‹ ᕿᓂᕈᑎᒧᑦ ᐅᑎᕈᑎᒃ
ᑐᓴᐅᒪᔭᐅᒋᐊᓖᑦ

ᐊᓕᐊᓇᕐᑐᖅ ᐊᒻᒪᓗ ᐊᓕᐊᓱᓐᓂᖅ

ᐊᒥᓲᑦᓱᑕ ᐃᓕᓐᓂᐊᒍᑎᓕᐅᕐᕕᐅᑉ ᐱᒍᑦᔨᕕᖓᓂᒃ ᐊᑐᐊᕐᓯᓯᒪᔪᒍᑦ ᕿᒥᕐᕈᐊᒥᒃ ᐃᓄᐃᑦ ᖃᐅᔨᒪᔭᑐᖃᖏᑦ: ᖃᐅᔨᒪᔭᑐᖃᖏᑦ ᓱᓕᒋᐊᖏᑦ  ᐊᒻᒪᓗ ᓇᕝᕚᓯᒪᑦᓱᑕ ᐅᖃᐅᓯᑦᓯᐊᕋᑕᕐᒥᑦ ᐊᓕᐊᓱᖕᖑᐊᓂᐅᑉ ᒥᑦᓵᓄᑦ :

“ᐊᓕᐊᓱᓐᓂᖅ ᐱᔭᐅᓲᖑᕗᖅ ᑲᑎᖃᑎᒌᓕᐅᒥᔮᖃᑦᑕᓂᒃᑯᑦ, ᐊᕕᖃᑎᒌᑦᓱᑎᑦ ᓂᕿᓂᒃ, ᑕᐅᕐᓯᐅᑎᖃᑦᑕᐅᑎᓂᒃᑯᑦ ᐃᓱᒪᒋᔭᕐᒥᓂᒃ, ᑕᐅᕐᓯᐅᑎᖃᑦᑕᐅᑎᓂᒃᑯᑦ ᐱᖕᖑᐊᓂᓕᕆᓂᕐᒥᒃ.  […] ᓯᓚᒥ ᐊᔪᑦᑕᓃᑦ ᐊᓕᐊᒋᔭᐅᓂᕐᐸᐅᓯᒪᔪᖅ ᐊᒻᒪᓗ ᐁᔦᔮᕐᓃᑦ ᐊᑑᑎᔭᐅᓕᐅᒥᔮᖃᑦᑕᓯᒪᒻᒥᔪᑦ ᐊᕕᖃᑎᖃᕈᒪᒧᑦ ᐊᓕᐊᓇᕐᑐᓂᒃ, ᑲᕙᕐᓇᑐᓂᒃ, ᓇᑯᕐᓴᓇᕐᑐᓂᒃ ᐊᒻᒪᓗ ᐱᐅᔪᒥᒃ ᐊᑑᑎᔭᐅᓯᒪᔪᓂᒃ ᐊᖅᑯᑎᒋᑦᓱᒋᑦ ᐅᖃᐅᓯᖏᑦ ᐃᖕᖏᕈᓰᑦ ᐊᒻᒪᓗ ᐊᓯᒋᔭᕐᒥᓄᑦ ᖃᐅᔨᔭᐅᑎᑦᓯᓂᒃᑯᑦ ᐊᔪᒉᑦᑐᓂᒃ ᐱᔭᐅᖃᑦᑕᓯᒪᔪᓂᒃ. ᐃᓅᖃᑎᒌᓐᓂᖅ ᓭᒪᓇᕐᑐᒥᒃ ᐊᓯᒥᓄᑦ ᐃᓪᓕᕆᔭᐅᓂᕐᐸᐅᓯᒪᔪᖅ, ᐊᕿᐊᑦᑐᓱᑦᓱᑎᑦ ᒐᑎᓪᓘᓃᑦ, ᓈᒻᒪᓯᐊᕐᑐᓂᒃ ᓂᕆᔭᑦᓴᖃᕐᓂᖅ ᐅᕝᕙᓘᓐᓃᑦ ᓈᒻᒪᓯᐊᕐᑐᒥᒃ ᐃᓗᓯᖃᕐᓱᑎᑦ.”

(Karetak, J., Tester, F., Tagalik, S., 2017). 


ᐊᓕᐊᓱᓐᓂᖅ ᐊᒻᒪᓗ ᐃᑉᐱᒋᔭᖃᕐᓂᖅ ᐊᓕᐊᓱᓐᓂᒥᒃ ᓱᖅᑯᐃᑐᒥᒃ ᓇᒻᒥᓂᓪᓗᑐᖅ ᐃᓄᒻᒨᓕᖓᔪᖅ ᐊᒻᒪᓗ ᑭᓇᑐᐃᓐᓇᓕᒫᒃᑯᑦ ᐊᑦᔨᒌᖕᖏᑐᓂᒃ ᐊᓕᐊᓱᒍᓯᖃᕐᓱᑎᑦ. ᐃᓚᖏᑦ ᐊᓕᐊᒋᔭᖃᕈᓐᓇᑐᑦ ᓴᓇᖕᖑᐊᓂᕐᒥᒃ ᐊᓯᖏᑦ ᐊᓕᐊᒋᔭᖃᕐᑎᓗᒋᑦ ᑎᒥᒻᒨᓕᖓᔪᓂᒃ. ᐃᓚᖏᑦ ᐃᓪᓘᑉ ᐃᓗᐊᓃᒋᐊᒥᒃ ᐊᓕᐊᒋᔭᓖᑦ ᐊᓯᖏᑦ ᓯᓚᒦᒋᐊᒥᒃ ᐊᓕᐊᒋᔭᖃᕐᑎᓗᒋᑦ. ᐊᓕᐊᒋᔭᕗᑦ ᐊᓯᑦᔨᓯᒪᑐᐃᓐᓇᕆᐊᓖᑦ ᐃᓄᒻᒪᕆᖕᖑᐸᓪᓕᐊᓂᑦᑎᓂᒃ, ᐅᕝᕙᓗᓐᓂᑦ ᓇᓂᒥᐅᖑᓂᕗᑦ ᐱᑦᔪᑎᒋᓗᒍ ᐊᒻᒪᓗ ᐊᑦᔨᒋᔭᐅᖕᖏᑐᐃᓐᓇᕆᐊᓕᒃ ᐃᓚᓐᓈᕗᑦᑕ ᐊᓕᐊᒋᔭᖏᓐᓂᒃ. ᐃᒻᒥᓂᒃ ᐅᑉᐱᕆᔭᖃᑦᓯᐊᑐᐊᕈᑦᑕ ᐊᒻᒪᓗ  ᓇᕝᕚᕋᓱᐊᖃᑦᑕᑐᐊᕈᑦᑕ ᐊᓕᐊᒋᔭᑦᑎᓂᒃ, ᓈᒻᒪᓈᕐᑐᑰᕐᖁᒍᑦ ᐊᖅᑯᑎᒥᒃ ᐃᒻᒥᓂᒃ-ᑲᒪᑦᓯᐊᓂᕐᒧᑦ. ᐊᒥᓱᓂᒃ ᐱᕚᓪᓕᕈᑎᑦᓴᖃᖅᑯᖅ ᐊᓕᐊᓱᓐᓂᖅ ᐊᒻᒪᓗ ᐃᒻᒥᓂᒃ ᐊᓕᐊᒋᔭᖃᕐᓂᖅ, ᐃᓚᒋᔭᐅᑎᓗᒍ ᐃᑯᓪᓚᒋᐊᕆᓂᖅ ᐊᑦᓱᕈᕐᓂᒥᒃ; ᐃᑯᓪᓓᒋᐊᕈᓐᓇᒥᔪᖅ ᐱᐅᓯᖃᕈᑎᐅᒍᓐᓇᑐᓂᒃ ᐆᑦᑑᑎᒋᓗᒍ ᐱᑕᑦᓴᖃᓗᐊᕐᓂᖅ ᐊᒻᒪᓗ ᐆᒻᒪᑎᓕᕆᓃᑦ ᐋᓐᓂᐊᑎᒍᑦ. ᐃᓕᑦᓯᕆᐊᓪᓛᕋᓱᐊᕆᑦ ᐱᕚᓪᓕᖁᑎᒋᒍᓐᓇᑕᖏᓐᓂᒃ ᐊᓕᐊᓱᖕᖑᐊᓂᐅᑉ, ᐊᑐᐊᕐᓯᓗᒋᑦ ᐅᑯᐊ 2 ᐊᑐᐊᒐᑦᓵᒃ: ᐊᓕᐊᓱᖕᖑᐊᓂᖅ ᐃᓕᓐᓄᑦ ᐱᐅᔫᕗᖅ ᐊᒻᒪᓗ ᓱᔪᑦ ᐊᓕᐊᓱᖕᖑᐊᓂᖅ ᓚᕆᑦᑐᒥᒃ ᐃᓕᓐᓄᑦ ᐱᐅᔫᓂᖓ.

ᐅᑯᐅ ᐃᓱᒪᑦᓴᓯᐅᕈᑎᑦᓭᑦ ᐊᓕᐊᓱᖕᖑᐊᓂᕐᒧᑦ ᐆᑦᑐᕋᕈᓐᓇᑕᑎᑦ ᐊᒻᒪᓗ ᖃᐅᔨᒍᑎᒋᓗᒋᑦ ᐱᐅᓂᕐᐹᓂᒃ ᐃᓕᓐᓄᑦ ᐊᓕᐊᒋᔭᑎᓐᓂᒃ!  


ᐱᕕᑦᓴᓕᐅᕐᓯᒪᓗᑎᑦ

ᐱᕕᑦᓴᓕᐅᕐᓯᒪᖃᑦᑕᓗᑎᑦ ᑲᑎᖕᖓᖃᑎᖃᕐᓂᒥᒃ ᐃᓄᓐᓂᒃ ᓇᓪᓕᒋᔭᑎᓐᓂᒃ.

ᓂᕆᖃᑎᖃᕐᓗᑎᑦ ᐃᓚᑎᓐᓂᒃ ᐅᕝᕙᓗᓐᓃᑦ ᐅᖄᓚᕕᖃᕐᓗᑎᑦ ᐃᓚᓐᓈᕆᔭᕐᓂᒃ. ᑭᓇᒨᑦ ᐃᔪᕿᑕᕐᑎᑕᐅᓲᒍᕕᑦ ᐊᒻᒪᓗ ᖁᖓᑦᑎᑕᐅᑦᓱᑎᑦ ᑕᑯᒋᐊᑕᒫᑦ? ᓯᕗᓂᓕᐅᕐᓯᒪᖃᑦᑕᓗᑎᑦ ᑕᑰᑎᕕᑦᓴᑎᓐᓂᒃ ᐅᖃᓕᒪᐅᑎᒃᑯᑦ ᐅᕝᕙᓘᓐᓃᑦ ᑕᑯᓐᓇᖃᑎᒌᒍᑎᒃᑯᑦ.

ᑌᒣᓕᖓᔪᒥᒃ ᐊᓕᐊᓱᖕᖑᐊᕈᑎᖃᕐᓂᖅ ᐃᑲᔪᕐᓯᓂᖃᑐᐃᓐᓇᓚᖓᖕᖏᑐᖅ ᐃᓕᓐᓂᒃ ᐃᓚᖃᕐᑎᓯᖏᓐᓇᒋᐊᒥᒃ ᑭᓯᐊᓂ ᑐᓂᓯᓂᖃᓚᖓᔪᖅ ᑫᓪᓗᐊᕆᓂᕐᒥᒃ ᐃᓕᓐᓂᒃ ᐊᓕᐊᓱᖕᖑᐊᕋᓱᐊᕈᓐᓇᓂᕆᔭᕐᓂᖅ.   

ᓈᓚᒋᑦᓯ

Jaanimmarik Ukulele Club 2019-2020

ᓈᓚᓐᓂᖅ ᐊᒻᒪᓗ ᓂᑦᔭᓗᑦᑖᕈᑎᓕᐅᕐᓂᖅ ᐊᒥᓱᓂᒃ ᐱᕚᓪᓕᕈᑎᑦᓴᖃᕐᖁᖅ, ᐃᓚᒋᔭᐅᑎᓗᒍ ᐱᐅᓯᑎᑦᓯᓂᕐᒥᒃ ᐃᑉᐱᓂᐊᕆᔭᐅᔪᒥᒃ, ᐃᑯᓪᓚᒋᐊᕆᓂᕐᒥᒃ ᐅᖁᒣᑦᑐᑰᕐᓂᕆᔭᐅᔪᒥᒃ, ᓄᖑᑎᒋᐊᕆᓂᕐᒥᒃ ᓯᕘᕋᓂᕐᒥᒃ, ᑐᓂᓯᓂᕐᒥᒃ ᐃᓱᕐᕆᓂᕐᒥᒃ ᐊᒻᒪᓗ ᐱᐅᓯᒋᐊᕆᓂᒃᑯᑦ ᐊᐅᓚᔨᒍᓐᓇᓂᕆᔭᐅᔪᒥᒃ.

 ᐅᖄᖃᑎᒋᒌᑐᐊᕋᑦᑕ ᓂᑦᔭᓗᑦᑖᓂᐅᑉ ᒥᑦᓵᓄᑦ, ᑐᑭᑖᖃᑎᒌᓚᐅᕐᑐᒍᑦ ᖃᐅᔨᑎᑦᓯᒋᐊᖕᖓᕈᒪᑦᓱᑕ ᐊᑦᔨᒌᖕᖏᑐᓄᑦ ᐃᓄᓐᓄᑦ ᓂᑦᔭᓗᑦᑖᑎᓄᑦ ᐊᒻᒪᓗ ᓇᕝᕙᓯᒪᑦᓱᑕ ᐱᐅᔪᐊᓗᒻᒥᒃ ᕿᒥᕐᕈᐊᒥᒃ ᑌᔭᐅᔪᖅ: ᓀᓪᓕᑎᕐᓯᒪᔪᑦ  ᓄᐊᓯᒪᔪᑦ ᐊᓪᓚᓯᒪᔪᐃᑦ ᐊᓕᐊᒋᔭᐅᔪᑦ ᓄᓇᕕᒻᒥ ᐃᖕᖏᕈᓰᑦ (ᓀᓪᓕᑎᕐᓯᒪᔪᑦ ᓄᐊᓯᒪᔪᑦ ᐊᓪᓚᓯᒪᔪᐃᑦ ᐊᓕᐊᒋᔭᐅᔪᑦ ᓄᓇᕕᒻᒥ ᐃᖕᖏᕈᓰᑦ) ᓴᓇᔭᕕᓂᖅ ᓂᐊᓕ ᑐᕕᕐᒧᑦ.

ᑕᒐ, ᐱᕕᑦᓴᖃᕐᑎᒋᑦ ᑐᓵᓗᒋᑦ ᑖᒃᑯᐊ ᐃᖕᖏᕈᓰᑦ ᐅᕝᕙᓘᓐᓃᑦ ᑐᓵᓗᑎᑦ ᐊᓕᐊᒋᓂᕐᐹᑎᓐᓂᒃ ᓂᑦᔭᓗᑦᑖᑐᓂᒃ ᑕᒃᑲᓂ ᐱᓇᓱᐊᕈᓯᕐᒥᒃ! ᓄᓪᓚᖓᐅᒐᕈᒪᒐᔭᕐᑐᑎᑦ ᐊᒻᒪᓗ ᓯᑯᖕᖏᓗᑎᑦ ᐅᕝᕙᓘᓐᓃᑦ ᒪᑭᓪᓗᑎᑦ ᐊᒻᒪᓗ ᐃᖁᑕᕐᓗᑎᑦ! ᓇᓪᓕᐊᒍᑐᐃᓐᓇᖅ, ᑐᕌᒐᕆᔭᐅᔪᖅ ᐊᓕᐊᓱᖕᖑᐊᕈᓐᓇᓂᖅ. ᓇᖅ, ᑐᕌᒐᕆᔭᐅᔪᖅ ᐊᓕᐊᓱᖕᖑᐊᕈᓐᓇᓂᖅ.

ᐊᑐᐊᕐᓯᓗᑎᑦ ᕿᒥᕐᕈᐊᒥᒃ

ᖃᖓᒋᓐᓈ ᑭᖑᓪᓕᐹᒥ ᐊᑐᐊᕐᓯᓂᕐᕿᑦ ᕿᒥᕐᕈᐊᒥᒃ, ᑐᓵᓐᓂᕿᑦ ᓈᓚᐅᑎᒥᒃ ᖁᒻᒧᐊᑎᑕᐅᓯᒪᔪᒃᑰᑐᒥᒃ ᐅᕝᕙᓘᓐᓃᑦ ᐊᑐᐊᕐᓯᕙᓪᓛᔪᓕᒻᒥᒃ ᕿᒥᕐᕈᐊᒥᒃ ᑐᓵᓐᓂᕿᑦ ᐊᓕᐊᓱᖕᖑᐊᓂᖅ ᐱᑦᔪᑎᒋᑦᓱᒍ? 

ᐊᑐᐊᕐᓯᓂᖅ ᐊᒥᓱᓂᒃ ᐱᕚᓪᓕᕈᑎᑦᓴᖃᖅᑯᖅ ᐃᓕᓐᓄᑦ, ᐃᓚᒋᔭᐅᑎᓗᒍ ᐃᓱᒪᒃᑯᑦ ᕿᑦᑌᓴᕐᑕᐅᓂᖅ, ᐅᖁᒣᑦᓴᓂᕐᒥᒃ ᐃᑯᓪᓚᑎᕆᓂᒃᑯᑦ, ᐱᕙᓪᓕᐊᓂᒃᑯᑦ ᖃᐅᔨᒪᓂᕐᒥᒃ ᐊᒻᒪᓗ ᐃᓱᒪᑦᓯᐊᕈᓐᓇᓂᕐᒥᒃ ᐱᐅᓯᒋᐊᕆᓂᒃᑯᑦ. ᑎᒃᑯᐊᓯᒍᓐᓇᑐᑎᑦ ᐊᑐᐊᕐᓯᓯᒪᔭᕐᓂᒃ ᑭᖑᓂᕐᓂᒃ ᐊᒻᒪᓗ ᐊᓕᐊᒋᕙᕐᔪᐊᓱᒍ, ᐆᑦᑐᕋᕈᓐᓇᒥᔪᑎᑦ ᐃᓚᓐᓈᐱᑦ ᐅᓇᑕᒃᑳᓯᒪᔭᖓᓂᒃ ᐅᕝᕙᓘᓐᓃᑦ ᕿᓂᕐᓂᑯᑦ ᕿᒥᕐᕈᐊᒥᒃ ᐊᑐᐊᕐᓯᖃᑦᑕᕈᒪᓯᒪᓕᕐᑕᓂᒃ. ᕿᓂᕈᓐᓇᒥᔪᑎᑦ ᕿᒥᕐᕈᐊᒥᒃ ᐊᓂᕐᕋᐱᑦ ᕿᒥᕐᕈᐊᖃᐅᑎᖓᓂᒃ ᐅᕝᕙᓘᓐᓃᑦ ᐊᑦᑕᑐᕐᓗᑎᑦ ᕿᒥᕐᕈᐊᓂᒃ ᕿᒥᕐᕈᐊᑯᕕᒻᒥᒃ. ᐊᒻᒪᓗ, ᕿᒥᕐᕈᐊᑯᕕᖃᖕᖏᑯᑦᓯ, ᑕᐅᕐᓯᐅᑎᖃᑎᖃᕈᓐᓇᑐᑎᑦ ᐃᓚᓐᓈᓃᕕᑦ?.  ᖃᓄᑐᐃᓐᓈᕈᓐᓇᑐᑦ!  

ᐱᕕᑦᓴᑖᕋᓱᐊᖃᑦᑕᓗᑎᑦ ᐊᑐᐊᕐᓯᓂᕐᒧᑦ (ᐅᕝᕙᓘᓐᓃᑦ ᑐᓵᓂᒃᑯᑦ) ᐊᑕᐅᓯᕐᔪᐊᒥᓪᓘᓃᑦ ᕿᒥᕐᕈᐊᒥᒃ ᑕᒃᑲᓂ ᑕᖅᑭᒥᑦ.   

ᐊᓕᓱᓐᓂᒥᒃ ᓂᕆᐅᖏᓐᓇᕆᑦ

Research from the Boston University School of Medicine, National Center for PTSD at Virginia Boston Healthcare System and Harvard T.H. Chan School of Public Healthᖃᐅᔨᓴᕐᓂᕕᓂᐅᔪᖅ ᐹᔅᑕᓐ ᐃᓕᓐᓂᐊᕕᕐᔪᐊᑉ ᐃᓕᓐᓂᐊᕕᖓᑕ ᐋᓐᓂᐊᓂᓕᕆᓂᕐᒥᒃ, ᐊᓯᖏᓐᓂᓗ ᐋᓐᓂᐊᓂᓕᕆᔨᓂᒃ ᓱᖅᑯᐃᓯᓯᒪᔪᑦ ᐱᑐᑦᓯᒪᐅᑎᒋᐊᖏᓐᓂᒃ ᐊᓕᐊᓱᓐᓂᒥᒃ ᓂᕆᐅᓐᓂᖅ ᐊᒻᒪᓗ ᐃᓗᓯᖅ. ᑖᓐᓇ ᖃᐅᔨᓴᕐᓂᕕᓂᖅ ᓄᐃᑦᓯᓯᒪᔪᖅ ᐊᓕᐊᓱᓐᓂᒥᒃ ᓂᕆᐅᓐᓂᖃᓲᑦ ᐃᓄᐃᑦ ᐊᑯᓂᐅᕐᓴᒥᒃ ᐃᓅᓲᖑᒋᐊᖏᓐᓂᒃ ᐊᒻᒪᓗ ᐱᑦᔪᑎᖓ ᓱᒨᒻᒪᖔᑦ ᓇᓗᓇᖕᖏᑐᐊᐱᒃ: “ᐊᓕᐊᓱᓐᓂᒥᒃ ᓂᕆᐅᓐᓂᓖᑦ ᐃᓄᐃᑦ ᐊᐅᓚᑦᓯᓯᐊᕈᓐᓇᓂᕐᓴᐅᔪᑦ ᐃᑉᐱᓂᐊᕐᓂᒥᓂᒃ ᐊᒻᒪᓗ ᐱᐅᓯᕐᒥᓂᒃ ᐊᒻᒪᓗ ᐱᒍᓐᓇᓂᕐᓴᐅᓲᖑᑦᓱᑎᑦ ᐅᖁᒣᑦᓴᓂᕐᒥᒃ ᐊᑦᓱᕈᕐᓂᒥᓪᓗ ᐊᑑᑎᒍᓐᓇᓯᐊᕐᓱᑎᑦ” (Kubzansky, 2019).

 ᐅᓐᓂᑑᑦᔨᒥᔪᒍᑦ ᐱᖓᓱᓂᒃ ᐊᓪᓚᓯᒪᔪᓕᐅᕐᓂᒥᒃ ᐅᓪᓗᒥ ᓱᓇᓂᒃ ᐱᐅᓂᕐᐹᓂᒃ ᐊᑐᑫᓐᓇᒪᖔᕐᐱᑦ ᐅᕝᕙᓘᓐᓃᑦ ᐊᓪᓚᓯᒪᔪᓂᒃ ᓱᓇᑐᐃᓐᓇᓂᒃ ᓇᑯᕆᔭᑎᓐᓂᒃ ᖃᐅᑕᒫᑦ. ᑌᒣᓘᕐᓗᑎᑦ ᑕᑯᒍᓐᓇᕋᔭᕐᑐᑎᑦ ᐱᐅᓂᖏᓐᓂᒃ ᐃᓅᓯᕐᐱᑦ ᐃᓗᐊᖓᓃᑦᑐᓂᑦ! 

ᐊᓕᐊᓱᓐᓂᒥᒃ ᐃᑉᐱᓂᐊᕐᓂᖅ ᐱᓯᒪᓂᕐᒧᑦ

ᐃᑉᐱᓂᐊᕐᓂᖅ ᐱᓯᒪᔭᖃᕐᓂᕐᒥᒃ ᐊᖏᓂᕐᐸᐅᒋᕗᖅ ᐃᒻᒥᓂᒃ ᓈᒻᒥᒋᔭᖃᑦᓯᐊᓂᕐᒥᒃ, ᐱᒍᓐᓇᓂᕗᑦ ᐊᒻᒪᓗ ᐅᐱᒋᔭᖃᕐᓂᑯᑦ ᖃᓄᐃᓘᒍᓐᓇᓂᑦᑎᓂᒃ; ᐅᐱᒍᓱᓚᐅᕐᑕ ᒥᑭᔫᒐᓗᐊᕐᑎᓗᒋᑦ ᐱᓯᒪᓂᕆᔭᐅᔪᑦ! ᐅᐱᒋᔭᖃᕐᓂᖅ ᑖᒃᑯᓂᖓ ᐱᓯᒪᓂᕆᔭᐅᔪᓂᒃ, ᖃᓄᐃᓪᓗᐊᕋᓗᐊᕐᐸᑕ, ᐃᑲᔪᕐᓯᒍᓐᓇᑐᑦ ᑫᓪᓗᑐᐃᒋᐊᕐᓂᒥᒃ ᐃᒻᒥᓂᒃ-ᓈᒻᒪᒋᔭᖃᕐᓂᒥᒃ, ᓴᐱᖃᖕᖏᓂᕗᓐᓂᒃ ᐊᒻᒪᓗ ᐃᓱᒪᑦᓯᐊᓂᑦᑎᓂᒃ. ᓇᓗᓀᕐᓯᒪᖃᑦᑕᓗᒋᑦ ᐱᔭᕕᓂᑎᑦ ᐃᓱᒪᒃᑯᑦ ᐊᓪᓚᓯᒪᔪᓕᐅᕐᓯᒪᓗᑎᑦ ᐱᓇᓱᐊᕐᑕᕕᓂᑎᓐᓂᒃ ᑌᑲᓂ ᐅᓪᓘᔪᒥᒃ. ᑐᓄᒃᑯᑦ ᐸᑎᑦᑕᑕᐅᔪᑦᓴᐅᕗᑎᑦ! 


ᐃᒻᒥᓂᒃ-ᑲᒪᓂᕐᒧᑦ ᖃᓄᐃᓘᕈᓰᑦ :  

ᐊᓪᓚᓯᒪᔪᓕᐅᕋᓱᐊᕐᓗᑎᑦ ᓱᓇᑐᐃᓐᓇᓂ ᐊᓕᐊᒋᔭᑎᓐᓂᒃ! ᑕᒐ, ᐊᐅᓪᓚᑎᑦᓯᓗᓯ ᐊᑦᔨᖑᐊᒥᒃ ᓱᒐᓚᑦᑐᖓᐊᒥᒃ ᐊᓕᐊᒋᔭᕐᓂᒃ ᐅᕙᑦᑎᓄᑦ! ᐃᒻᒪᖄ ᑐᕌᒐᓕᐅᕐᑐᓴᐅᔪᑎᑦ ᓇᓪᓕᑐᐃᓐᓇᖏᓐᓂᒃ ᐊᑐᖃᑦᑕᓂᐊᕐᑕᑎᓐᓂᒃ ᐱᓇᓱᐊᕈᓯᑕᒫᑦ ᐅᑭᐅᖅ ᓄᑖᖑᑎᓪᓗᒍ! 

  • Max. file size: 64 MB.
    Après avoir envoyé votre photo, notre équipe se chargera de l'ajouter à cette page dans les jours qui suivent.
  • Ces informations sont optionnelles. si vous inscrivez votre nom et votre communauté, ces informations apparaitront sur cette page.
ᐊᐱᕐᓲᑎᑦᓴᖃᕈᕕᑦ ᐅᖃᐅᓯᑦᓴᖃᕈᕕᓪᓘᓃᑦ, ᖃᐅᔨᓴᕐᕕᒋᑎᒍ.

ᖃᐅᔨᓴᕐᕕᒋᑎᒍ