ᐃᓄᐃᑦ ᐱᖕᖑᐊᕈᓯᖏᑦ ᐱᒻᒪᕆᐅᕗᑦ ᓄᓇᕕᒻᒥᐅᓄᑦ ᐊᒻᒪᓗ ᐊᓯᖏᓐᓄᑦ ᑕᕐᕋᒥᐅᓄᑦ ᐱᑦᔪᑎᖃᕐᓱᑎᒃ ᐊᒥᓱᓂᒃ. ᐱᓗᐊᕐᑐᒥ ᐃᓗᕐᕈᓯᒋᕋᒥᐅᒃ, ᐃᓄᐃᑦ ᐱᖕᖑᐊᕈᓯᖏᑦ ᓄᓇᒥ ᐊᓐᓇᐅᒪᒐᓱᐊᕐᓂᒥᒃ ᑐᖕᖓᕕᖃᓪᓚᕆᑦᓱᑎᒃ ᐊᒻᒪᓗ ᐃᓄᓐᓂᒃ ᓲᖑᓂᖃᕐᑎᓯᒍᑎᐅᑦᓱᑎᒃ ᓴᐱᓕᑦᑌᓕᒪᒍᑎᐅᑦᓱᑎᓪᓗ. ᐃᓄᐃᑦ ᑕᑯᓐᓇᕆᐊᕐᓂᖃᓱᖑᒻᒥᔪᑦ ᐱᖕᖑᐊᑐᓂᒃ ᑲᑎᖃᑎᒌᑦᓱᑎᒃ. ᑐᑭᓯᒋᐊᕈᒪᒍᕕᑦ ᐃᓄᐃᑦ ᐱᖕᖑᐊᕈᓯᖏᓐᓂᒃ, ᕿᒥᕐᕈᓗᒋᑦ ᐃᓕᓐᓂᐊᑎᑦᓯᒍᑏᑦ ᐊᓪᓚᓯᒪᔫᑉ ᐊᑖᓂ.
ᐊᑐᐃᓐᓇᕈᕐᑎᓂᖅ
ᑎᒥᒧᑦ ᓂᒪᓐᓂᑯᑦ ᐊᑑᑎᓪᓚᕆᓚᐅᕐᓇᒃ, ᐊᑐᐃᓐᓇᕈᕐᑎᖄᕆᐊᖃᕐᖁᖅ. ᐆᒻᒪᑎᐅᑉ ᓱᑲᓐᓂᖓ ᐳᕐᑐᓯᒋᐊᕐᓗᒍ, ᑎᒥᐅᑉ ᐆᓇᕐᓂᖓ ᐳᕐᑐᓯᒋᐊᓗᒍ ᐊᒻᒪᓗ ᐊᑐᐃᓐᓇᕈᕐᑎᓗᒋᑦ ᓄᑮᑦ ᐊᐅᒻᒧᑦ ᐃᓗᓪᓕᓗᒋᑦ ᐊᒻᒪᓗ ᓄᒃᑭᓴᕐᓗᒋᑦ. ᓄᐃᑎᓗᒋᑦ ᐊᑐᐃᓐᓇᕈᕐᑎᓂᐅᑉ ᐊᑐᕐᑕᐅᓂᖏᑦ >>
ᐃᓂᓪᓚᑎᕐᑕᐅᒪᔪᑦ
ᖃᕆᑕᐅᔭᓐᓅᓗᒋᑦ ᐃᓄᐃᑦ ᐱᖕᖑᐊᕈᓯᖏᑦ ᐃᓂᓪᓚᑎᕐᑕᐅᒪᔪᑦ, ᓄᐃᑕᐅᓯᒪᔪᖅ ᓄᓇᕕᒻᒥ ᐃᓕᓐᓂᐊᑎᑦᓯᔨᓄᑦ ᐊᑐᕐᕕᐅᖁᑦᓱᒍ ᑕᒪᒃᑯᐊ ᐱᖕᖑᐊᕈᓰᑦ ᐃᓕᓐᓂᐊᕕᓐᓂ ᐊᑐᕐᑕᐅᓕᐅᒥᖁᑦᓱᒋᑦ.
ᐱᖕᖑᐊᕈᓰᑦ
ᑖᒃᑯᐊ 8 ᐃᓄᐃᑦ ᐱᖕᖑᐊᕈᓯᖏᑦ ᓂᕈᐊᕐᑕᐅᒪᔪᑦ ᐳᒃᑭᓂᕐᓴᓄᑦ ᐃᓕᓐᓂᐊᕈᑎᑦᓴᐅᒐᔭᕆᐊᖏᑦ ᕿᑐᕐᖓᕆᔭᐅᔪᓄᑦ. ᑕᑯᒋᐊᕈᓐᓇᕆᕗᑎᑦ ᐳᕐᑐᓂᕐᓴᓄᑦ ᐃᓄᐃᑦ ᐱᖕᖑᐊᕈᓯᖏᑦ ᐱᒋᐅᕐᓴᐅᑎᑦᓴᖏᓐᓂᒃ. ᐊᑐᓂ ᐱᖕᖑᐊᕈᓰᑦ ᓀᑦᑐᓂᒃ ᑕᑯᓐᓇᑕᐅᒍᓐᓇᑐᓂᒃ ᐊᑐᐃᓐᓇᓖᑦ ᐊᒻᒪᓗ ᒪᓕᑦᑕᐅᔪᑦᓴᓂᒃ ᐊᓪᓚᖑᐊᕐᓯᒪᔪᓂᒃ ᑐᑭᓯᓇᕐᑎᓯᒐᓱᐊᕐᑐᓂᒃ ᐊᑐᐃᓐᓇᖃᕐᓱᓂ ᐃᓕᓐᓂᐊᑎᑦᓯᒍᑎᑦᓴᓂᒃ.
ᑐᓄᒻᒧᑦ ᐊᔭᐅᕈᑎᓂᖅ
ᐅᑉᐸᑎᒻᒥᓄᑦ ᐊᐅᓚᑦᔭᑎᑦᓯᒐᓱᐊᕐᓂᖅ
ᓂᐅ ᐊᑐᕐᓗᒍ ᐱᖑᔭᓐᓂᖅ
ᐃᑎᒐᕐᒧᑦ ᓄᑦᓲᑎᓂᖅ
ᐅᒥᒻᒪᐅᔭᕐᓂᖅ
ᐅᑉᐱᑎᑐᑦ ᕿᒃᑭᑕᕐᓂᖅ
ᓴᓂᒐᕐᒥᓄᑦ ᓴᒃᑯᐃᓂᖅ
ᕿᔪᒻᒥᒃ ᓄᑦᓲᑎᓂᖅ
ᐃᓕᓐᓂᐊᕈᑎᑦᓴᕆᐊᓪᓓᑦ
- ᐅᑭᐅᕐᑕᑐᒥ ᐱᖕᖑᐊᓂᕐᔪᐊᑐᑦ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖓ
- ᐅᑭᐅᕐᑕᑐᒥ ᐱᖕᖑᐊᓂᕐᔪᐊᑐᑦ ᓄᓇᖃᕐᖄᓯᒪᔪᔦᑦ ᑲᓇᑕᒥᐅᑦ ᐊᓪᓚᓯᒪᔪᖁᑎᖏᑦ
- ᓄᓇᕕᒻᒥᐅᑦ ᐱᖕᖑᐊᑎᖏᑦᑕ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖓ
- ᓄᓇᕕᒻᒥᐅᑦ ᐱᖕᖑᐊᑎᖏᑦᑕ ᖃᕆᑕᐅᔭᒃᑯᑦ ᕓᔅᐳᒃᑯᑦ ᐱᑐᑦᓯᒪᐅᑎᖓ
* ᑕᑯᑦᓴᐅᔪᑦ ᖃᓪᓗᓈᑎᑑᕐᑐᐃᑭᓯᐊᓂ