ᐱᐅᒃᑯᑏᑦ ᓴᓇᕐᕈᑏᓪᓗ ᐊᑐᕆᐊᓕᑎ ᓇᑎᑦᓴᔭᒥ ᑕᑯᒥᓇᕐᑐᓕᐅᕈᑎᑦᓭ
- ᐊᕿᓐᓂᓴᖅ ᒥᖑᐊᕆᐅᑎ
- ᓯᑎᓂᕐᓴᖅ ᒥᖑᐊᕆᐅᑎ
- ᒥᖑᐊᕆᐅᑎ / ᒥᖑᐊᕈᑎᓂ ᐅᐊᕈᑦᓯᑐᐃᕕᒃ
- ᐃᒪᖓ
- ᓇᑲᑎᕆᐅᑎ
- ᑕᓯᔭᕐᑐᐃ
ᒪᓕᑦᑕᐅᒋᐊᓖᑦ ᓇᑎᑦᓴᔭᒥ ᑕᑯᒥᓇᕐᑐᓕᐅᓯᑐᐊᕈᓂ
![](https://nunavik-ice.com/wp-content/uploads/2019/07/linocut_1.jpg)
1. ᑭᖕᖒᒪᒋᔭᓕᒫᕐᓂᐅᕕ ᐱᖃᑦᓯᐊᒪᖔᕐᐱ ᖃᐅᔨᓴᕐᖄᓗᑎᑦ ᐱᒋᐊᖕᖏᓂᕐᓂ. ᐊᓪᓚᐅᑎᑐᐃᓐᓇᖃᕐᓗᑎᑦ ᐊᒻᒪᓗ ᓯᑯᑦᓴᔭᖃᕐᓗᑎᑦ ᐃᑦᔫᒐᓛᒥᒃ ᐃᒪᖓᓂ ᓄᐃᑎᑦᓯᓯᐊᕈᓐᓇᑐᒥ.
![](https://nunavik-ice.com/wp-content/uploads/2019/07/linocut_3.jpg)
2. ᐃᓕᓵᑦ ᐆᑦᑐᕋᖁᓪᓗᒋᑦ ᓇᓗᓇᖕᖏᑐᓂᒃ ᑕᓯᔪᐊᕐᒥ ᓇᑲᑎᕆᒋᐅᕐᓴᑎᓪᓗᒋᑦ, ᐊᔪᕆᓴᕐᑎᓗᒋᑦ ᐃᒻᒥᓂᕿᒋᐅᕐᓴᑎᓪᓗᒋᑦ ᓇᑲᑎᕆᐅᑎᒥ ᐊᑐᕐᓗᑎᒃ. ᑐᑭᒧᐊᑦᑐᓂᒃ, ᓯᓈᓕᓐᓂ, ᐊᒻᒪᓗᑭᑖᓂᒃ,ᐊᓯᖏᓐᓂᓗ. (ᖁᑉᐯᓇᖓᓂ ᐊᑐᕐᓗᑎ ᐊᓯᐸᒍᓐᓀᓗᒍ ᑕᓯᔪᐊᖅ).
![](https://nunavik-ice.com/wp-content/uploads/2019/07/linocut_2.jpg)
3. ᐃᓕᓵᑦ ᐊᓪᓚᖑᐊᕐᖄᒍᓐᓇᑐᑦ ᓯᑯᑦᓴᔭᒧᑦ ᐃᓱᒪᒋᔭᒥᓂᒃ ᐊᓪᓚᖑᐊᕆᐊᓪᓚᓚᖓᓗᒍ ᑕᓯᔪᐊᕐᒧ (ᐃᓕᑦᓯᒐᓱᐊᕐᓗᒍᓘᓐᓃ)ᐊᒻᒪᓘᓐᓃ ᐊᓪᓚᖑᐊᕐᕕᒋᒌᕐᓗᒍ ᑕᓯᔪᐊᖅ (ᑖᑦᓱᒥᖓᑦᓭᓇ ᐊᑐᕐᓗᑎᑦ ᐆᑦᑐᕋᐅᑎᒋᑫᓐᓇᑕᕐᓂ ᒧᒥᑦᑎᑐᐃᓐᓇᓗᒍ).
![](https://nunavik-ice.com/wp-content/uploads/2019/07/linocut_4.jpg)
4. ᑐᑭᑖᑦᓯᐊᕇᑐᐊᕈᓂ ᐃᓕᓵᖅ ᐊᓪᓚᖑᐊᕐᑕᒥᓂ,ᑎᕆᒍᓐᓇᓯᓂᐊᓕᕋᒥ ᓇᑲᑎᕆᐅᑎ ᐊᑐᕐᓗᒍ.ᐊᐅᓚᑦᔭᓂᐅᔭᓂᐊᖕᖏᒪᑦ ᓂᒪᕇᒃᑯᓯᕐᓗᒍ. ᒪᖑᑦᑎᑌᑦ ᓯᓚᑖᓅᑦᓯᐊᑎᖏᓐᓇᓕᒫᕐᓗᒍ ᐋᓐᓂᓂᐅᔭᖁᓇᒃ.ᖃᐅᔨᑎᑦᓯᒍᑎ: ᓇᑲᑎᕆᐅᑏᑦ ᐃᐱᑦᑐᐃᑦ!
![](https://nunavik-ice.com/wp-content/uploads/2019/07/linocut_6.jpg)
5. ᒪᕐᕈᐃᓕᖓᔪᒥᒃ ᓇᑲᑎᕆᒍᓯᓕᒃ ᐃᓗᐊᖓᓂ ᐊᓪᓚᖑᐊᕐᓯᒪᔭᑉᐱ ᐅᕝᕙᓘᓐᓃᑦ ᓯᓚᑖᒍᖔᖅ ᓇᑲᑎᕐᓗᒍ ᒥᖑᐊᓕᑐᐊᕈᕕᐅᒃ ᓇᓪᓕᐊᒍ ᓄᐃᖁᔭᒃᑰᕕᑦ ᓇᑲᑎᕐᓯᒪᓂᖏᑦ ᖃᑯᕐᑕᐅᒐᔭᕐᑐ ᓇᑲᑎᕐᕕᐅᓯᒪᖕᖏᓂᖓ ᑕᐅᑦᑐᖃᕐᑎᓗᒍ ᐅᕝᕙᓘᓐᓃᑦ ᓴᓇᖕᖑᐊᓯᒪᔦ ᓴᓇᐅᒐᕐᕕᒋᓯᒪᔦᓪᓘᓃᑦ ᑕᐅᑦᑐᑖᕐᑎᓕᑐᐊᕈᕕᐅᒃ.
![](https://nunavik-ice.com/wp-content/uploads/2020/01/Styrofoam_Print_4.jpg)
6. ᓇᑲᑎᕇᕈᕕᐅᒃ, ᒥᖑᐊᕈᑎᓂ ᐅᐊᕈᑦᓯᑐᐃᕕᒃ ᐊᑐᕐᓗᒍ ᒥᖑᐊ ᕆᓯᒍᕕᑦ. ᒥᖑᐊᕈᑎᑕᑦᓯᕋᓛᐱᓪᓗᒍ ᒥᖑᐊᕆᐅᑎ ᑫᕙᑦᑐ ᐊᕿᓐᓂᓴ ᐊᑐᕐᓗᒍ ᐅᐊᕈᑦᓯᑐᐃᒍᑎᒋᓗᒍ. ᒥᖑᐊᕈᑏᓐᓇᕈᕐᑎᓗᒍ ᐃᓘᓐᓈᒍ ᑫᕙᑦᑐᖓ.
![](https://nunavik-ice.com/wp-content/uploads/2019/07/linocut_5.jpg)
7.ᒥᖑᐊᕈᑎᒋᓗᒍ ᓴᓇᖕᖑᐊᓯᒪᔭᓐᓄ. ᒥᖑᐊᕈᑦᓯᓯᒪᑦᓯᐊᓗᒍ ᒥᖑᐊᑦᓯᐊᓂᐊᕐᒪ ᐃᓘᓐᓇᓕᒫᖓᒍᑦ.
![](https://nunavik-ice.com/wp-content/uploads/2019/07/linocut_7.jpg)
8. ᒧᒥᑦᑎᓗᒍ ᑕᓯᔪᐊᖅ ᒥᖑᐊᕐᓯᒪᓂᖓ ᓂᐱᑎᕐᓗᒍ ᓯᑯᑦᓴᔭᒧ.ᑌᒫᖔᕐᑎᒍᓐᓇᒥᔦᑦ, ᓯᑯᑦᓴᔭ ᖄᖓᓅᖔᕐᓗᒍ ᓴᓇᖕᖑᓯᒪᔭᑉᐱᑦ(ᐊᖓᔪᑦᓯᓄ ᐃᓕᓵᓄᑦ).
![](https://nunavik-ice.com/wp-content/uploads/2020/01/Styrofoam_Print_5.jpg)
9. ᓯᑎᓂᕐᓴ ᒥᖑᐊᕆᐅᑎ ᑫᕙᑦᑐ ᐊᑐᕐᓗᒍ ᓯᑯᑦᓴᔭᒧ ᒥᖑᐊᕆᒍᑎᒋᓗᒍ ᐊᕐᓱᕈᕐᓗᒍ ᒥᖑᐊᕆᑦᓯᐊᓂᐊᕐᒪ.
![](https://nunavik-ice.com/wp-content/uploads/2019/07/linocut_8.jpg)
10. ᑕᓯᔪᐊᖅ ᐲᕐᓗᒍ (ᓯᑯᑦᓴᔭᓘᓐᓃ) ᓴᓇᖕᖑᐊᑕᕕᓂᕐᐱ ᐊᑦᔨᖓ ᓄᐃᓂᐊᕐᒪ.
![](https://nunavik-ice.com/wp-content/uploads/2019/07/linocut_10.jpg)
11. ᐊᑦᔨᖓᓂ ᓴᓇᖕᖑᐊᓯᒪᔭᑉᐱ ᓯᑯᑦᓴᔭᒨᕆᓗᑎ ᑕᕐᓴᓕᐅᕐᓗᑎᓪᓘᓃ ᒥᖑᐊᕐᓯᒪᔦ ᐊᑐᕐᓗᒍ. ᐃᓕᓵᑦ ᐊᒥᓱᓂ ᑕᕐᓴᓕᐅᕈᑎᖃᕈᓐᓇᑐ ᑖᑦᓱᒥᖓᑦᓭᓇ ᐊᑐᕐᓗᑎ
ᓴᓇᖕᖑᐊᓯᒪᔭᒥᓂ ᐊᑦᔨᒌ`ᖕᖏᑐᓂ ᑕᐅᑦᑐᓕᐅᕐᓗᒋ.
12. ᒪᓂᕋᒦᑦᑎᓗᒍ ᓴᓇᖕᖑᐊᓯᒪᔭᖓ ᐃᓕᓵᑉ ᓂᕕᖓᑎᓪᓗᒍᓘᓐᓃ ᑭᒻᒪᐅᑎᒧ ᐊᑦᓱᓈᒥ ᐸᓂᕐᓯᑎᓗᒍ.
13. ᓴᓗᒻᒪᓴᑦᓯᐊᓗᒋ ᓴᓇᕐᕈᑏᑦ ᐃᒪᕐᒧ ᐆᓇᕐᑐᒨᕐᓗᒋ (ᐅᕝᕙᐅᑎᖃᕆᐊᑐᖕᖏᑐᖅ).