ᓇᓗᓀᕐᓯᐅᑎ
ᐃᓪᓗᕕᒉᑦ ᐃᓄᐃᑦ ᐃᓗᕐᖁᓯᖓᓄᑦ ᐱᒻᒪᕆᓪᓚᕆᐅᕗᑦ ᐅᓂᒃᑲᐅᓰᑦ ᐊᒻᒪᓗ ᖃᐅᔨᒪᔭᐅᔪᐃᑦ ᑐᓴᕐᑎᓯᒍᑎᐅᓲᖑᑦᓱᑎᒃ. ᐃᓅᑦᔪᓰᑦ ᐊᓯᑦᔨᓯᒪᓕᕐᒪᑕ, ᐃᓚᒌᑦ ᐃᓪᓗᕕᒐᕐᒥᐅᖑᓲᖑᕈᓐᓀᑐᑦ. ᑕᒡᒐᓂ ᐃᓕᓐᓂᐊᕕᒻᒥ ᖃᕆᐊᒥ ᖃᐅᔨᒪᔭᐅᔪᓂᒃ ᑐᓴᕐᑎᓯᕕᐅᓚᖓᔪᖅ ᐊᒻᒪᓗ ᐃᓕᓐᓂᐊᑏᑦ ᐆᑦᑐᕋᖃᑦᑕᓂᕐᒥᓄᑦ ᐅᖄᖃᑦᑕᓗᑎᓪᓗ.
ᐃᓄᐃᑦ ᐊᖑᓇᓱᑦᑏᑦ ᐃᑉᐱᒍᓱᑦᓯᐊᓲᑦ ᓯᓚᐅᑉ ᐱᐅᓯᖓᓂᒃ. ᖃᐅᔨᒪᖃᑦᑕᓯᒪᔪᑦ ᖃᖓᓗ ᓇᓂᓗ ᐱᕐᓯᒪᖔᑦ ᐊᒻᒪᓗ ᓇᒧᑦ ᐊᓄᕆᒻᒪᖔᑦ, ᖃᐅᔨᒪᑦᓯᐊᓱᑎᒃ ᓇᓂᑯᑦᓯᐊᓂ ᐃᓪᓗᕕᒐᓕᐅᕆᐊᖃᕐᒪᖔᒻᒥ ᖃᓄᐃᑦᑐᒥᓪᓗ ᐊᐳᑎᒥᒃ ᐊᑐᕆᐊᖃᕐᒪᖔᒻᒥᒃ. ᐅᓪᓗᒥ, ᐃᓕᓐᓂᐊᑏᑦ ᐃᓕᑦᓯᒐᓱᐊᕆᐊᓖᑦ ᑕᒪᒃᑯᓂᖓᒐᓛᒃ. ᑌᑦᓱᒪᓂ ᐃᓄᐃᑦ ᐱᒍᓐᓇᓂᖏᓐᓄᑦ ᑎᑭᓚᕿᓯᒪᒐᑦᑕ ᑕᒪᐅᖕᖓ, ᐱᒻᒪᕆᐅᕗᖅ ᑕᒪᑦᓱᒥᖓ ᖃᐅᔨᒪᐅᓯᒥᒃ ᐆᒪᑎᑦᓯᒐᓱᐊᕐᓂᒥᒃ ᐃᓄᒻᒪᕆᑎᒍᑦ ᙯᑕᐅᓯᒪᒻᒪᑦ ᓯᕗᓂᕗᑦᑕ ᑭᖑᕚᖏᓐᓄᑦ.
ᐊᑦᔨᓕᐊᕕᓂᖅ ᓵᓕ ᓇᐅᒃᑲᕈᐊᒧᑦ
ᐃᓕᓐᓂᐊᑎᑕᐅᒍᑏᑦ ᓄᐃᒍᑎᖏᑦ
ᑕᒡᒐᓂ ᐱᒋᐅᕐᓴᐅᑎᒥ, ᐃᓕᓐᓂᐊᑏᑦ ᐅᖄᒍᑎᖃᖃᑦᑕᓛᕐᑐᑦ ᐃᓕᑦᓯᒍᑎᒋᓯᒪᔭᒥᓂᓪᓗ ᐃᓪᓗᕕᒐᓕᐅᕐᓂᒥᒃ ᒪᓕᓪᓗᑎᒃ. ᖃᓄᐃᓘᒋᐊᖁᔭᐅᖃᑦᑕᓗᑎᓪᓗ ᐃᑲᔪᕐᓯᒋᐊᕈᑎᓂᒃ ᓯᕗᓂᕐᒧᑦ ᐃᓪᓗᕕᒐᓕᐅᕐᓂᒥᒃ. ᑖᓐᓇ ᐃᓕᓐᓂᐊᑎᑦᓯᓂᖅ ᐱᒍᒪᓕᕐᑎᓯᒐᓱᐊᕈᑎᐅᕗᖅ ᐃᓕᓐᓂᐊᑎᓄᑦ ᐃᓪᓗᕕᒐᓕᐅᕐᓂᒥᒃ ᐊᒻᒪᓗ ᖃᐅᔨᒻᒪᓕᐅᒥᑎᑦᓯᓗᓂ ᐃᓗᕐᖁᓯᖓᑕ ᐃᓪᓗᓕᐅᕈᓯᖓᓂᒃ.
ᑖᑦᓱᒪ ᐱᒋᐅᕐᓴᐅᑎᐅᑉ ᓈᓂᖓᓂ, ᐃᓕᓐᓂᐊᑏᑦ ᐱᔪᓐᓇᓯᓐᓂᐊᑐᑦ ᐆᒥᖓ:
- ᐱᒻᒪᕆᐊᓗᒻᒥᒃ ᐊᑑᑎᓐᓂᐊᑐᑦ ᓇᒻᒥᓂᒃ ᐃᓗᕐᖁᓯᖓᑎᒍᑦ ᐃᓄᒻᒪᕇᑦ ᐅᖄᓂᖏᓐᓄᑦ ᖃᐅᔨᒪᔭᒥᓂᒃ ᐃᓪᓗᕕᒐᓕᐅᕐᓂᒥᒃ ᐊᒻᒪᓗ ᐃᓅᒐᓱᐊᕐᓂᐅᑉ ᒥᑦᓵᓄᑦ.
ᑲᔪᓯᓂᖓ
1. ᑕᑯᓐᓇᑎᑦᓯᓂᖅ
- ᐃᓄᒻᒪᕆᓐᓂ ᙯᖁᔨᓂᖅ ᐅᓂᒃᑳᕆᐊᕐᑐᖁᓪᓗᒋᑦ ᐃᓪᓗᕕᒐᕐᒥᐅᖑᓂᕕᓂᕐᒥᓂᒃ.
- ᖃᐅᔨᒪᔪᒻᒪᕇᑦ ᐅᖄᑎᓗᒋᑦ ᐃᓪᓗᕕᒉᑦ ᐱᒻᒪᕆᐅᓂᖏᓐᓂᒃ, ᐱᒋᐊᖕᖓᐅᑎᐅᑉ ᐃᓗᓕᖏᓐᓄᑦ ᐅᑎᕐᕕᖃᕐᑎᓗᒋᑦ.
- ᑕᑯᓐᓇᑎᓗᒋᑦ ᓀᑦᑐᒥᒃ ᑕᕐᕋᓕᔮᒥᒃ ᐃᓪᓗᕕᒐᕐᒥᐅᕕᓃᑦ ᐊᐱᕐᓲᔭᕐᑕᐅᓂᕕᓂᖏᓐᓂᒃ.
- ᐱᒻᒪᕆᐅᓂᖓᓂᒃ ᐅᖃᐅᑎᓗᒋᑦ ᐅᓪᓗᒥᐅᔪᖅ ᐃᓪᓗᕕᒐᓕᐅᕐᓂᒥᒃ ᖃᐅᔨᒪᓗᓂ, ᐊᓐᓇᐅᒪᒃᑫᒍᓐᓇᒪᑦ ᓄᓇᒦᑦᑎᓗᒋᑦ.
ᐃᓚᒋᐊᕈᑎ
- ᑕᒪᑦᓱᒥᖓ ᐱᒋᐅᕐᓴᐅᑎᒥ ᐱᐅᔫᓕᕐᖁᖅ ᐃᓕᓐᓂᐊᑎᑦᓯᓗᓂ ᐃᓚᒌᑦ ᐃᓪᓗᕕᒐᑦᓴᖓᓂᒃ ᐊᒻᒪᓗ ᐃᓕᓐᓂᐊᑎᓗᒋᑦ ᐊᑦᔨᒌᖕᖏᓂᖏᓐᓂᒃ ᐋᕐᕿᓯᒪᒍᓯᖏᑦ ᐊᒻᒪᓗ ᐅᖃᐅᓯᕐᑕᖏᑦ.
ᐱᐅᓕᓂᐊᒉᑦ
- ᖃᕆᑕᐅᔭᖅ
- ᐊᑭᓐᓇᒥᐅᑕᖅ ᒪᓕᑦᑕᐅᔪᑦᓴᖅ
- ᓂᐱᖁᑦᑑᑏᒃ