ᑕᑯᑦᓴᐅᑎᑦᓯᕗᒍᑦ ᐃᓕᑦᓯᓄᑦ ᑐᑭᓯᓇᕐᑎᓯᐅᑎᓂᒃ ᐊᑦᔨᓕᐊᕕᓂᕐᓂᒃ ᐱᒋᐅᕐᓴᑎᑕᐅᓃᑦ ᐱᒋᐊᖕᖓᐅᑎᖓᓂᒃ ᐊᑦᔨᐅᖏᑦᑑᓂᖅ, ᓇᒻᒥᓂᖁᑎᖃᕐᓂᖅ ᐊᒻᒪᓗ ᐃᓚᐅᑦᓯᐊᓂᖅ ᐱᒋᐅᕐᓴᑎᑕᐅᓂᕕᓂᐅᔪᓂᒃ ᐊᐅᒡᒎᓯᐅᓚᐅᔪᒥ ᐱᓂᐊᕐᓂᕆᔭᐅᔪᕕᓂᐅᑦᓱᓂ ᐊᕐᕌᒍᑕᒫᕐᓯᐅᑏᑦ ᐃᓕᓐᓂᐊᑎᑦᓯᔩᑦ ᓱᖏᐅᓯᓴᕐᑕᐅᓂᖏᓐᓄᑦ.
ᐱᒋᐅᕐᓴᑎᑕᐅᓂᖃᕐᑎᓗᒍ, ᐱᒋᐊᖕᖓᐅᑎᖃᕐᓯᒪᔪᒍᑦ ᐱᕙᓪᓕᐊᒐᓱᐊᕐᓂᑯᑦ ᐃᒻᒥᓂᒃ ᐊᑭᓐᓂᔮᕐᓂᑯᑦ ᑐᖕᖓᕕᖃᕐᑎᓗᒍ ᐱᖓᓱᓂᒃ ᓇᓗᕐᖁᑎᖕᖑᓂᕐᓄᑦ: ᐊᑦᔨᐅᖏᑦᑑᓂᖅ, ᓇᒻᒥᓂᖁᑎᖃᕐᓂᖅ ᐊᒻᒪᓗ ᐃᓚᐅᑦᓯᐊᓂᖅ. ᐅᖄᕈᑎᖃᕐᓯᒪᔪᒍᑦ ᖃᓄᖅ ᐱᕙᓪᓕᐊᕈᓐᓇᓂᖓᓂᒃ ᐊᒻᒪᓗ ᑕᒪᒃᑯᐊ ᓇᓗᕐᖁᑎᖕᖏᓃᑦ ᓲᖑᓰᒋᐊᕈᓐᓇᓂᖏᓐᓂᒃ ᐃᓕᓐᓂᐊᑎᑦᓯᒍᑎᓂᒃ, ᐃᓄᓐᓅᓕᖓᔪᑦ ᐱᕙᓪᓕᐊᕈᑎᑦᓭᑦ ᐃᑲᔪᕐᓯᐅᑎᐅᔪᓂᒃ. ᐱᕙᓪᓕᐊᔪᒥᒃ, ᐃᓕᓐᓂᐊᑎᑦᓯᔩᑦ ᐊᐱᕆᔭᐅᖃᑦᑕᓂᐊᕐᑐᑦ ᐃᓕᓐᓂᐊᑎᑦᓯᒍᑎᒥᒃ ᐃᓗᕐᖁᓯᕐᒨᓕᐊᔪᓂᒃ ᐃᓕᓐᓂᐊᑎᑦᓯᕈᑎᓕᐅᕐᓂᑯᑦ ᓄᓇᕕᒻᒥᐅᓄᑦ ᐃᓕᓐᓂᐊᑎᓄᑦ.
ᐊᑭᓐᓂᔮᕐᓂᖅ
- ᑐᑭᓯᓇᕐᑎᓯᐅᑏᑦ ᐊᑦᔨᓕᐊᕕᓂᕐᓂᒃ, ᐃᓕᓐᓂᐊᕈᑎᑦᓴᓕᐅᕐᓂᖅ ᐃᓗᓕᓕᒃ ᐱᖓᓱᓂᒃ: ᑐᑭᓯᓇᕐᑐᖅ, ᓇᓗᓇᕐᑐᖅ ᐊᒻᒪᓗ ᖁᔭᓈᕐᑕᐅᔪᖅ. ᐊᑭᓐᓂᔮᕐᑎᓗᒍ ᐃᓕᓐᓂᐊᑎᑦᓯᔨᐅᓂᕐᓄᑦ, ᐃᓕᑕᕐᓯᒋᐅᓴᓗᑎᑦ ᐃᓚᖏᓐᓂᒃ ᖃᕆᐊᑉ ᐃᓗᐊᓄᑦ ᓇᓗᓇᕐᑐᓂᒃ. ᐆᑦᑑᑎᒋᓗᒍ, ᐃᓕᓐᓂᐊᑏᑦ ᐊᓪᓚᖁᖃᑦᑕᓗᒋᑦ ᑭᐅᑦᔪᑎᒥᓂᒃ ᓇᓗᓇᕐᑎᓯᔪᓂᒃ ᐊᓯᖏᓐᓂᒃ ᖃᐅᔨᒪᔭᐅᔪᓂᒃ?
- ᐊᑭᓐᓂᔮᕐᓂᖅ ᐱᕙᓐᓂᐊᑕᐅᓂᖓᓂᒃ ᐊᒻᒪᓗ ᑲᑎᖃᑎᒌᓐᓂᑯᑦ ᐅᒃᑯᐃᖔᕐᓂᑯᑦ ᐆᒻᒪᑎᒃᑯᓗ, ᐅᓪᓗᑕᒫᖅ ᑭᓇᒥᒃ ᖃᓂᑕᖃᓲᖑᕕᑦ ᑭᓇᐅᓂᕐᓄᑦ ᐅᕝᕙᓘᓐᓃᑦ ᐱᔪᓐᓇᐅᑎᖃᕐᓂᓄᑦ ᐊᒻᒪᓗ ᖃᓄᖅ ᖃᐅᔨᒪᔭᑎᓐᓂᒃ ᐱᑦᔪᑎᖃᓲᖑᕕᑦ? ᖃᓄᖅ ᑕᒪᒃᑯᐊ ᖃᓂᑕᕆᔭᑎᑦ ᐊᒻᒪᓗ ᐊᑑᑎᓲᑎᑦ ᓱᕐᕃᓲᑦ ᓯᓚᕐᔪᐊᒥ ᑕᑯᓐᓇᕈᓰᓐᓂᒃ?
ᑐᖓᓕᐊ ᐱᒋᐅᕐᓴᑎᑕᐅᓂᑦᓴᖅ ᐱᓇᓱᐊᕐᑕᐅᔪᖅ. ᓅᕕᒻᐱᕆᐅᑉ ᐱᒋᐊᕐᓂᖓᓂ ᐊᑑᑎᔭᐅᖕᖑᓱᑦᑐᖅ ᐊᒻᒪᓗ ᐱᓇᓱᐊᕐᑕᐅᓯᒪᑦᓱᓂ ᒥᓖᓴ ᐅᔅᑭᓃᑭᔅᒧᑦ ᐊᒻᒪᓗ ᐹᓪ ᐱᐊᕐᔩᒧᑦ, ᑕᑯᓐᓇᕆᔭᖃᕐᓂᐊᖁᒍᑦ ᐱᕙᓪᓕᐊᑕᐅᓂᖓᓂᒃ ᓇᒻᒥᓂᒃ ᐊᑭᓐᓂᔮᕐᓂᐅᔪᓂᒃ ᐃᓄᐃᑦ ᑐᖕᖓᕕᒋᑦᓱᒋᑦ. ᐱᒋᐅᕐᓴᑎᑦᓯᓂᕗᑦᑕ ᐱᓇᓱᐊᕐᑎᖏᑦ ᐃᓕᓐᓂᐊᑎᑦᓯᓂᕐᒥᒃ ᐱᓇᓱᐊᕐᓯᒪᔪᑦ ᓄᓇᖃᕐᖄᓯᒪᔫᑦᓱᑎᒃ ᐊᒻᒪᓗ ᐃᓄᐃᑦ ᓄᓇᓕᖏᓐᓂ. ᐃᓕᓐᓂᐊᑎᑦᓯᓂᕐᒥᒃ ᐱᓇᓱᐊᕐᓯᒪᓂᖏᑦ ᐊᐱᕐᓲᑎᓂᒃ ᑎᒍᓯᓯᒪᔪᑦ ᐱᓇᓱᐊᕈᑎᕆᓚᕿᑦᓱᒋᑦ ᐱᒋᐅᕐᓴᑎᑦᓯᒍᑎᐅᔪᓂᒃ ᐱᓇᓱᐊᖃᑎᒌᓐᓂᑯᑦ ᖃᐅᔨᓴᐅᑎᓂᒃ ᐃᓄᐃᑦ ᐃᓕᓐᓂᐊᓂᖏᓐᓅᓕᖓᔪᓂᒃ, ᐃᓗᕐᖁᓯᕐᒨᓕᖓᔪᓂᒃ ᐃᓕᓐᓂᐊᑎᑦᓯᓂᒃᑯᑦ ᐊᒻᒪᓗ ᐊᑦᑕᓇᕐᑐᒦᑦᑐᓂᒃ ᐃᓕᓐᓂᐊᕈᑎᑦᓴᓂᒃ.
ᑐᓴᕆᐊᑦᓯᐊᕈᒪᕈᕕᑦ, ᐅᖄᕕᒋᕈᓐᓇᑌᑦ ᙯᑎ ᐃᓕᓐᓂᐊᕈᑎᓕᕆᕕᒃᑯᓂ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ. ᐅᖄᕕᒋᓚᐅᕐᓇᒍ, ᐊᑐᐊᕐᓯᕈᓐᓇᖁᑎᑦ ᑕᑯᑦᓴᐅᑎᑦᓯᒪᔭᖏᓐᓂᒃ ᐊᓕᐊᒋᓚᖓᕐᖂᑕᑎᑦ.