ᑕᒡᒐᓂ ᑐᖓᓕᐊᓂ ᐱᒋᐅᕐᓴᐅᑎᒥ ᖃᓄᐃᑦᑐᒥ ᐃᑉᐱᓂᐊᕐᓂᖃᕐᓂᒥᒃ, ᐃᓕᓐᓂᐊᑏᑦ ᐃᑉᐱᓂᐊᕐᓂᐅᔪᓂᒃ ᐃᓱᒪᒃᑯᓗ ᐃᑉᐱᓂᐊᕐᓂᐅᔪᓂᒃ ᑐᖕᖓᕕᓕᓐᓂᒃ ᐊᑐᓂ ᐊᒻᒪᓗ ᐃᓚᒋᐊᕆᒍᓐᓇᓱᑎᒃ. ᐲᖕᑰᖕᖑᐊᑎᑦᓯᓃᑦ ᐃᑲᔪᕐᓯᓲᑦ ᑕᒪᒃᑯᓂᖓ ᐃᓕᓐᓂᐊᑎᑦᓯᒍᑎᐅᑦᓱᑎᒃ.
ᐱᓪᓚᕆᐅᕗᖅ ᖃᐅᔨᒪᔭᐅᒋᐊᖃᕐᓂᖓ ᑭᓇᓕᒫᒃᑯᑦ ᖃᓄᐃᑦᑐᒦᓐᓂᑕᖃᓲᖑᒻᒪᑕ – ᐊᐅᐸᓗᑦᑕᒦᑦᑐᑦ ᖁᕐᓱᑕᒥᓪᓗ ᐱᐅᖕᖏᑑᖕᖏᑐᑦ ᐅᐃᕖᑦᑐᒦᓐᓂᐅᒐᑎᓗ. ᖃᓄᐃᑦᑐᒦᓐᓂᐅᔪᓕᒫᑦ ᓂᕆᐅᕐᓂᖃᕈᑎᐅᓲᑦ ᖃᖓᑐᐃᓐᓇᓕᒫᒃᑯᑦ. ᖃᓄᐃᑦᑐᒦᓐᓂᓂᒃ ᐊᐅᓚᑦᓯᓃᑦ ᓇᐅᒥᓪᓘᓃᑦ ᐱᔭᖃᕐᓂᓴᐅᒐᓱᐊᕈᑎᑦᓴᐅᖏᑦᑐᑦ ᐃᕐᖃᑐᐃᒐᓱᐊᕈᑎᐅᒐᑎᓗ.
ᐃᑉᐱᓂᐊᕐᓃᑦ ᐃᓱᒪᒃᑯᓗ ᐃᑉᐱᓂᐊᕐᓃᑦ ᐊᑐᓂ
ᐲᖕᑰᕐᓂᖅ
ᐲᖕᑰᕈᑏᑦ ᐱᒋᐅᕐᓴᐅᑎᐅᕗᑦ ᐃᓕᑕᕐᓯᒋᐅᕐᓴᐅᑎᐅᑦᓱᑎᒃ ᐊᑦᔨᖑᐊᖏᓐᓂᒃ ᐊᑦᔨᖑᐊᓕᐊᕕᓂᐅᔪᓂᒃ ᐃᑉᐱᓂᐊᕐᓂᓅᓕᖓᔪᓂᒃ ᐊᒻᒪᓗ ᐃᓱᒪᒃᑯᑦ ᐃᑉᐱᓂᐊᕐᓂᐅᔪᓂᒃ ᖃᓄᐃᑦᑐᓂᒃ ᐃᑉᐱᓂᐊᕐᓂᖃᕐᓃᑦ ᐱᒋᐅᕐᓴᐅᑎᓂ. ᐃᑲᔪᕐᓯᐅᑎᐅᒍᓐᓇᒥᔪᑦ ᐊᐅᓚᔨᒋᐅᕐᓴᐅᑎᐅᓗᑎᒃ ᓇᓪᓕᐊᓂᒃ ᐃᑉᐱᓂᐊᕐᓂᓂᒃ ᐃᓱᒪᒃᑯᓗ ᐃᑉᐱᓂᐊᕐᓂᓂᒃ ᑐᖕᖓᕕᖃᕐᒪᖔᑕ ᐊᑐᓂ.
ᑕᕐᕋᓕᔮᓕᐊᕕᓃᑦ
ᓀᑦᑐᒥᒃ ᑕᕐᕋᓕᔮᓕᐊᕕᓂᕐᒥᒃ ᑕᑯᓐᓇᓂᖅ ᖃᓄᐃᑦᑑᓂᕐᓂᒃ ᐊᑐᓂ. ᐸᐱᐅᑉ ᑕᕐᕋᓕᔮᖏᑦ ᓄᐃᑕᐅᓯᒪᔪᐃᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᓴᑐᕐᓇᑐᓂᒃ ᐃᓕᓐᓂᐊᕕᖃᕐᓃᑦ ᐊᑖᒍᑦ ᐊᓕᒃᓵᓐᑕ ᕗᐊᒪᓐ ᐃᓕᓐᓂᐊᑎᖏᓐᓄᑦ ᐃᑲᔪᕐᑕᐅᓱᓂ ᑯᕆᔅᑕᕗ ᒫᒃᐴᓴᓐᒧᑦ ᐅᓪᓗᕆᐊᖅ ᐃᓕᓐᓂᐊᕕᖓᓂ, ᑲᖏᕐᓱᐊᓗᑦᔪᐊᒥ.