1961-ᒥᑦ 1989-ᒧᑦ
ᓴᓇᖕᖑᐊᓂᖅ ᓄᓇᕕᒻᒥ ᐱᒋᐊᕐᓂᖁᖅ 1961-ᖑᑎᓪᓗᒍ ᓴᓇᖕᖑᐊᕕᒃ ᐋᕐᕿᑕᐅᔪᕕᓂᐅᑎᓪᓗᒍ ᐳᕕᕐᓂᑐᒥ, ᒪᓕᑦᓱᑎᒃ ᑲᔪᓯᑦᓯᐊᓂᖓᓂᒃ ᑭᖕᖓᓂ ᓴᓇᖕᖑᐊᕕᓕᐅᕐᕕᖓ.ᓴᓇᖕᖑᐊᓯᒪᔪᓕᐅᕐᓂᖅ ᐱᒋᐊᕐᑐᕕᓂᐅᒐᓗᐊᕐᑎᓗᒍ ᐃᑲᔪᕐᑕᐅᓱᑎᒃ ᑯᐊᑕᓐ ᔨᐅᔅᓕᒧᑦ ᐊᒻᒪᓗ ᐅᒥᑲᓪᓚᒧᑦ, ᐳᕕᕐᓂᑐᒥ ᓴᓇᖕᖑᐊᑎᖏᑦ ᑖᒃᑯᑑᑎᑕᐅᖃᑦᑕᓯᒪᔪᑦ.
ᐊᕐᕌᒍᑕᒫᑦ ᓴᓇᖕᖑᐊᓯᒪᔪᓕᐅᖃᑦᑕᓯᒪᔪᑦ ᐳᕕᕐᓂᑐᕐᒥ 1962-ᒥᑦ 1989-ᒧᑦ ᑎᑭᑦᓱᒍ ᐅᒃᑯᐊᓯᑎᓪᓗᒋᑦ ᐃᓚᒌᓴᒃᑯᑦ ᓴᓇᖕᖑᐊᕕᖓᓂᒃ.ᓯᕗᓪᓕᐹᒥ ᐳᕕᕐᓂᑐᒥ ᐊᕐᕌᒍᑕᒫᑦ ᓴᓇᖕᖑᐊᓯᒪᔪᓕᐅᕐᓂᖅ 1962-ᒥ ᐃᓚᐅᑎᑕᐅᓯᒪᔪᑦ ᑭᖕᖓᒥᐅᑦ ᓴᓇᖕᖑᐊᓯᒪᔪᓂᒃ ᑎᑭᓭᒍᑎᖏᓐᓄᑦ.ᐊᕐᕌᒍᑕᒫᑦ ᓴᓇᖕᖑᐊᓯᒪᔪᓂᒃ 25-ᒥᑦ 35-ᒧᑦ ᐊᑦᔨᒌᖕᖏᑐᓂᒃ ᓴᓇᖕᖑᐊᓯᒪᔪᓂᒃ.
ᐅᔭᕋᕐᒥ ᓴᓇᖕᖑᐊᓯᒪᔪᐃᑦ ᓄᑖᖑᑦᓱᓂ ᐊᑐᕐᑕᐅᖃᑦᑕᓯᒪᔪᖅ ᓴᓇᖕᖑᐊᓯᒪᔪᓕᐅᕐᓂᒧᑦ ᓄᓇᕕᒻᒥ, 1960 ᐅᑎᓪᓗᒍ. ᓴᓇᖕᖑᐊᓯᒪᔪᓂᒃ ᐊᒥᓱᓕᐅᕈᑎᐅᖃᑦᑕᓯᒪᔪᖅ ᒪᓂᕋᑦᑐᒥᒃ ᓯᒃᑭᑕᒥᒃ ᐅᔭᕋᕐᒦᑎᓪᓗᒍ.ᓴᓇᖕᖑᐊᓯᒪᔪᖅ ᓴᓇᐅᒐᕐᑕᐅᓱᓂ ᐅᔭᕋᕐᒧᑦ ᑕᐃᒪ ᐊᓪᓚᐅᒥᑎᕐᓱᒍ ᐅᔭᕋᖅ ᓴᓇᖕᖑᐊᓯᒪᔪᖅ ᓯᑯᑦᓴᔭᒨᕐᑕᐅᓂᐊᓕᕐᒪᑦ ᑕᐃᒪ. 50 ᐅᖓᑖᓅᕐᖃᔭᖕᖏᑐᑦ ᓯᑯᑦᓴᔭᒨᔭᕐᑕᐅᔪᐃᑦ ᐅᔭᕋᕐᒥᑦ ᓯᒃᑭᑕᒥᑦ ᐱᔪᑦ. ᑭᖑᓂᖓᓂ, ᐅᔭᕋᖅ ᓄᐊᑦᓯᕕᖓᓄᑦ ᐃᓚᒌᓴᒃᑯᑦ ᐃᓕᔭᐅᓂᐊᓕᕐᒪᑦ. ᓴᓇᖕᖑᐊᓯᒪᔪᓕᐅᕐᑎᖏᑦ ᐅᔭᕋᕐᒥᒃ.
ᐳᕕᕐᓂᑐᒥᐅᑦ ᓴᓇᖕᖑᐊᑎᖏᑦ ᓴᓇᐅᒐᕐᑎᐅᓂᕐᒥᔪᑦ. ᑕᒪᓐᓇ ᐊᑦᔨᒋᖕᖏᑕᖓ ᑭᖕᖓᒥᐅᓂ,ᐳᕕᕐᓂᑐᕐᒥᐅᑦ ᓴᓇᖕᖑᐊᑎᖏᑦ ᓴᓇᐅᒐᕐᓱᒍ ᐅᔭᕋᕐᒧᑦ ᓴᓇᖕᖑᐊᓯᒪᔪᓕᐅᖃᑦᑕᓯᒪᔪᑦ ᐃᒻᒥᓂᒃ ᐃᑲᔪᕐᑎᖃᕋᑎᒃ ᐊᓪᓚᕕᑦᓴᒨᕐᓱᒍ ᓴᓇᖕᖑᐊᓯᒪᔪᖅ.ᓯᕗᓪᓕᐹᒥ ᓴᓇᖕᖑᐊᑕᖏᑦ ᐊᑕᐅᓯᕐᒥᒃ ᑕᐅᑦᑐᖃᖃᑦᑕᓯᒪᔪᑦ,ᕿᕐᓂᑕᐅᕙᓪᓗᓱᑎᒃ ᐃᓚᖓᓂ ᑐᖑᔪᕐᑕᐅᓱᑎᒃ, ᐊᐅᐸᕐᑐᖅ ᐅᕝᕙᓘᓐᓃᑦ ᓄᓇᐅᔭ. ᓴᓇᖕᖑᐊᑏᑦ ᑕᒫᓂ ᓄᓇᓕᓐᓂ ᐅᔭᕋᕐᒥᒃ ᓴᓇᖕᖑᐊᓱᒍ ᑲᔪᓯᓐᓇᑐᒥᒃ ᓴᓇᖃᑦᑕᓯᒪᔪᑦ ᐊᓪᓚᕕᑦᓴᒥ ᓴᓇᖕᖑᐊᖄᖕᖏᓱᒍ.
ᐊᓯᖏᑦ ᓄᓇᓖᑦ ᓄᓇᕕᒻᒥ ᐅᑯᐊ ᓴᓪᓗᓂ, ᐃᓄᑦᔪᐊᖅ, ᑰᑦᔪᐊᕌᐱᒃ ᐊᒻᒪᓗ ᑲᖏᕐᓱᐊᓗᑦᔪᐊᖅ ᐆᑦᑐᕋᕐᓯᒪᒻᒥᔪᑦ ᓴᓇᖕᖑᐊᓯᒪᔪᓕᐅᕐᓂᒥᒃ ᐃᓚᖓᓂ1960 ᐅᑎᓪᓗᒍ 1970 ᒥᓪᓗ.
“ᓄᓇᕕᒻᒥ ᓴᓇᖕᖑᐊᓂᖅ ᐱᐅᔪᕋᑕᐅᑦᓱᓂ ᐊᑐᕐᑕᐅᒍᓐᓇᑐᖅ ᐃᓗᕐᖁᓯᕐᒥᒃ ᓄᐃᑕᑎᑦᓯᒍᑎᐅᓗᓂ ᐊᒻᒪᓗ ᐱᐅᔪᕋᑕᐅᑦᓱᓂ ᓄᐃᑕᑎᑦᓯᔪᖅ ᐊᑑᑎᓯᒪᔪᓂᒃ ᐊᑦᔨᐅᖏᓐᓂᖏᓐᓂᒃ ᓄᓇᕗᓐᓂ.”
ᐳᕕᕐᓂᑐᒥ ᓴᓇᖕᖑᐊᓂᖅ, ᑲᑎᓪᕕᒃ
2000-ᒥᓂᑦ ᐊᕐᕌᒍᖓᓂ ᐱᒋᐊᕐᓱᑎᒃ…
ᐊᕐᕌᒍᕐᓂ ᐊᓂᒍᕐᑐᓂ, ᓄᓇᕕᒻᒥ ᓴᓇᖕᖑᐊᑎᖏᑦ ᐊᒻᒪᓗ ᐊᑦᔨᒌᖕᖏᑐᑦ ᐃᓗᕐᖁᓯᓕᕆᓂᕐᒧᑦ ᑎᒥᐅᔪᑦ ᐆᑦᑐᑎᒋᓗᒍ ᐊᕙᑕᒃᑯᑦ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᓂᖅ ᐱᒋᐊᕐᑎᓯᓯᒪᔪᑦ ᐅᑎᕐᑎᓯᒐᓱᐊᕐᓱᑎᒃ ᓴᓇᖕᖑᐊᓯᒪᔪᓂᒃ ᐊᓪᓚᕕᑦᓴᒨᔦᓂᕐᒥᒃ ᓄᓇᓕᓐᓂ.ᓇᑎᑦᓴᔭᕐᒥ, ᒪᓂᕋᑦᑐᒥ ᐅᔭᕋᕐᒥ ᐊᒻᒪᓗ ᐃᓪᓓᒍᑎᑦᓴᔭᕐᒥ ᑭᑦᔭᓯᒪᑎᓪᓗᒍ ᓴᓇᖕᖑᐊᑕᖓ ᑖᒃᑯᐊ ᐃᓘᓐᓇᑎᒃ ᐊᑐᕐᑕᐅᓲᑦ ᓄᓇᕕᒻᒥ ᓴᓇᖕᖑᐊᑎᖏᓐᓄᑦ 2000 ᐱᒋᐊᕋᑖᕐᑎᓗᒍ ᐱᒋᐊᕐᑕᐅᓯᒪᔪᑦ ᑲᑎᒪᓂᐊᕈᓯᖃᕐᑐᕕᓂᐅᑦᓱᑎᒃ ᑭᖕᖓᒥᐅᑦ ᓴᓇᖕᖑᐊᕕᖓᓂ.ᐱᖓᓲᔪᕐᑐᑦ ᓴᓇᖕᖑᐊᑏᑦ ᓄᓇᕕᒻᒥ ᐱᖓᓱᓂᒃ ᐱᓇᓱᐊᕈᓯᕐᓂᒃ ᑭᖕᖓᓃᑦᑐᕕᓂᐅᑦᓱᑎᒃ ᐱᒋᐅᕐᓴᓱᑎᒃ ᐊᒻᒪᓗ ᐱᒍᓐᓇᓯᐅᒥᕕᒋᑦᓱᒋᑦ ᑖᒃᑯᓂᖓ ᓴᓇᖕᖑᐊᕈᑎᓂᒃ.ᐃᓚᐅᒻᒥᑎᓪᓗᒋᑦ ᐊᓪᓚᖑᐊᕐᓂᖅ ᐃᓗᕐᓴᓕᐅᕐᓯᒪᔪᓂᒃ ᑕᐅᑦᑐᓕᓐᓂ ᐊᒻᒪᓗ ᐊᓪᓚᖑᐊᕐᓂᖅ ᐃᓗᕐᓴᓕᐅᕐᓯᒪᔪᓂᒃ.
ᓄᓇᕕᒻᒥ ᓕᓐ ᐹᔅᑎᐊᓐ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᓪᓗ ᐊᒻᒪᓗ ᐱᓇᓱᒐᕐᒧᑦ ᐱᒋᐅᕐᓴᑎᑦᓯᓂᖅ ᑲᑎᕕᒃ ᐃᓕᓴᕐᓂᓕᕆᓂᕐᒥ, ᓇᑎᑦᓴᔭᕐᒥᒃ ᓴᓇᖕᖑᐊᓂᕐᒥᒃ ᑲᑎᒪᓂᐊᕈᓯᖃᕐᑎᓯᖃᑦᑕᓯᒪᓕᕐᑐᖅ ᐊᕐᕌᒍ ᑕᒫᑦ ᐱᖓᓱᕕᑦᓱᓂ ᐊᑦᔨᒌᖕᖏᑐᓂ ᓄᓇᓕᓐᓂ ᐱᒋᐊᕐᑎᓯᒋᐊᓪᓚᕋᓱᐊᕐᓱᓂ ᓴᓇᖕᖑᐊᓯᒪᔪᓕᐅᕐᓂᒥᒃ. ᓇᑎᑦᓴᔭᒥ ᐊᓪᓚᖑᐊᕐᓂᖅ ᓴᓇᖕᖑᐊᓂᐅᕗᖅ ᐊᑦᔨᐸᓱᖃᕐᓱᓂ ᐊᓪᓚᖑᐊᕐᓂᒥᒃ ᐃᓗᕐᓴᓕᐅᕐᓯᒪᑦᓱᓂ ᑕᐅᑦᑐᓕᓐᓂᒃ.ᓇᑎᑦᓴᔭᒥ ᐊᓪᓚᖑᐊᕐᓂᖅ ᐊᓪᓚᖑᐊᕐᓯᒪᔪᓕᐅᕐᖄᓱᓂ ᑕᐃᒪ ᐊᕿᑦᑐᒧᑦ ᑕᓯᓲᑦᓴᔭᐅᔭᕐᒨᑕᐅᑦᓱᓂ ᐊᓪᓚᐅᑎᑦᓴᔭᕐᑕᓯᕐᑐᑕᐅᒪᔪᒧᑦ ᐊᓪᓚᕕᑦᓴᒨᕐᑕᐅᓚᐅᕋᓂ. ᐱᖓᓱᐃᑦ ᐊᓪᓚᖑᐊᕐᑏᑦ ᐃᕗᔨᕕᒻᒥᑦ ᐱᓯᒪᔪᑦ,ᓕᓐ ᐹᔅᑎᐊᓐ ᐃᓚᐅᑎᓪᓗᒍ ᐱᓇᓱᐊᕐᓯᒪᔪᑦ ᐊᑎᓕᒻᒥᒃ ᐊᕕᑦᑐᓯᒪᔪᓄᑦ “ᓄᐃᓂᖓ ᑕᕐᕋᒥ/ᖃᓪᓗᓈᓂ” ᓄᐃᑕᑎᑕᐅᓯᒪᔪᖅ ᕕᖀᓕ ᐊᓪᓚᖑᐊᕐᓯᒪᔪᑦ ᑐᔮᓐᑐᒥ2018ᖑᑎᓪᓗᒍ ᐊᒻᒪᓗ ᐹᐱᐁ ᒪᓐᑐᔨᐊᒥ ᐊᓪᓚᖑᐊᕐᓯᒪᔪᓂᒃ ᓯᕐᕿᔮᕐᑎᓯᓂᖓᓄᑦ 2019-ᒥ.