ᐱᐅᔪᓕᐅᕐᓂᖅ ᐊᓂᕐᕋᒥ ᕿᑐᕐᖓᓯᑦᑕ ᐱᕈᕐᐸᓕᐊᓂᖓᓂᒃ ᐱᒋᐅᕐᓴᐅᑎᑦᓯᐊᖅ ᐱᐅᔪᓕᐅᕐᓂᑯᑦ ᐊᒻᒪᓗ ᐱᓯᑎᐅᓂᕐᒥᓂᒃ ᓄᐃᑦᓯᓇᕐᓱᓂ. ᕿᑐᕐᖓᓯᑦᑕ ᑎᒥᖏᑦᑕ ᓂᒪᓐᓂᖏᓐᓂᒃ ᐱᒋᐅᕐᓴᐅᑎᐅᒍᓐᓇᓱᑎᒃ ᐊᒻᒪᓗ ᐃᓱᒪᑦᓯᐊᒍᓯᖏᓐᓂᒃ. ᐱᓗᐊᕐᑐᒥ, ᐱᐅᔪᓕᐅᕐᓃᑦ ᕿᑐᕐᖓᓯᓐᓂ ᐱᑐᑦᓯᒪᐅᑎᐅᕗᖅ ᐃᓗᕐᕈᓯᕐᒧᑦ ᐊᒻᒪᓗ ᐃᓘᓐᓈᒍᑦ ᐱᔪᒥᑎᒋᐅᑎᐅᑦᓱᓂ.
ᐱᐅᔪᓕᐅᕐᓂᓂᒃ ᓱᖃᑦᓯᑎᑦᓯᓂᖅ ᐊᓂᕐᕋᒥ ᐊᕐᓱᕈᕐᓇᕆᐊᑐᖕᖏᑐᖅ ᓴᓗᒣᑦᑑᕆᐊᑐᕋᓂᓗ. ᒪᑯᐊ ᐃᑭᑦᑐᐃᑦ ᐆᑦᑑᑏᑦ ᐊᑐᐃᓐᓇᕈᕐᑎᑕᐅᔪᕕᓃᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐱᓇᓱᑦᑎᖏᓐᓄᑦ ᐃᑲᔪᕐᓯᒐᓱᐊᕐᓂᑯᑦ ᐱᐅᔪᓕᐅᕐᓂᒥᒃ ᓱᖃᑦᓯᑎᑦᓯᓂᕐᒥᒃ ᐊᓂᕐᕋᒥ ᐃᓕᓐᓂᐊᕖᑦ ᓂᕆᐅᓇᖕᖏᑐᒥ ᐅᒃᑯᐊᓯᒪᑎᓪᓗᒋᑦ.
ᓱᒐᓚᓐᓃᑦ ᐊᓂᕐᕋᒥ
ᐱᐅᔪᓕᐅᕐᓃᑦ (ᒥᖑᐊᕐᓂᑯᑦ)
ᐱᐅᔪᓕᐅᕐᓃᑦ ᒥᖑᐊᕐᓂᑯᑦ ᐱᐅᔪᓕᐅᕐᓂᐅᕗᖅ ᐱᓇᓱᐊᕐᑕᐅᓲᖅ ᓄᓇᕕᒻᒥ 1960-ᒥᓂᒃ. ᐊᓂᕐᕋᒥ ᐱᓇᓱᐊᕐᑕᐅᒍᓐᓇᑐᖅ ᐱᐅᔪᓕᐅᕐᓃᑦ ᒥᖑᐊᕐᓂᑯᑦ ᐊᑐᕆᐊᓪᓚᓂᒃᑯᑦ ᐃᒋᑕᑦᓴᓂᒃ ᐱᐅᓕᓂᐊᒐᕐᓂᒃ.
ᐱᐅᔪᓕᐅᕐᓃᑦ ᒥᖑᐊᕐᓂᑯᑦ ᐃᒋᓲᑦᓴᔭᓄᑦ ᐴᕈᑕᕐᓂᒃ ᐊᑐᕐᓗᑎᒃ
ᓴᓇᖕᖑᐊᓂᖅ
ᓴᓇᖕᖑᐊᓂᖅ ᐊᑐᕐᑕᐅᓲᖅ ᐃᓄᓐᓄᑦ ᑕᐅᓴᓐᑎᓄᑦ ᐊᕐᕌᒍᓄᑦ. ᓴᓇᖕᖑᐊᓂᖅ ᐱᐅᔪᓕᐅᕐᓂᐅᕗᖅ ᐱᓇᓱᐊᕐᑕᐅᒍᓐᓇᑐᖅ ᐊᓂᕐᕋᒥ ᖃᓄᐃᑦᑐᑐᐃᓐᓇᓂᒃ ᐱᐅᒃᑯᑎᓂᒃ ᐊᑐᐃᓐᓇᓂᒃ ᐊᑐᕐᓂᑯᑦ ᐱᓇᓱᐊᕐᑕᐅᒍᓐᓇᓱᓂ.
ᐅᕝᕙᐅᑎᒥᒃ ᓴᓇᖕᖑᐊᓂᖅ
ᐆᑦᑑᑎᑦᓴᓂᒃ ᓇᕝᕚᒐᓱᐊᕐᓂᖅ
ᐆᑦᑑᑎᑦᓴᓂᒃ ᓈᕝᕚᒐᓱᐊᕐᓂᖅ ᐊᕐᓱᕈᕐᓇᕈᓇᐅᕗᖅ ᕿᑐᕐᖓᓯᓐᓄᑦ. ᓇᑭ ᐱᒋᐊᕆᐊᖃᕐᒪᖔᒻᒥ ᓇᓗᑐᐃᓐᓇᕆᐊᓖᑦ.
ᕿᑐᕐᖓᓯ ᐊᐱᕆᓗᒋᑦ ᓱᓇᓂᒃ ᐱᐅᒃᑯᑎᓂᒃ ᐊᑐᕈᒪᒻᒪᖔᑕ ᕿᓂᖃᑎᒋᓪᓗᒋᑦ ᐱᐅᒃᑯᑎᑦᓴᓂᒃ ᐃᓪᓘᑉ ᐃᓗᐊᓂ (ᐅᖕᖑᐊᑦ, ᐊᓪᓚᕕᑦᓭᑦ ᑕᐅᑦᑐᓖᑦ, ᒥᖑᐊᕈᑏᑦ, ᑕᐅᑦᑐᓕᐅᕈᑏᑦ, ᐃᕙᓗᐃᑦ, ᖃᔪᑦᓴᔦᑦ, ᐃᒋᑕᑦᓭᑦ ᐆᑦᑑᑎᒋᓗᒍ ᐃᒪᖃᐅᑎᕕᓃᑦ, ᐳᐊᓈᓯᕈᑏᑦ, ᐅᓪᓛᕈᒥᑌᑦ ᐃᑦᓯᕕᖏᑦ, ᐊᓯᖏᓪᓗ) ᐅᕝᕙᓘᓐᓃᑦ ᓯᓚᒥ ᕿᓂᕐᓗᓯ (ᐊᑭᕈᐃᑦ, ᓄᓇᔦᑦ, ᐅᔭᕃᑦ, ᐅᖃᐅᔦᑦ, ᐊᓯᖏᓪᓗ.).
ᕿᑐᕐᙰᑦ ᓂᕈᐊᕐᓯᒪᓕᕐᐸᑦ ᓇᐅᓂᒃ ᐱᐅᒃᑯᑎᓂᒃ ᐊᑐᓚᖓᔭᒥᓂᒃ, ᐃᑲᔪᒍᓐᓇᑕᑎᒃ ᓱᓇᓂᒃ ᓴᓇᖕᖑᐊᒐᔭᕐᒪᖔᑕ ᓇᕝᕚᒐᓱᐊᕐᑎᓗᒋᑦ. ᒪᑯᐊ ᐆᑦᑑᑏᑦ ᒪᓕᑦᑕᐅᒍᓐᓇᑐᑦ:
- ᕿᒥᕐᕈᐊᒥ ᐊᑐᐊᕐᓯᓂᖅ
- ᐃᒐᓛᑎᒍᑦ ᓯᓚᒥ ᑕᑯᓐᓇᓂᖅ
- ᐅᓂᒃᑲᐅᔨᓂᖅ ᐅᓂᒃᑲᐅᓯᐅᔪᓂᒃ (ᕿᒥᕐᕈᒍᓐᓇᖁᑎᑦ ᐃᓄᐃᑦ ᐅᓂᒃᑲᐅᓯᖏᓐᓂᒃ ᐅᕙᓂ www.nfb.ca)
- ᐅᒃᐱᑲᓪᓚᒃ ᑐᓗᒐᕐᓗ
- ᓄᓇᕗᒻᒥ ᐊᐅᓚᔪᖕᖑᐊᓕᐅᕐᕕ : ᖃᓪᓗᐸᓕᒃ
- ᐊᕐᓴᓃᑦ
- ᐅᒃᐱᑲᓪᓚᒃ ᐊᕕᖕᖓᓗ: ᐃᓄᑐᐃᓐᓀᑦ ᐅᓂᒃᑳᑐᐊᖓ
- ᓄᓇᕗᒻᒥ ᐊᐅᓚᔪᖕᖑᐊᓕᐅᕐᕕᒃ : ᓗᒫᔪᖅ
- ᐃᓄᐃᑦ ᓱᓂᖏᓐᓂᒃ ᑲᒪᓇᓱᓐᓂᖅ
- ᓄᓇᓕᐅᑉ ᐃᓗᐊᓂ ᐱᓱᒐᔭᓐᓂᖅ
- ᑕᕐᕋᓕᔮᓂᒃ ᑕᑯᓐᓇᓂᖅ ᐱᐅᔪᓕᐅᕐᓂᐅᑉ ᒥᑦᓵᓅᓕᖓᔪᓂᒃ (ᑕᕐᕋᓕᔮᓕᐊᕕᓂᕐᓂᒃ ᑕᑯᓐᓇᕈᓐᓇᖁᑎᑦ ᐃᓄᐃᑦ ᐱᐅᔪᓕᐅᕐᓃᑦ ᒥᑦᓵᓅᓕᖓᔪᓂᒃ ᐅᕙᓂ www.nfb.ca)
- ᐆᒪᔪᖅ ᐅᔭᕋᖅ
- ᑕᑯᒋᐊᕈᑏᑦ : ᐃᓄᐃᑦ ᐃᓇᓱᕝᕕᖏᑦ
- ᓴᓇᖕᖑᐊᓯᒪᔪᓕᐅᕈᓐᓇᐳᖓ…ᐋᓐᑐᔫ ᖄᐱᑦᑎᑐᑦ
- ᐃᓄᑐᐃᓐᓀᑦ ᓴᓇᖕᖑᐊᒐᖏᑦ ᓴᓇᒐᖏᓪᓗ
- ᐃᓄᑐᐃᓐᓇᖅ ᓴᓇᖕᖑᐊᑎ : ᕿᓐᓄᐊᔪᐊᒃ
ᐆᑦᑑᑏᑦ ᓇᕝᕚᑕᐅᒍᓐᓇᒥᔪᑦ ᐱᒍᓐᓇᐅᑎᓖᑦ ᐱᐅᔪᓕᐅᕐᓂᒥ ᐱᓇᓱᐊᕐᑕᕕᓂᖏᓐᓂᒃ. ᐃᓕᒍᑎᑦᓴᓯᐊᖑᕗᑦ ᐱᐅᔪᓕᐊᕕᓂᖏᑦ. ᕿᓂᕐᓗᑎᑦ Nunavik Art Alive ᐃᓗᐊᓂ, ᐊᕙᑕᖅ ᐱᐅᓯᑐᖃᓕᕆᕕᐅᑉ ᖃᕆᑕᐅᔭᒃᑯᑦ ᐱᑐᕝᕕᖓᓂ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᓂᐅᑉ ᑭᓇᐅᓂᖏᓐᓂᒃ ᖃᐅᔨᓴᕐᕕᖓ ᐱᑐᕝᕕᐅᔪᓂ ᐊᑖᓃᑦᑐᓂ, ᕿᑐᕐᖓᓯ ᑕᑯᒍᓐᓇᑐᑦ ᐱᐅᔪᓕᐊᕕᓂᐅᔪᓂ ᓄᓇᕕᒻᒥᐅᑉ ᐱᐅᔪᓕᐅᕐᑎᖏᓐᓄᑦ.
