ᑕᒡᒐᓂ ᐃᓕᓭᓂᕐᒥ ᐱᓇᓱᖃᑕᐅᓚᖓᕗᑎᑦ ᐃᓕᓴᕐᓂᒥ ᐊᑦᑐᐊᓂᖃᕐᑐᓂᒃ ᐊᑦᔨᒌᖏᑦᑐᓂᒃ, ᑌᒣᓪᓗᐊᕇᑦᑎᑦᓯᓃᑦ, ᐃᓚᕙᓪᓕᐊᑎᑦᓯᓃᓪᓗ (DEI) ᐅᐃᒍᓕᕇᓂ ᐃᓕᓴᕐᓂᓕᕆᓂᕐᒥ ᐃᓕᓴᐅᑎᑦᓴᓄᑦ ᐱᕙᓪᓕᐊᔭᐅᔪᓂᒃ. ᑕᒡᒐᓂ ᐃᓕᓭᕐᓂᒥ ᐃᓕᓭᔨᓂᒃ ᓄᑖᓂᒃ ᑐᖕᖓᓱᑦᑎᑦᓯᓚᖓᕗᑦ ᐅᕕᓂᖃᑎᒌᖏᑦᑐᓂᒃ ᑕᑯᕐᖓᕆᐊᖃᖏᓐᓂᒥᒃ ᐱᓇᓱᐊᕐᑕᐅᖃᑦᑕᑐᓂᒃ ᐱᓇᓱᐊᖃᑕᐅᔪᑦ ᐃᓱᒪᒋᔭᒥᓐᓂᒃ ᐅᖃᕐᕕᓴᖃᖁᓪᓗᒋᑦ ᓯᓚᕐᔪᐊᒥ ᕿᕐᓂᑌᑦ ᐃᓅᓯᖏᑦᑕ ᐊᑑᑎᖃᕐᓂᖏᓐᓂᒃ ᐱᓇᓱᐊᕐᑕᐅᖃᑦᑕᑐᑦ ᓯᓚᕐᔪᐊᓕᒫᒥ ᐊᑑᑎᔭᐅᕐᖃᒻᒥᐅᓚᐅᔪᔪᓂᒃ ᐳᓖᓰᓪᓗ ᓱᒃᑯᔨᐊᖃᖃᑦᑕᕐᓂᖏᓐᓂᒃ ᐃᓄᓐᓂᒃ ᐊᖑᑎᓂᒃ ᐊᕐᓇᓂᓪᓗ.
ᐃᓕᓴᕐᓂᐅᑉ ᐃᓗᐊᓃᖁᓪᓗᒍ, ᑲᕙᒪᒃᑯᑦ ᑎᒥᐅᔪᓪᓗ ᐱᓇᓱᐊᖃᑕᐅᔪᑦ ᑲᓇᑕᓕᒫᒥ, ᑕᒪᓐᓇ DEI-ᐅᑉ ᐃᓕᓴᕐᑕᐅᓂᖓ ᐱᔪᓐᓇᓯᐊᕐᓂᒥᒃ ᐱᕙᓪᓕᐊᑎᑦᓯᓂᐅᕗᖅ ᓴᓇᕐᕈᑎᐅᑦᓱᓂ ᐊᑐᐃᓐᓇᐅᑎᑕᐅᑦᓱᓂ ᐱᓇᓱᐊᖃᑕᐅᔪᑦ ᐃᓕᓴᖃᑎᒌᓐᓂᖓᓄᑦ. ᑖᒃᑯᐊ ᐃᓕᓴᐅᑎᑦᓴᓄᑦ ᐃᓚᒋᔭᐅᑎᑕᐅᕗᖅ ᐱᓪᓗᑯᒋᐊᓕᓐᓄᑦ ᐃᓚᒋᔭᐅᑦᓱᓂ ᐱᓇᓱᑦᑐᑦ ᐱᓇᓱᐊᕐᓂᖏᓐᓄᑦ ᐃᓚᒋᔭᐅᖁᓪᓗᒍ ᐊᒥᓲᖏᑦᑐᓄᑦ ᐅᖃᖃᑎᒌᒍᑕᐅᖁᓪᓗᒍ . ᓄᓇᕕᒻᒥ ᐱᓪᓚᕆᐅᑦᓱᓂ, ᐃᓕᓭᔨᓂᒃ ᐃᑲᔪᕐᑐᐃᑦᓯᐊᐳᑦ ᐱᓇᓱᐊᕐᐸᓪᓕᐊᓕᕐᑎᓪᓗᒋᑦ ᑕᒪᓐᓇ ᐱᓇᓱᐊᕐᓂᒃᑯᑦ ᐊᑑᑎᔭᐅᑦᓯᐊᖁᓪᓗᒍ ᐃᓄᓐᓂᒃ ᑐᖕᖓᕕᖃᕐᓱᓂ ᐃᓕᓴᕐᓂᓕᕆᓂᐅᑉ ᐃᓗᐊᓂ. ᐊᖏᓂᕐᓴᒥᒃ ᑕᑯᓐᓇᓗᑕ, ᑕᒪᓐᓇ DEI ᓄᐃᑦᓯᕗᖅ ᓴᓇᕐᕈᑎᑦᓴᒋᐊᓪᓚᓂᒃ ᑕᒪᓐᑯᐊ ᓄᑖᖑᔪᑦ ᐃᓕᓭᔩᑦ ᐊᑑᑎᔪᓐᓇᑕᖏᓐᓂᒃ ᐱᓇᓱᐊᓕᕈᑎᒃ ᐱᓪᓚᕆᐅᑦᓱᓂᓗ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐃᓕᓭᔨᓄᑦ, ᐱᓇᓱᑦᑎᓄᑦ ᐊᐅᓚᑦᓯᔨᐅᔪᓄᓪᓗ ᐱᓇᓱᐊᕐᑕᐅᖃᑦᑕᓯᒪᕗᖅ ᐃᓕᓴᕕᓐᓂ ᓄᓇᕕᒻᒥ.
ᐊᑌ ᐱᕕᖃᑦᓯᐊᕆᐊᓚᖓᕗᑎᑦ ᕿᒥᕐᕈᓗᑎᑦ ᐊᓪᓚᓯᒪᔪᓂᒃ ᑕᒐᑦᓴᐅᑎᒋᒃᑯᑦ ᑲᑎᒪᓂᐅᔪᒃᑯᑦ ᐅᖃᖃᑎᒌᒍᑕᐅᓚᖓᔪᓂᒃ.
ᑕᒐᑦᓴᐅᑎᒋᒃᑯᑦ ᑲᑎᒪᖃᑕᐅᓕᕐᓗᑎᑦ
ᓯᑕᒪᖓᓐᓂ, ᐊᐅᒡᒍᓯ 6
ᓂᕿᑦᓯᕕᒻᒥ, ᐊᐅᒡᒍᓯ 7