦ, ᐊᓪᓚᖁᑏᑦ ᑐᕐᖁᑐᕐᑕᐅᓯᒪᔪᑦ Files ᐊᓪᓚᖃᐅᑏᑦ ᐃᓗᐊᓄᑦ ᑭᓇᑐᐃᓐᓇᒧᑦ ᐋᕐᕿᒋᐊᕐᑕᐅᒍᓐᓇᑐᑦ. ᐊᓪᓚᖁᑎᓕᒫᑦ ᑭᓇᒃᑯᑐᐃᓐᓇᓄᑦ ᑕᑯᑦᓴᐅᑎᑕᐅᔪᑦ ᐊᑭᓐᓇᒥ ᑐᕃᓐᓇᑐᒥ Files ᐊᓪᓚᖃᐅᑎᓅᕐᑕᐅᒐᔭᕐᑐᑦ ᑐᖕᖓᕕᒋᑦᓱᒋᑦ ᓇᓃᓐᓂᖏᑦ. ᐊᓯᑦᔨᑐᐃᒍᒪᒍᕕᑦ ᐊᓪᓚᖃᐅᑎᒦᑦᑐᒥᑦ ᐃᒻᒥᓂᑦ ᐊᑐᒐᔭᕐᑌᓂᑦ, ᖃᕆᑕᐅᔭᓐᓅᖄᕐᓗᒍ ᐊᓪᓚᖁᑎ, ᑌᒪ ᐊᓯᑦᔨᑐᐃᓯᓂᐊᓕᕋᕕᑦ..
ᐊᓪᓚᓯᒪᔪᖃᐅᑎ
ᐃᓗᓕᖓ ᐊᐅᓚᑕᐅᓲᖅ ᐃᓕᓐᓂᐊᕈᑎᓕᕆᕕᒃᑯᓄᑦ ᐊᒻᒪᓗ ᐃᓗᓕᖃᕐᓱᓂ ᐊᑐᕐᑐᓚᕆᓐᓂᒃ ᐊᓪᓚᖁᑎᓂᑦ ᐆᑦᑑᑎᒋᓗᒍ ᐃᓕᓐᓂᐊᕈᑎᑦᓭᑦ, LES, ᑕᑕᕐᓴᒉᑦ, ᐊᓯᖏᓪᓗ. ᐊᓪᓚᖃᐅᑎ ᒪᑐᐃᒍᓐᓇᑌᑦ ᑭᓯᐊᓂ ᐃᓗᓕᖏᑦ ᐋᕐᕿᒋᐊᕐᖃᔭᖕᖏᑕᑎᑦ. ᐊᑐᓂ ᐃᓗᓕᖃᐅᑏᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐃᓕᓐᓂᐊᕖᑦ ᐃᓕᓐᓂᐊᑎᑦᓯᔨᖏᑦᑕ Team-ᖏᑦ ᐊᑐᓂ ᐱᑐᕝᕕᓖᑦ ᐊᓪᓚᖃᐅᑎᓅᕐᑐᓂ Library-ᒥ. ᑕᒪᒃᑯᐊ Library-ᒦᑦᑐᑦ ᐱᕕᒋᒍᒪᕈᕕᒃᑯᑦ, ᖃᕆᑕᐅᔭᓐᓅᖄᕆᐊᓖᑦ.
ᐅᖃᕆᐊᑭᓈᕐᓱᒍ, ᐊᓪᓚᖃᐅᑏᑦ ᐃᓂᐅᕗᖅ ᐃᑲᔪᕐᑎᒌᑦᓱᓂ ᐱᓇᓱᒍᑎᓄᑦ ᐊᒻᒪᓗ ᐃᓱᐊᖁᑎᓂᒃ ᐊᑐᖃᑎᒌᓐᓂᒧᑦ, ᐊᓪᓚᓯᒪᔪᖃᐅᑎ ᐊᑐᕐᑎᓗᒍ ᐊᓯᐊᓂᐅᔭᕋᓂ ᑐᕐᖁᐊᑎᕆᕕᐅᑦᓱᓂ ᖃᐅᔨᒋᐊᕋᑦᓴᓂᒃ ᐃᓱᐊᖁᑎᓂᒃ. ᑐᑭᓯᒪᓗᓂ ᑖᒃᑯᓃᖓ ᐃᓛᒃᑰᑑᓐᓂᒃ ᐃᑲᔪᓚᖓᔪᖅ Teams-ᓂᒃ ᐊᑐᕐᓂᓯᓐᓂᒃ ᐱᑦᓯᐊᓂᕐᓴᐅᓗᓯ.
ᖃᓄᖅ ᓂᐯᕐᑎᓯᓂᖅ ᐅᕝᕙᓗᓘᓐᓃᑦ ᑭᑭᐊᒋᓂᖅ ᓄᐃᑕᕕᓐᓂᒃ Microsoft Teams-ᒥ?
If desired, you can Mute (deactivate all notifications) or Pin (anchor to the top of the page) a channel on Microsoft Teams. To do so, follow these simple steps. Before you mute channels, remember that only direct messages and mentions of your name will trigger notifications. Therefore, we don’t recommend muting channels altogether.
ᑭᑭᐊᓪᓗᒍ
- ᐁᓗᑎᑦ ᓄᐃᑕᕕᐅᑉ ᓂᐯᕐᑎᒍᒪᔭᕐᐱᑦ ᓇᔪᕐᑕᖓᓄᑦ ᐊᒻᒪᓗ ᓂᕈᐊᕐᓗᑎᑦ ᑌᑦᓱᒥᖓᓪᓗᐊᖅ ᓄᐃᑕᕕᒻᒥᒃ ᐃᑲᔪᕐᑎᒌᑦ ᓈᓴᕐᓯᒪᔪᑦ ᐃᒻᒧᐊᓂ.
- ᓃᓂᕐᓗᒍ (…) ᓴᓂᓪᓕᖅ ᓄᐃᑕᕕᐅᑉ ᐊᑎᖓᓄᑦ ᓇᓪᓕᑳᕈᑎᑦᓴᒋᐊᓪᓓᑦ ᐊᒻᒪᓂᐊᕐᒪᑕ
- ᑲᑕᑦᑎᒐᕐᒥ ᓇᓪᓕᑳᕈᑎᒥ, ᓂᕈᐊᕐᓗᒍ ᓇᓪᓕᐊᒃ “ᑭᑭᐊᓪᓗᒍ”
ᑭᑭᐊᒋᓂᖅ: ᓄᐃᑕᕕᒻᒥᒃ ᑭᑭᐊᒋᑐᐊᕈᕕᑦ, ᓄᐃᓚᖓᔪᖅ ᖁᓪᓕᐸᐅᓗᓂ ᓄᐃᑕᕕᓐᓂᒃ ᓈᓭᑎᑎᓐᓂ Teams-ᓂᒃ ᑕᑯᓐᓇᐅᑎᐅᑉ ᓴᐅᒥᕐᓯᐊᓂ ᐊᒻᒪᓴᐅᑎᒋᒍᓐᓇᓂᐊᓕᕋᒥ. ᐊᒥᓱᓂᒃ ᓄᐃᑕᕕᓐᓂᒃ ᑭᑭᐊᑦᑐᐃᒍᓐᓇᑐᑎᑦ ᑖᒃᑯᐊᓭᓐᓀᑦ ᐊᓪᓗᕆᐊᕐᑕᕈᑏᑦ ᐊᑐᕐᓗᒋᑦ, ᑌᒃᑯᐊᓗ ᐋᕐᕿᓱᕐᓯᒪᓚᖓᑦᓱᑎᒃ ᒪᓕᓗᑎᒃ ᑭᑭᐊᑦᑐᓱᒋᑦ ᑐᖓᓕᕇᑦᑎᓯᓂᓯᓐᓂᒃ. ᑭᑭᐊᖏᑦᔮᓚᖓᓗᒍ ᓄᐃᑕᕕᒃ, ᑌᒃᑯᐊᓭᓐᓀᑦ ᐊᓪᓗᕆᐊᕐᑕᐅᑏᑦ ᐊᑐᑐᐃᓐᓇᓗᒋᑦ ᓂᕈᐊᕐᓗᒍᓗ “ᑭᑭᐊᖏᑦᔮᕈᑎ” ᑲᑕᑦᑎᒐᕐᒥ ᓇᓪᓕᑳᕈᑎᒥ.
ᓂᐯᕐᑎᓗᒍ
- ᐁᓗᑎᑦ ᓄᐃᑕᕕᐅᑉ ᓂᐯᕐᑎᒍᒪᔭᕐᐱᑦ ᓇᔪᕐᑕᖓᓄᑦ ᐊᒻᒪᓗ ᓂᕈᐊᕐᓗᑎᑦ ᑌᑦᓱᒥᖓᓪᓗᐊᖅ ᓄᐃᑕᕕᒻᒥᒃ ᐃᑲᔪᕐᑎᒌᑦ ᓈᓴᕐᓯᒪᔪᑦ ᐃᒻᒧᐊᓂ.
- ᓃᓂᕐᓗᒍ (…) ᓴᓂᓪᓕᖅ ᓄᐃᑕᕕᐅᑉ ᐊᑎᖓᓄᑦ ᓇᓪᓕᑳᕈᑎᑦᓴᒋᐊᓪᓓᑦ ᐊᒻᒪᓂᐊᕐᒪᑕ
- ᑲᑕᑦᑎᒐᕐᒥ ᓇᓪᓕᑳᕈᑎᒥ, ᓂᕈᐊᕐᓗᒍ ᓇᓪᓕᐊᒃ “ᓂᐯᕐᑎᓗᒍ”
ᓂᐯᕐᑎᓯᓂᖅ: ᑖᓐᓇ ᓄᕐᖃᑎᑦᓯᓚᖓᔪᖅ ᖃᐅᔨᑎᑦᓯᒍᑏᑦ ᑕᒡᒐᖓᓪᓗᑐᖅ ᓄᐃᑕᕕᒻᒥᒃ ᐱᔪᑦ ᓄᐃᑲᑦᑕᓂᖓᓂᒃ, ᑭᓯᐊᓂ ᑕᑯᒍᓐᓇᖏᓐᓇᓚᖓᔪᑎᑦ ᐅᖃᐅᓯᑦᓴᓕᒫᓂᒃ ᐊᒻᒪᓗ ᓄᑕᐅᓯᓕᑎᕈᑎᓕᒫᓂᒃ ᓄᐃᑕᕕᐅᑉ ᐃᓗᐊᓂ ᑕᑯᒍᒪᓕᕈᕕᐅᒃ ᑖᓐᓇ.
ᖃᖓ ᐊᑐᕐᑐᓴᐅᓂᖅ ᓄᐃᑕᕕᓐᓂᒃ ᐅᕝᕙᓗ ᖃᕆᑕᐅᔭᒃᑯᑦ ᐊᓪᓚᒍᑎᓂᒃ (email) ᐅᕝᕙᓗ ᐃᒻᒥᒎᕈᑎᓗᓂ ᐅᖃᐅᑦᔫᑎᒍᑎᒥᒃ
ᑕᒡᒐᓂ ᐃᓚᖓᓂ, ᐃᑲᔪᓚᖓᔪᒍᑦ ᑐᑭᓯᑎᓪᓗᓯ ᐊᑐᕐᓂᐹᓂᒃ ᐃᓱᒪᒋᒋᐊᓕᓐᓂᒃ ᓇᓗᓀᕐᓯᓚᖓᓗᓂ ᐊᐱᕆᐅᑎᒋᒍᒪᔦᑦ ᓈᒻᒪᓂᕐᓴᐅᒐᔭᕐᒪᖔᑦ ᐊᑐᕐᓗᓂ ᓄᐃᑕᐅᑎᕕᒻᒥᒃ (Teams), ᖃᕆᑕᐅᔭᒃᑯᑦ ᐊᓪᓚᑲᑦᑕᐅᑎᒍᑎᒥᒃ (Outlook) ᐅᕝᕙᓗ ᐃᒻᒥᒎᕈᑎᓗᓂ ᐅᖃᐅᑦᔫᑎᒍᑎᒥᒃ (Teams).
ᑭᐅᑦᓯᐊᑐᐃᓐᓇᓗᒍ, ᑕᒪᓐᓇ ᒪᓕᕙᓪᓗᑐᖅ ᐊᐱᕆᐅᑎᑦᓴᐱᑦ ᓱᓇᐅᓂᖓᓂᒃ ᐊᒻᒪᓗ ᐅᐃᒪᓇᕐᓂᖓᓂᒃ, ᐊᒻᒪᓗ ᑭᓇᒃᑯᑦ ᐃᓚᐅᒋᐊᖃᕐᓂᖓᓂᒃ ᐅᖄᒍᑕᐅᓂᖓᓄᑦ.
ᐃᓕᓗᒍ
ᓄᐃᑕᕕᓐᓂᒃ ᐊᑐᕐᓱᓂ: ᓄᐃᑕᕕᓐᓂᒃ ᐊᑐᕐᓂᖅ ᐃᓱᐊᕐᑑᒍᑎᖃᕐᖁᖅ ᐊᐱᕆᐅᑕᐅᔪᑦ ᐅᕝᕙᓗᓘᓐᓃᑦ ᐅᖃᐅᓯᑦᓭᑦ ᑕᑯᑦᓴᕈᓲᖑᓂᖓᓂᒃ ᐃᓚᐅᔪᓕᒫᓄᑦ ᑌᑲᓂ ᓄᐃᑕᕕᒻᒥ (ᐃᓅᓱᑦᑐᓅᓖᖓᔪᑦ ᐱᓇᓱᑦᑏᑦ). ᑖᓐᓇ ᓂᕈᐊᕋᑦᓴᓯᐊᒻᒪᕆᐅᕗᖅ ᐊᐱᕆᐅᑎᑦᓭᑦ ᐃᓘᓐᓈᒎᓕᖓᑐᐃᓐᓇᐸᑦ, ᐊᑦᑐᐊᐸᓪᓘᓃᑦ ᓱᓇᒐᓚᓐᓄᑦ ᐱᓇᓱᐊᖃᑎᒌᒍᑕᐅᔪᓄᑦ ᐅᕝᕙᓗᓘᓐᓃᑦ ᑲᒪᖃᑎᒌᒍᑕᐅᔪᓄᑦ, ᐅᕝᕙᓗᓘᓐᓃᑦ ᑭᐅᒍᑎᖓ ᐱᕙᓪᓕᕈᑕᐅᒐᔭᕐᐸᑦ ᐊᒥᓱᓄᑦ ᐱᓇᓱᖃᑎᒌᓂ ᐃᓚᐅᔪᓄᑦ. ᑕᒪᓐᓇ ᑲᑦᓱᙰᓕᑎᑦᓯᔪᖅ ᐅᖃᖃᑎᒌᑦᓯᐊᖃᑦᑕᓂᕐᒥᒃ ᐊᒻᒪᓗ ᐃᑲᔪᕐᑎᒌᑦᓱᓂ ᐱᓀᓗᑕᕐᓂᒃ ᐋᕐᕿᓱᐃᖃᑦᑕᓂᕐᒥᒃ.
ᐅᖄᖃᑎᖃᕐᓂᖅ
ᐃᒻᒥᒎᕈᑎᓗᓂ ᐅᖃᐅᑦᔫᑎᒍᑎᒥᒃ ᐊᑐᕐᓱᓂ: ᐊᐱᕆᐅᑎᓭᑦ ᐱᑦᔪᑎᖃᕐᐸᑦ ᐊᑕᐅᓯᕐᒥᒃ ᐃᓄᒻᒥᒃ ᐅᕝᕙᓗᓘᓐᓃᑦ ᐃᓚᖃᑐᐊᕐᐸᑦ ᐃᑉᐱᒋᑦᓯᐊᕆᐊᓕᓐᓂᒃ ᖃᐅᔨᒪᔭᑦᓴᓂᒃ, ᑌᒪ ᐃᒻᒥᒎᕈᑎᓗᓂ ᐅᖃᐅᑦᔫᑎᒍᑎ ᐱᐅᓂᕐᐸᐅᔪᑦᓴᐅᕗᖅ. ᑖᓐᓇ ᓂᕈᐊᕐᓱᒍ ᐱᐅᔫᓲᖅ ᓱᑲᑦᑐᒥᒃ, ᐅᖃᐅᑦᔫᑎᓂᑐᐃᓐᓇᒥᒃ ᐱᔪᒪᑦᓱᓂ ᐅᕝᕙᓗᓘᓐᓃᑦ ᑕᒐᑦᓴᐅᑎᒋᒃ ᑭᐅᔭᐅᓂᖅ ᐱᒋᐊᖃᓕᑐᐊᕐᒪᑦ.
ᐊᓪᓚᕕᐅᕕᒃ
ᖃᕆᑕᐅᔭᒃᑯᑦ ᐊᓪᓚᑲᑦᑕᐅᑎᒍᑎᓂᒃ (email) ᐊᑐᕐᓱᓂ: ᖃᕆᑕᐅᔭᒃᑯᑦ ᐊᓪᓚᑲᑦᑕᐅᑎᒍᑎ ᐱᐅᓂᕐᐸᐅᓲᖑᕗᖅ ᐱᓪᓚᕆᑦᓱᓂ ᐅᖃᖃᑎᒌᒍᑎᓄᑦ ᐅᕝᕙᓗᓘᓐᓃᑦ ᐅᖄᔭᐅᔪᒧᑦ ᐃᓚᐅᑎᑦᓯᒋᐊᖃᕐᑐᖃᓕᕋᒥ ᐃᓄᓐᓂᒃ ᐱᓇᓱᖃᑎᒌᑦ ᐊᓯᖏᓐᓂᒃ. ᐱᐅᔫᒻᒥᔪᖅ ᐊᑐᕈᓐᓇᕋᒥ ᐊᑯᓂᐅᓂᕐᓴᖅ ᐅᖃᖃᑎᒌᖃᑦᑕᓂᕐᒧᑦ ᐅᑎᕐᕕᐅᒋᐊᖃᕈᓐᓇᕋᒥ ᑭᖑᓂᖓᓂ.
ᐃᓱᐃᓪᓕᓯᒪᔪᓂᒃ ᐋᕐᖀᓂᖅ
ᐱᓪᓗᑯᒋᐊᓕᓕᕆᐅᑏᑦ ᐃᓱᐃᓪᓕᑲᓪᓚᐸᑕ Microsoft Teams-ᒥᒃ ᐊᑐᕐᑎᓗᑎᑦ, ᐊᒥᓱᐃᑦ ᐃᑲᔪᕐᓯᐅᑏᑦ ᐊᑐᐃᓐᓇᐅᔪᑦ ᐃᓕᓐᓂᒃ ᐃᑲᔪᕐᓯᒍᓐᓇᑐᑦ. ᐅᓐᓂᑑᑦᔨᔪᒍᑦ ᒪᑯᓂᖓ ᒪᓕᑦᑐᓴᐅᑎᓪᓗᑎᑦ ᐃᑲᔪᕐᑕᐅᒐᓱᐊᓯᒍᕕᑦ:
- ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓ ᐅᖄᕕᒋᓗᒍ ᐅᕝᕙᓘᓐᓃᑦ ᖃᕆᑕᐅᔭᓕᕆᔨ ᐃᓕᓐᓂᐊᕕᓐᓂ.
- ᐊᐱᕐᓲᑎᑦᓴᖃᕈᕕᑦ ᐃᓕᓐᓂᐊᑎᑕᐅᒍᒪᓂᕐᒧᑦ ᖃᕆᑕᐅᔭᒥᒃ, ᐅᖄᕕᒋᓗᒍ ᐃᓕᓐᓂᐊᑎᑦᓯᓲᑦ ᐱᓪᓗᑯᒋᐊᓕᓕᕆᐅᑎᓂ ᐃᓕᓐᓂᐊᕈᑎᑦᓴᓕᐅᕐᓂᒥᒃ ᖃᐅᔨᒪᔨ.
- ᐃᓕᓐᓂᒃ ᐃᑲᔪᕐᓯᖃᔭᖕᖏᐸᑕ ᓱᓇᑐᐃᓐᓇᒥᒃ ᑭᖕᖒᒪᒋᔭᓐᓂ, ᐃᓕᓐᓂᒃ ᐃᑲᔪᕐᓯᒐᔭᕐᑐᑦ ᐱᒍᑦᔭᐅᒍᑎᒥᒃ ᑐᑦᓯᕋᐅᑎᓕᐅᕐᓂᒥᒃ ᖃᕆᑕᐅᔭᒨᓕᖓᔪᓂᒃ ᐃᑲᔪᕐᑕᐅᓂᕐᒧᑦ ᖃᕆᑕᐅᔭᓕᕆᕕᒃᑯᓂ.
ᐃᓱᓕᒍᑎ
ᑲᑎᕕᒃ ᐃᓕᓴᕐᓂᓕᕆᓂᖅ ᓯᕗᓂᖃᓪᓚᕆᑉᐳᖅ ᐃᓘᓐᓀᓂᒃ ᐊᒻᒪᓗ ᓱᓇᓕᒫᓂᒃ ᑲᓱᕐᑎᓯᓂᕐᒥᒃ TEAMS ᐅᒃᑯᐃᑕᕐᕕᖓᓂ ᐁᑦᑐᑑᑎᓂᖅ ᐃᓱᐊᕐᓂᓴᐅᓂᐊᕐᒪᑦ ᐃᓕᓐᓂᐊᑎᑦᓯᔨᖁᑎᑦᑎᓄᑦ ᐃᓅᓱᑦᑐᓂᒃ ᐃᓕᓐᓂᐊᑎᑦᓯᔪᓄᑦ. ᐊᕐᕌᒍᒥ ᑕᒐᓂ, ᑐᕌᕐᑕᑕ ᐃᓚᖓᑦ ᐱᑦᔪᑎᖃᓚᖓᔪᖅ ᑫᓪᓗᐊᓂᕐᒥᒃ ᐃᑲᔪᕐᑎᒌᒍᑎᓂᒃ ᐃᓕᓐᓂ°ᐊᕖᑦ ᐊᑯᓐᓂᖓᑎᒍᑦ ᓄᓇᓕᓐᓂ ᐊᑦᔨᒌᖕᖏᑐᓂ, ᐊᒻᒪᓗ TEAMS ᐅᒃᑯᐃᑕᕐᕕᖓ ᐃᓚᐅᓚᖓᑦᓱᓂ (ᐊᔪᕐᓇᖏᓐᓂᐹᓄᑦ) ᑌᒣᓘᕈᑎᑦᓴᓄᑦ.