ᐊᕐᕌᒍᑕᒫᑦ ᑲᑎᕕᒃ ᐃᓕᓴᕐᓂᓕᕆᔩᑦ (KI) ᐋᖅᑭᓱᐃᖃᑦᑕᐳᑦ ᖃᐅᔨᒋᐊᕐᑎᑦᓯᓂᕐᒥᒃ ᐊᑑᑎᑎᑦᓯᓂᕐᒥᒃ ᐃᓕᓭᔨᐅᓂᐊᓕᕐᑐᓄᑦ ᓄᑖᓄᑦ ᑐᖕᖓᓱᑦᓯᐊᖁᓪᓗᒋᑦ ᖃᐅᔨᑦᓯᐊᖁᓪᓗᒋᓪᓗ ᐱᓇᓱᕝᕕᒋᓂᐊᓕᕐᑕᒥᓐᓂᒃ ᑲᑦᓱᙰᕐᓯᒪᑦᓯᐊᓗᑎᒃ. ᖃᐅᔨᒋᐊᕐᑎᑦᓯᓂᖅ ᑐᖕᖓᓱᑦᑎᑦᓯᓂᐅᕗᖅ ᓄᑖᓄᑦ ᐃᓕᓭᔨᐅᓂᐊᓕᕐᑐᓄᑦ ᖃᐅᔨᒋᐊᕐᑎᑦᓯᑦᓱᑎᒃ, ᐱᔪᓐᓇᑕᖏᑦ, ᐱᖃᑕᐅᑦᓯᐊᖁᓪᓗᒋᓪᓗ ᐱᒋᐊᓕᕐᓂᖏᓐᓂ ᑐᖕᖓᕕᖃᑦᓯᐊᖁᓪᓗᒋᑦ ᓲᖑᔪᒥᒃ ᓄᑖᒥᒃ ᐱᓇᓱᒐᕆᓂᐊᓕᕐᑕᒥᓐᓂ ᐃᓕᓭᔨᐅᓂᕐᒥᒃ ᐃᓕᓴᕕᒻᒥ ᓄᓇᕕᒻᒥ.
ᐃᓚᒋᔭᐅᓕᕐᑎᑦᓯᓂᖅ ᓄᖅᑲᑎᑦᓯᖕᖏᓚᖅ ᓄᑖᓂᒃ ᐃᓕᓭᔨᐅᓂᐊᓕᕐᑐᓂᒃ ᖃᐅᔨᒋᐊᕐᑎᑦᓯᓂᕐᒧᑦ. ᐃᓕᓴᕖᑦ ᐃᒻᒥᒍᑦ ᐊᑐᓂᑦ ᐊᐅᓚᑦᓯᔨᖃᕐᒪᑕ ᑖᒃᑯᐊ ᑲᔪᓯᓂᐊᕐᐳᑦ ᐃᑲᔪᕐᓯᖃᑦᑕᓗᑎᒃ ᓄᑖᓂᒃ ᐃᓕᓭᔨᐅᓕᕐᑐᓂᒃ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᕕᖃᕐᓗᑎᒃ, ᓄᓇᓕᓐᓂ ᐊᐅᓚᓂᖏᑦ ᑲᒪᒋᔭᐅᓗᑎᒃ. ᐃᓕᓴᕐᓂᓕᕆᔩᑦ ᐊᓯᖏᑎᒍᓪᓗ ᐱᒍᑦᔭᐅᓃᑦ ᐱᒍᑦᔨᕕᓐᓂ ᐃᓕᓭᔨᓂᒃ ᐃᑲᔪᕐᓯᓯᒪᓂᐊᕆᕗᑦ ᐱᓇᓱᑦᑎᐅᔪᑦ, ᐃᓕᓭᔩᑦ ᐱᔭᕆᐊᖃᕐᑕᖏᑦᑎᒍᑦ ᐃᓕᓴᕐᓂᓕᕆᓂᕐᑎᒍᓪᓗ ᖃᐅᔨᒪᔪᓄᑦ ᐊᑐᓂᑦ ᖃᓄᑐᐃᓐᓇᖅ ᐅᖃᐅᑦᔭᒋᐊᖃᕋᔭᑐᐊᕐᐸᑕ ᐃᒫᙰᕐᑕᐅᒋᐊᖃᕐᐸᑕᓘᓐᓃᑦ. ᐃᓕᓴᕐᓂᓕᕆᔩᑦ ᖃᐅᔨᒪᔨᑌᑦ ᐅᖃᐅᑦᔭᐅᒍᓐᓇᐳᑦ ᐊᕐᕌᒎᑉ ᐃᓗᐊᓂᓕᒫᖅ ᖃᖓᓕᒫᖅ ᐅᖄᓚᐅᑎᒃᑯᑦ, ᖃᕆᑕᐅᔭᒃᑯᑦ, ᐅᕝᕙᓗ ᐃᓕᓴᕕᒻᒧᑦ ᐅᐸᓪᓗᒋᑦ ᐃᓕᓴᐅᑎᑦᓴᖏᓐᓂᒃ ᐃᑲᔪᕐᓯᓗᒋᑦ.
ᓱᓕ ᑐᓴᕋᑦᓴᕆᐊᓪᓓᑦ: