ᐃᑯᒪᐅᒻᒨᑐᑦ ᓇᓗᕐᑎᖓᓇᕈᓐᓇᑐᑦ, ᑭᓯᐊᓂ ᐃᑲᔪᕐᑎᓴᓯᓐᓂᒃ ᐱᓇᓱᑦᑎᖃᕐᑐᒍᑦ ᑲᑎᕕᒃ ᐃᓕᓴᕐᓂᓕᕆᔨᒃᑯᓂ. ᑕᒐ ᓇᓗᓇᖕᖏᑐᐊᐲᑦ ᑐᑭᒧᐊᒍᑎᑦᓭᑦ ᑐᑭᓯᒪᓂᐊᕋᑦᓯ ᑭᓇᒃᑯᑦ ᓱᓇᓐᓂᐊᑎᐅᒻᒪᖔᑕ. ᐃᑉᐱᒋᔭᐅᓕ ᑖᒃᑯᐊ ᐊᓪᓚᓯᒪᔪᑦ ᐊᑐᕐᒪᑕ ᑐᑭᒧᐊᒍᑎᑐᐃᓐᓇᐅᓱᑎᒃ. ᓈᓭᒍᑏᑦ ᐱᓇᓱᐊᑦᓴᓂᒃ ᐊᑐᓂ ᐱᓇᓱᑦᑎᒧᑦ ᐅᖃᕆᐊᑭᓪᓕᑎᕐᓯᒪᔪᑦ ᐊᒻᒪᓗ ᐱᓇᓱᒐᖓ ᐃᓱᖃᕋᓂ ᑖᒃᑯᓂᖓᑐᐊᖅ ᐱᓇᓱᐊᑦᓴᓂᒃ. ᑐᑭᓯᑦᓯᐊᓂᕐᓴᐅᖁᔨᑐᐃᓐᓇᐳᒍᑦ ᓇᐅᒧᑦ ᑐᕌᕐᑐᓴᐅᓂᓯᓐᓂᒃ ᐃᑲᔪᕐᑕᐅᒍᑎᖃᕆᐊᖃᕈᑦᓯ ᐃᑯᒪᐅᒻᒨᑐᓄᑦ ᐃᓕᖓᔪᓂᒃ.
ᐃᑲᔪᕐᑕᐅᒋᐊᖃᖏᓐᓇᕿᑦ?
ᐊᐱᕆᐅᑏᑦ ᑭᐅᔭᐅᕋᑕᖕᖏᐸᑦ, ᖃᕆᑕᐅᔭᒃᑯᑦ ᐊᓪᓚᓗᑎᑦ ᐃᓕᓐᓂᐊᑎᑦᓯᓂᕐᒧᑦ ᓴᓇᒪᔪᓄᑦ ᐃᓕᓐᓂᐊᕈᑎᑎᒍᑦ ᐃᓱᒪᓕᐅᕐᑎᓄᑦ ᐅᕙᓂ EdTech@kativik.qc.ca
ᖃᐅᔨᒪᒍᑎᓂᒃ ᐱᓇᓲᑎᓄᑦ (IT) ᐱᓇᓱᑦᑏᑦ
IT-ᓕᕆᔩᑦ ᐱᓇᓱᑦᑏᑦ ᐋᕐᕿᓱᐃᓲᖑᕗᑦ ᐱᓇᓲᑏᑦ ᐃᓱᐃᓪᓕᕈᑎᖏᓐᓂᒃ. ᖃᕆᑕᐅᔭᓄᑦ ᐱᑐᑦᓯᒪᕕᒻᒦᓗᓂ ᐊᑦᑕᓇᖕᖏᓂᕐᒥᒃ ᓱᕐᖁᐃᑎᐅᒻᒥᔪᑦ. ᓂᐅᕕᕆᐊᖃᕈᕕᑦ IT-ᕈᑎᓂᒃ ᓱᓇᒐᓚᖏᓐᓂᓗ ᐆᑦᑑᑎᒋᓗᒍ ᐁᐹᑦ ᐊᒻᒪᓗ ᓯᐅᑎᒻᒥᒑᒃ, ᑕᒪᒃᑯᐊ ᐊᖏᕐᑕᐅᒍᑎᒋᒋᐊᓕᑎᑦ ᓄᓇᓕᓯᓐᓂ ᐃᓕᓐᓂᐊᕕᐅᑉ ᐊᐅᓚᑦᓯᔨᖏᓐᓄᑦ ᓄᐃᑦᓯᒍᑎᒋᓗᒋᓪᓗ ᑐᕌᒐᕐᓂ ᐱᕕᖓᑕ ᑭᓯᑦᓯᑎᖓᓂᒃ. ᓂᐅᕕᕈᒪᒍᑦᓯ ᖃᕆᑕᐅᔭᐅᑉ ᓱᒍᑎᖓᓂᒃ, ᐃᓚᐅᑎᑦᓯᓯᐊᕐᓗᓯ ᐋᐳᓪᑯᑦ ᓇᐅᖑᒻᒪᖔᑦ ᓇᓗᓀᒃᑯᑕᖓᓂᒃ ᓱᒍᑎᒥ ᐱᔪᒪᔭᓯᓐᓂ ᐃᓂᑲ (Iniga) ᐃᑲᔪᕐᑕᐅᒍᒪᐅᑎ ᐊᑐᕐᓗᒍ. ᐳᐃᒍᕐᑌᓕᒋᑦ, ᐅᖄᒍᓐᓇᕋᕕᑦ IT-ᑯᓄᑦ ᐃᑲᔪᕐᑕᐅᒍᒪᐅᑎᒥᒃ ᐊᑐᕐᓗᑎᑦ ᑭᓯᐊᓂ!
To do a ticket, Pour faire un billet: Go to Iniga – catalog or simply write an email at helpdesk@kativik.qc.ca (It will create on automatically).
ᖃᕆᑕᐅᔭᕐᑖᑎᑦᓯᔨ (POC)
ᑖᓐᓇ POC ᒪᓕᑦᑐᓭᓐᓇᑐᖅ ᖃᕆᑕᐅᔭᓕᒫᓂᒃ ᐊᒻᒪᓗ ᐁᐹᑦᓕᒫᓂᒃ ᐃᓕᓐᓂᐊᑏᑦ ᐃᓕᓐᓂᐊᑎᑦᓯᔩᓪᓗ ᐊᑐᓲᖏᓐᓂᒃ. ᐁᑦᑐᑑᑎᒋᓲᖏᑦ ᐃᓕᓐᓂᐊᓇᐅᑉ ᐊᕐᕌᒍᖓᑕ ᐱᒋᐊᖕᖓᓂᖓᓂ ᓄᐊᓲᕆᑦᓱᒋᓪᓗ ᐊᕐᕌᒎᑉ ᐃᓱᐊᓂ. ᖃᕆᑕᐅᔭᓕᒫᓂᒃ ᐯᕆᑦᓯᓲᖑᒻᒥᔪᑦ ᖃᐅᔨᑎᑦᓯᓲᖑᑦᓱᑎᓪᓗ IT-ᓂᒃ ᐱᓇᓱᑦᑎᓂᒃ ᖃᓄᒐᓚᒃ ᓈᒻᒪᖏᑦᑐᖃᓕᕐᒪᑕ. ᓱᓕᐅᒻᒥᔪᖅ, ᐱᓇᓱᖃᑎᖃᓲᖑᒻᒥᔪᑦ IT-ᓂᒃ ᐱᓇᓱᑦᑎᒥᒃ ᐊᐅᓚᑦᓯᖃᑎᒋᑦᓱᒍ ᐁᐹᑦᓂᒃ.
ᐃᓕᓐᓂᐊᑎᑦᓯᓂᕐᒧᑦ ᓴᓇᒪᔪᓄᑦ ᓯᕗᓕᕐᑎ
ᐃᓕᓐᓂᐊᑎᑦᓯᓂᕐᒧᑦ ᓴᓇᒪᔪᓄᑦ ᓯᕗᓕᕐᑎ (Ed. tech lead) ᐃᑲᔪᕐᑎᐅᕗᖅ ᐃᓕᓐᓂᐊᑎᑦᓯᔨᓂᒃ ᐃᑯᒪᐅᒻᒨᑐᓂᒃ ᓴᓇᕐᕈᑎᓕᕆᒃᑯᑦ. ᑖᒃᑯᐊ ᓇᓗᓀᕐᓯᓲᑦ ᓱᓇᓂᒃ ᐃᓕᓐᓂᐊᑎᑦᓯᔩᑦ ᐱᒋᐊᖃᕐᒪᖔᑕ ᐊᒻᒪᓗ ᐅᖃᐅᑦᔨᔨᐅᓲᖒᑦᓱᑎᒃ ᖃᐅᔨᒪᔭᑦᓴᓂᒃ ᖃᓄᖅ ᐊᑐᕐᑐᓴᐅᓂᒃᑯᑦ ᐊᑦᔨᒌᖕᖏᑐᓂᒃ ᓴᓇᕐᕈᑎᓂᒃ ᐊᑐᐃᓐᓇᐅᔪᓂᒃ. ᑕᑯᑎᑕᐅᒍᓐᓇᑐᑎᑦ ᖃᓄᖅ ᓄᑖᑦ ᖃᕆᑕᐅᔭᒧᑦ ᓱᒍᑏᑦ ᐊᑐᕐᑕᐅᓲᖑᒻᒪᖔᑕ ᐃᑲᔪᕐᑕᐅᓗᑎᓪᓗ ᕿᓂᕐᑎᓗᑎᒃ ᓴᓇᕐᕈᑎᓂᒃ ᓈᒻᒪᑐᓂᒃ ᐃᓕᓐᓂᐊᑎᑦᓯᕕᓐᓂ ᐊᑐᕐᓗᒋᑦ.
ᐃᓕᓐᓂᐊᑎᑦᓯᓂᕐᒧᑦ ᓴᓇᒪᔪᓄᑦ ᐃᓕᓐᓂᐊᕈᑎᑎᒍᑦ ᐃᓱᒪᓕᐅᕐᑎ
ᐃᓕᓐᓂᐊᑎᑦᓯᓂᕐᒧᑦ ᓴᓇᒪᔪᓄᑦ ᐃᓕᓐᓂᐊᕈᑎᑎᒍᑦ ᐃᓱᒪᓕᐅᕐᑎ (Ed. tech PED consultant) ᐱᖕᖑᑎᑦᓯᔨᐅᕗᖅ ᐃᓕᑦᓯᓂᕐᒥᒃ ᓴᓇᕐᕈᑎᓂᒃ ᓈᒻᒪᓈᕐᑐᓂᒃ ᐃᓗᕐᖁᓯᑦᑎᓄᑦ ᐊᒻᒪᓗ ᐱᐅᓯᓪᓚᕆᑦᑎᓄᑦ. ᐃᑲᔪᕐᒥᔪᑦ ᐃᓕᓐᓂᐊᑎᑦᓯᔨᓂᒃ ᐃᓕᑦᓯᒐᓱᐊᕐᑎᓗᒋᑦ ᖃᓄᖅ ᓄᑖᑦ ᐱᓇᓲᑏᑦ ᐊᑐᕐᑕᐅᓲᖑᓂᖓᓂᒃ. ᓱᕐᖁᐃᑎᐅᔪᑦ ᓱᓇᓕᒫᑦ ᐱᐅᓂᖓᓂᒃ ᐊᒻᒪᓗ ᒪᓕᑦᑐᑎᐅᑦᓱᑎᒃ ᐃᑯᒪᐅᒻᒨᑐᕐᑎᒍᑦ ᐱᖁᑎᓕᒫᓂᒃ ᐃᓕᓐᓂᐊᕕᓐᓂ.