‹ ᕿᓂᕈᑎᒧᑦ ᐅᑎᕈᑎᒃ
ᐃᓕᓐᓂᐊᑎᑦᓯᒍᑎᑦᓭᑦᐸᕐᓇᓯᒪᔪᑦ

ᐊᐳᑎᐅᑉ ᓯᑎᓂᖓᓂᒃ ᖃᐅᔨᓴᕐᓂᖅ

ᐃᓘᓐᓈᒍᑦ ᑕᑯᓐᓇᓂᖅ

ᐃᓄᐃᑦ ᐊᐳᑎᒥᒃ ᖃᐅᔨᒪᒍᓯᖓ ᐊᖏᔪᒻᒪᕆᐊᓘᕗᖅ ᐊᒻᒪᓗ ᐱᒍᓐᓇᑎᑦᓯᓲᖑᑦᓱᓂ ᐊᐳᑎᒥᒃ ᐊᑐᕈᓐᓇᓂᕐᒥᒃ ᐱᓇᓱᐊᕐᓂᒥᒃ ᓄᓇᒥ, ᐆᑦᑐᑎᒋᓗᒍᐊᑦᑕᓇᖕᖏᑐᒃᑯᑦ ᐃᖏᕐᕋᕈᓐᓇᓂᕐᒥᒃ ᐊᒻᒪᓗ ᐃᒃᓗᓕᓂᕐᒥᒃ. ᑕᒃᑲᓂ ᐃᓕᓐᓂᐊᑎᑦᓯᒍᑎᒥ, ᐃᓕᓐᓂᐊᑏᑦ ᐃᑎᔪᒋᐊᓪᓚᒥᒃ ᐃᓕᑦᓯᓂᖃᓚᖓᔪᑦ ᐊᐳᑎᐅᑉᒥᑦᓵᓄᑦ ᐃᓕᑦᓯᓗᑎᒃ ᓯᑎᓂᖓᓂᒃ ᐃᓗᕐᖁᓯᖓᑎᒍᑦ ᐃᓄᐃᑦ ᐊᒻᒪᓗ ᓱᑯᐃᔦᓂᒃᑯᑦ ᐊᑐᕐᑕᐅᓲᓂᒃ.

ᓄᐃᑎᑕᖏᑦ

ᐃᓱᐊᓂ ᑕᒃᑲᓂ ᐃᓕᓐᓂᐊᑎᑦᓯᓂᕐᒥ, ᐃᓕᓐᓂᐊᑏᑦ ᓇᓗᓀᕐᓯᒍᓐᓇᓚᖓᔪᑦ ᐱᖓᓱᓂᒃ ᖃᓄᐃᑦᑑᓂᖏᓐᓂᒃ ᐊᐳᑏᑦ (ᐊᕿᓗᖃᖅ, ᓯᑎᓗᖃᖅ, ᐳᑲᔭᖅ) ᐊᑐᕐᓗᓂ ᐅᓈᒥᒃ ᐊᒻᒪᓗ ᑐᑭᑖᕐᓗᓂ ᓯᑎᓂᖓᓂᒃ ᐆᑦᑐᕋᐅᑎᓂᑦ ᐊᑐᕐᓗᑎᒃ ᖃᐅᔨᓴᕈᑎᓂᒃ ᐊᖏᓂᖏᓐᓂᒃ1.

ᓄᐃᑦᓯᓗᑎᒃ ᖃᐅᔨᒋᐊᕈᑎᒥᒃ ᐊᑐᕋᑦᓴᒥᒃ ᐊᒻᒪᓗ ᐊᑐᕐᓗᒍ ᖃᐅᔨᒍᑎᒋᓗᒍ ᖃᓄᐃᑦᑑᓂᖓᓂᒃ ᐊᐳᑎ ᐆᑦᑐᕋᐅᑎᐅᔪᖅ, ᐃᓕᓐᓂᐊᑏᑦ ᓄᐃᑕᑎᑦᓯᓚᖓᔪᑦᐱᒍᓐᓇᓯᓂᕐᒥᒃ ᐱᒐᓱᐊᕐᓂᒥᒃ ᑭᐅᒍᑎᓂᒃ ᓱᑯᐃᔦᓂᕐᒧᑦ ᐅᕝᕙᓘᓐᓃᑦ ᐱᓪᓗᑯᒋᐊᓕᓕᕆᓂᕐᒧᑦ ᐱᓀᓗᑕᓂᒃ.

ᖃᐅᔨᒪᒍᓯᖅ

  • ᖃᓄᐃᑦᑑᓂᖏᑦ ᐊᑦᔨᒌᖕᖏᑐᑦ ᐊᐳᑏᑦ (ᐊᕿᓐᓂᖓ, ᓯᑎᓂᖓ)

ᐱᒍᓐᓇᓂᖅ

  • ᖃᐅᔨᓴᐅᑎᓕᐅᕐᓂᖅ
  • ᑭᑦᑎᑕᐅᑎᒥᒃ ᐊᑐᕐᓗᓂ

ᐱᐅᓯᖃᕐᕕᖃᕐᓂᖅ

  • ᖃᐅᔨᓴᕐᓂᒧᑦ ᑐᕌᒐᖅ
  • ᓈᒻᒪᓈᑦᓯᐊᑐᒨᕐᓂᖅ

ᐃᖏᕐᕋᓂᖅ

1. ᖃᓄᐃᑦᑑᓂᖏᑦ ᐊᐳᑏᑦ

ᖃᐅᔨᓴᕐᑐᖅ: ᐱᒍᒪᓂᖃᕐᓱᓂ ᐃᓕᓐᓂᐊᑎ ᑕᑯᓐᓇᑐᖅ ᐊᒻᒪᓗ ᓈᓚᑦᓱᓂ

ᙯᖁᔨᓂᖅ ᖃᐅᔨᒪᓂᕐᒥᒃ ᑎᒍᒥᐊᕐᑐᒥᒃ ᑕᑯᑦᓴᐅᑎᑦᓯᑎᓗᒍ, ᓄᓇᒥ, ᖃᓄᖅ ᓇᓗᓀᕐᓯᓂᕐᒥᒃ ᐊᑦᔨᒌᖕᖏᑐᓂᒃ ᐊᐳᑎᓂᒃ ᐊᑐᕐᓗᓂ ᐅᓈᒥᒃ ᐊᒻᒪᓗ ᐅᖄᓗᓂ ᓄᓇᓕᐊᓚᐅᕋᑎᒃ ᖃᓄᐃᑦᑑᓂᖏᓐᓂᒃ ᓯᑎᓂᖏᑦ ᓱᓇᒧᑦ ᐊᑐᕐᑕᐅᓲᖑᓂᖏᓐᓂᒃ ᐊᑦᔨᒌᖕᖏᑐᑦ ᐊᐳᑏᑦ.

ᐊᕿᓗᖃᖅ

ᐊᑭᓗᕿᐊᖅ ᐊᐳᑎ, ᓄᑖᖅ ᐊᐳᑎ

ᓯᑎᓗᖃᖅ

ᓯᑎᔪᖅ ᑲᑎᒪᐅᑎᑲᓪᓚᑐᖅ ᐊᐳᑎ, ᓄᑕᐅᖕᖏᑐᖅ ᐊᐳᑎ

ᐳᑲᔭᖅ

ᕿᓪᓛᒋᐊᔪᖅ ᐊᐳᑎ

ᐃᓕᓐᓂᐊᑎ ᐆᑦᑐᕋᕈᓐᓇᑐᖅ ᕿᒥᕐᕈᓗᓂ ᑖᒃᑯᓂᖓ ᐱᖓᓱᓂᒃ ᐊᑦᔨᒌᖕᖏᑐᓂᒃ ᐊᐳᑎᓂᒃ ᐊᑐᕐᓗᑎᒃ ᐅᓈᒥᒃ ᐊᒻᒪᓗ ᐆᑦᑐᕋᕐᓗᑎᒃ ᐅᖃᐅᓯᖏᓐᓂᒃ. ᐃᓚᒋᐊᕈᑎᐅᑎᓪᓗᒍ ᖃᐅᔨᓴᕐᓂᖏᓐᓄᑦ ᖃᓄᐃᑦᑑᓂᖏᓐᓂᒃ ᑖᒃᑯᐊ ᐊᐳᑏᑦ ᐊᐱᕐᓱᓗᑎᒃ.

  • ᓱᒐᒥᓕᑭᐊᖅ ᐊᐳᑎ ᐃᒣᑦᑑᓴᕐᒥᔪᖅ x?
  • ᓱᓈ ᐊᑦᔨᐅᖏᑦᑑᒍᑎᒋᑫᓐᓇᖃᐅᒃ ᐊᑦᑐᓱᒍ ᐅᓈᒧᑦ ᐊᐳᑎ ᐃᒣᑦᑐᖅ x?
  • ᓱᓇᒦᒃ ᖃᐅᔨᕕᑦ ᑎᒍᓯᑐᐊᕋᕕᑦ ᐊᐳᑎᒥᒃ x-ᒥᒃ ᐊᒡᒐᑎᓐᓄᑦ?

2. ᐊᐳᑎᐅᑉ ᓯᑎᓂᖓ

ᓄᓇᒥ, ᐃᓕᓐᓂᐊᑏᑦ ᓇᓗᓀᕐᓯᒍᓐᓇᑐᑦ ᐱᖓᓱᐃᑦ ᖃᓄᐃᑦᑑᓂᖏᑦ ᐊᐳᑎᐅᑉ ᐊᑦᔨᒌᖕᖏᑐᓂᒃ ᐊᕿᓐᓂᖃᕐᒪᑕ. ᐃᓕᓐᓂᐊᕕᒻᒥ ᖃᕆᐊᒥ, ᐊᐱᕆᓗᑎᑦ ᐃᓕᓐᓂᐊᑎᓂᒃ ᓱᒐᒥ ᓯᑎᔫᓚᕿᓂᖓᓂᒃ ᐅᖄᖁᓗᒋᑦ ᐊᑦᔨᒌᖕᖏᑐᑦ ᐊᐳᑏᑦ.

ᓯᑎᓂᖓᓂᑐᐃᓐᓇᐅᖏᑦᑐᖅ ᐅᖄᒐᓗᐊᕐᑐᓗᒋᑦ, ᑖᒃᑯᓄᖓ ᐱᖓᓱᓄᑦ ᐊᐳᑎᓄᑦ ᖃᓄᐃᑦᑑᓂᖏᓐᓄᑦ ᐅᖄᔭᐅᓂᖏᓐᓅᓕᖓᔪᖅ. ᓄᐃᑕᑎᓗᒋᑦ ᑖᑦᓱᒥᖓ ᐅᑉᐱᕆᔭᐅᔪᒥᒃ ᓄᐃᑕᑎᑦᓯᓗᑎᑦ, ᐊᑐᕈᓐᓇᖁᑎᑦ ᒥᑭᔪᓂᒃ ᐸᑦᑖᐱᓐᓂᒃ ᓄᐃᑕᑎᑦᓯᒍᑎᓂᒃ ᒪᕐᕌᐱᓐᓂᒃ ᓱᒃᑫᑐᒥᒃ ᑲᑎᑎᓗᒋᑦ.

ᑕᓕᕐᐱᐊᓄᑦ ᓴᐅᒥᐊᓂᒃ ᐁᔪᒥᒃ, ᐊᐳᑎ ᓯᑎᓕᕙᓪᓕᐊᔪᖅ 

ᑕᐃᒪ ᑐᑭᓯᑎᑦᓯᓗᑎᑦ ᓯᑎᓂᖓ ᐅᖁᒣᓐᓂᖓᓂᒃ ᑐᑭᑖᕐᑎᓯᓲᖑᓂᖓᓂᒃ, ᐊᑐᖏᓐᓇᓱᓂ ᓄᐃᑕᑎᑦᓯᒍᑎᒥᒃ ᒪᕐᕋᓴᔭᕐᒥᒃ. ᐆᑦᑐᕋᐅᑎᖕᖑᐊᑦ ᑭᑦᑎᑕᐅᑎᒨᕐᓗᒋᑦ ᓄᐃᑕᑎᑦᓯᓗᑎᑦ ᑖᑦᓱᒥᖓ ᑐᑭᓯᒪᒍᑎᒥᒃ ᐊᒻᒪᓗ ᐱᒻᒪᕆᐅᓂᖓᓂᒃ ᐅᖃᕐᓗᑎᑦ ᐆᑦᑐᕋᐅᑎᓂᒃ ᐊᑐᕐᓂᕐᒥᒃ ᐊᑦᔨᖏᓐᓂᒃ ᐅᖁᒣᓐᓂᓕᓐᓂᒃ.

ᐅᓇ ᐊᑎᓕᐅᕐᓗᒍ ᐱᒻᒪᕆᐅᓂᕐᐹᖅ: ᓯᑎᓂᖓ ᐅᖁᒣᓐᓂᐅᕗᖅ. ᐊᐳᑎᒧᑦ ᐃᒣᓕᔭᐅᔪᖅ “ᖃᓄᐃᓪᓗᐊᓂᖓ ᐅᕝᕙᓘᓐᓃᑦ ᐅᖁᒣᓐᓂᖓ ᓯᑰᑉ ᐊᒻᒪᓗ ᐃᒪᐅᑉ ᐊᖏᓂᖓᓄᑦ”2 ᐃᒣᓕᔭᐅᕙᓪᓗᓲᖅ kg/m3.

ᐃᓕᓐᓂᐊᑐᑦ ᓇᓗᓀᕐᓯᕙᓪᓕᐊᔪᑦ ᐊᐳᑎᐅᑉ ᐊᑦᔨᒌᓕᖕᖏᓂᖓᓂᒃ ᐃᓄᒃᔪᐊᒥ
ᓵᓕ ᓇᐅᒃᑲᕈᐊᑉ ᐊᑦᔨᖁᑎᖓ

3. ᓯᑎᓂᖓ

ᑐᑭᓯᓕᕐᑐᖅ: ᐊᓯᑦᔨᐸᓪᓕᐊᔪᖅ ᐃᓕᓐᓂᐊᑎ ᐊᑐᕐᓱᓂ ᓄᑖᓂᒃ ᐱᒍᓐᓇᓂᕐᓂᒃ ᑐᑭᓯᒪᑦᓯᐊᕋᓂ ᐊᒻᒪᓗ ᐃᑲᔪᕐᑕᐅᓂᕐᒥᒃ ᐱᑕᖃᕆᐊᖃᕐᓱᓂ

ᐱᖓᓱᑦ ᐊᑦᔨᒌᖕᖏᑐᑦ ᐊᐳᑏᑦ, ᐃᓕᓐᓂᐊᑎ ᐆᑦᑐᕋᕈᓐᓇᑐᖅ ᓄᐊᑦᓯᓗᓂ ᐊᓪᓚᓯᒪᐅᑎᓂᒃ (ᐅᖁᒣᓐᓂᖓ ᐊᒻᒪᓗ ᐃᓂᖓᑕ ᐃᓗᓕᖓ) ᐊᒻᒪᓗ ᖃᐅᔨᓴᕐᓗᑎᒃ ᓯᑎᓂᖓᓂᒃ. ᐊᒥᓲᒐᓗᐊᕐᑎᓗᒋᑦ ᖃᓄᐃᑦᑑᓂᖏᑦ ᐊᐳᑏᑦ, ᐅᑯᓂᖓ ᐱᖓᓱᓂᒃ ᐱᓇᓱᐊᕈᑎᖃᖁᔨᕗᒍᑦ.

ᐃᓕᓐᓂᐊᑎᓂᒃ ᐊᐅᓚᔨᑎᑦᓯᓗᓂ (D) ᓯᑎᓂᖅ ᐅᖁᒣᓐᓂᐅᓂᖓᓂᒃ (M) ᐃᓂᖓᑕ ᐃᓗᓕᖓᑎᒍᑦ (V).

ᐱᒋᐊᕐᓗᑎᑦ ᓇᓗᓇᖕᖏᑐᒥᒃ ᐊᖏᓂᖓᓄᑦ ᐊᑐᕐᑕᐅᒍᓐᓇᑐᒥᒃ. ᓯᒃᑭᑕᒥᒃ ᕿᔪᒻᒥᒃ, ᓯᒃᑭᑕᒥᒃ ᐃᑭᐊᕐᒥᐅᑕᑦᓴᔭᒥᒃ ᐊᒻᒪᓗ ᓯᒃᑭᑕᒥᒃ ᕿᕐᓱᑎᑎᒐᑦᓴᔭᒥᒃ ᐆᑦᑐᕋᐅᑎᖃᕐᓗᑎᑦ.

ᓯᕗᓪᓕᒥ, ᐃᓕᓐᓂᐊᑏᑦ ᑭᑦᑎᑕᐅᑎᒥᒃ ᐊᑐᕆᐊᓖᑦ ᐅᖁᒣᓐᓂᖓᓂᒃ ᖃᐅᔨᓴᕐᓗᑎᒃ. ᑭᖑᓂᐊᓂ, ᓱᕐᖄᑎᕆᓗᑎᒃ ᑮᓇᓕᒫᖏᓐᓂᒃ ᑐᑭᑖᕐᓗᑎᓪᓗ ᐃᓗᓕᖓ ᖃᓄᐃᓪᓗᐊᑑᓂᖓᓂᒃ. ᐱᖓᔪᐊᓂᒃ, ᐊᕕᑦᑐᓗᒍ ᐅᖁᒣᓐᓂᖓ (g) ᐃᓗᓕᖓᑕ ᐊᖏᓂᖓᓄ (cm3) ᐅᖁᒣᓐᓂᖓᓂᒃ ᖃᐅᔨᓗᑎᑦ. ᐃᓕᓐᓂᐊᑎᓄᑦ ᖃᐅᔨᒪᓂᕐᓴᓄᑦ ᐃᓚᐅᑎᑦᓯᒍᓐᓇᑐᑦ ᓅᑦᓯᒍᑎᓂᒃ.

4. ᐊᐳᑎᐅᑉ ᓯᑎᓂᖓ

ᑐᑭᓯᓇᕐᓯᔪᖅ: ᐅᖄᓯᑎ ᐃᓕᓐᓂᐊᑎ ᓄᐃᑕᑎᑦᓯᔪᖅ ᐱᒍᓐᓇᓯᐊᕐᓂᖓᑕ ᐊᖏᓕᕙᓪᓕᐊᓂᖓᓂᒃ ᐃᓕᑕᕆᔭᒥᓂ ᖃᓄᐃᓕᖓᓂᐅᔪᓂ.

ᓄᓇᒥ, ᐃᓕᓐᓂᑎ ᐊᑐᕐᑐᖅ ᐅᓈᕐᒥᒃ ᖃᐅᔨᓴᕐᓗᓂ ᐱᖓᓱᓂᒃ ᐊᑦᔨᒌᖕᖏᑐᓂᒃ ᐊᐳᑎᓂᒃ. ᓇᓗᓀᕐᓯᓯᐊᕇᑐᐊᕐᐸᑕ ᐊᕿᓗᖃᖅ, ᓯᑎᓗᖃᖅ ᐊᒻᒪᓗ ᐳᑲᔭᕐᒥᒃ, ᐅᑯᓂᖓ ᐊᑐᕐᑕᐅᓲᓂᒃ ᐊᑐᕐᓗᑎᑦ ᖃᐅᔨᓴᕈᑎᓂᒃ ᐊᐳᑎᐅᑉ ᓯᑎᓂᖓᓂᒃ.

  1. ᓱᕐᖄᑎᕐᓗᒍ ᐊᖏᓂᖓ ᐆᑦᑐᕋᐅᑎ ᐊᑐᕐᑕᐅᔪᖅ ᐊᒻᒪᓗ ᑐᑭᑖᕐᓗᑎᑦ ᐊᖏᓂᖓᓂᒃ (ᐊᑐᕐᑕᐅᒍᓐᓇᑐᖅ ᓯᕗᓂᐊᓂ).
  2. ᐅᖁᒣᓐᓂᖓ ᐃᓗᓕᖃᖕᖏᑑᑉ ᖃᐅᔨᓴᕐᓗᒍ ᐊᓪᓚᓗᒍ ᐅᖁᒣᓐᓂᖓ.
  3. ᐊᐳᑎᒥᒃ ᑎᒍᓯᓗᑎᑦ ᑭᑭᐊᒧᑦ ᓱᓪᓗᓕᒻᒧᑦ ᐊᐳᑎᒨᕐᓗᒍ ᑕᐃᒪ ᓄᑦᓱᓯᓗᒍ.
  4. ᑭᑦᑎᑕᕐᓗᒍ ᐃᓘᓐᓇᖓ ᖃᐅᔨᓴᕈᑏᑦ ᐊᓪᓚᓗᒍ ᐅᖁᒣᓐᓂᖓ.
  5. ᑭᓯᓪᓗᒋᑦ ᐅᖁᓐᓂᖓ ᐆᑦᑐᕋᕐᑕᐱᑦ.
  6. ᐊᑐᕐᓗᑎᑦ ᑲᑎᑎᑦᓯᒍᑎᓂᒃ ᐊᐳᑎᐅᑉ ᓯᑎᓂᖓᓂᒃ ᖃᐅᔨᓴᕐᓗᑎᑦ.
  7. ᑖᓐᓇ ᐊᑐᕐᓗᒍ ᐊᐳᑎᓄᑦ ᐊᑦᔨᒌᖕᖏᑐᓄᑦ ᐊᒻᒪᓗ ᐊᓪᓚᓗᒋᑦ ᐊᓪᓚᕕᑦᓴᒥ ᓄᐃᑎᑕᖏᑦ.
ᓯᑎᓂᖓ (p) ᐅᖁᒣᓐᓂᖓ (m) ᐊᕕᑦᑐᓗᒍ ᐊᖏᓂᖏᓐᓄᑦ (V)

5. ᐅᖄᓂᖅ

ᑐᑭᓯᓇᕐᓯᔪᖅ: ᐅᖃᕐᓯᑎ ᐃᓕᓐᓂᐊᑎ ᐅᖄᔪᖅ ᐊᑐᕐᑕᕕᓂᕐᒥᓂᒃ ᐊᒻᒪᓗ ᐃᓱᒪᒋᔭᖃᑦᓯᐊᓱᓂ ᐊᓯᒥᑕ ᖃᓄᐃᓕᓂᖏᓐᓂᒃ.

ᐃᓕᓐᓂᐊᕕᒻᒥ ᖃᕆᐊᒥ, ᐅᖄᖃᑎᒌᑦᑐᑦ ᐊᒻᒪᓗ ᐊᑦᔨᒌᖕᖏᓂᖏᓐᓂᒃ ᐅᖄᑦᓱᑎᒃ ᓄᐃᑎᑕᐅᔪᓂᒃ. ᖃᓂᑦᑕᕇᒃᑳᑦ ᐋᕐᕿᓱᐃᒍᑎᒋᓚᖓᓗᒋᑦ ᓯᑎᓂᖓᑕ ᐊᑯᓐᓂᖓᓃᑦᑐᒥᒃ ᐊᑦᔨᒌᖕᖏᑐᓄᑦ ᐊᐳᑎᓄᑦ? ᐊᕕᑦᑐᓗᒌᑦ ᐱᐅᓂᕐᓴᐅᒐᔭᕐᖃ ᐊᑐᓂ ᐊᑦᔨᒌᖕᖏᑐᑦ ᐊᐳᑏᑦ? ᖃᓄᐃᓕᒍᓐᓇᖄᑦ ᐃᓕᓐᓂᐊᑏᑦ ᐊᕿᓐᓂᖓᓂᒃ ᐊᐳᑎᐅᑉ ᐊᒻᒪᓗ ᓯᑎᓂᖓᓂᒃ ᐊᐳᑎᐅᑉ?

ᖃᐅᔨᓴᕐᑕᐅᓂᖅ

ᖃᐅᔨᓴᕐᑕᐅᖁᔨᕗᒍᑦ ᑖᑦᓱᒥᖓ ᐃᓕᓐᓂᐊᑎᑦᓯᒍᑎᒥᒃ ᐊᐱᕆᓗᒍ ᐃᓕᓐᓂᐊᑎ ᓇᓗᓀᕐᓯᖁᓗᒍ ᖃᓄᐃᑦᑑᓂᖓᓂᒃ ᖃᐅᔨᒪᔭᐅᖕᖏᑐᖅ ᐆᑦᑐᕋᐅᑎ ᐊᐳᑎ ᐊᑐᕐᓗᓂ ᓯᑎᓂᖓᓂᒃ ᐊᒻᒪᓗ ᐊᓪᓚᖃᐅᔭᒥᓂᒃ ᓯᕗᓂᐊᓂ. ᑕᒃᑲᓂ, ᐃᓕᓐᓂᐊᑎ ᑎᑭᐅᑎᓯᒪᑐᐃᓐᓇᕆᐊᓕᒃ ᑐᑭᓯᓇᕐᓯᔪᒧᑦ, ᐅᖄᒍᑎᖃᕈᓐᓇᓂᕐᒧᑦ ᐃᓕᑦᑕᒥᓂᒃ ᐱᓇᓱᐊᕈᓐᓇᓗᑎᒃ ᐃᓕᑕᕐᓇᑐᒥᒃ ᐊᑐᕐᑕᐅᒋᐊᓕᒻᒥᒃ ᐊᒻᒪᓗ ᐅᖄᓗᒋᑦ ᖃᓄᐃᓕᓂᖓᑕ ᓄᐃᑎᑕᖏᑦ.

ᐃᓘᓐᓇᑎᒃ

ᐃᓘᓐᓇᑎᒃ ᐃᓕᓐᓂᐊᑏᑦ ᓱᕐᖄᑎᕆᓚᖓᔪᑦ ᐊᒻᒪᓗ ᑭᑦᑎᑕᕐᓗᑎᒃ ᐆᑦᑐᕋᐅᑎᒥᒃ ᑕᒻᒪᕈᓐᓀᓗᑎᒃ ᐊᒻᒪᓗ ᐊᑐᕐᓗᑎᒃ ᐊᓪᓚᓯᒪᐅᑎᖓᓂᒃ ᓯᑎᓂᖓᓄᑦ ᖃᐅᔨᓴᐅᑎᒥᒃ.

ᐃᓘᓐᓇᒐᓚᑎᒃ

ᐃᓘᓐᓇᒐᓚᑎᒃ ᐃᓕᓐᓂᐊᑏᑦ ᓱᕐᖄᑎᕆᓚᖓᔪᑦ ᐊᒻᒪᓗ ᑭᑦᑎᑕᕐᓗᑎᒃ ᐆᑦᑐᕋᐅᑎᒥᒃ ᐊᒻᒪᓗ ᐲᕐᓗᒍ ᑭᑦᑎᑕᐅᑎᒥᑦ ᐆᑦᑐᕋᐅᑎ ᐊᑐᕐᓗᑎᒃ ᓱᓕᔪᒥᒃ ᐊᓪᓚᓯᒪᐅᑎᒥᒃ ᓯᑎᓂᖓᓄᑦ ᖃᐅᔨᓴᕈᑎᒥᒃ.

ᐃᓚᖏᑦ

ᐃᓚᖏᑦ ᐃᓕᓐᓂᐊᑏᑦ ᑕᒻᒪᖏᓪᓗᑎᒃ ᖃᐅᔨᒍᓐᓇᑐᑦ ᖃᓄᐃᑦᑑᓂᖓᓂᒃ ᐊᐳᑎᐅᑉ ᐆᑦᑐᕋᕐᑕᒥᓂᒃ ᐊᑐᕐᓗᑎᒃ ᓈᒻᒪᓈᕐᑐᒥᒃ ᐊᓪᓚᓯᒪᔪᒥᒃ ᐊᒻᒪᓗ ᑐᑭᓯᓇᕐᑎᓗᒋᑦ ᓄᐃᑎᑕᖏᑦ.

ᐃᓚᒋᐊᕈᑏᑦ

  • ᐊᐱᕆᓗᒍ ᐃᓕᓐᓂᐊᑎ ᖃᐅᔨᓴᖁᓗᒍ ᐃᑎᓂᖓᓂᒃ ᐊᑐᓂ ᐃᑦᔪᓂᖏᓐᓂᒃ ᐊᐳᑎᐅᑉ ᐊᒻᒪᓗ ᓱᕐᖄᑎᕐᓗᒍ ᓯᑎᓂᖓ ᐆᑦᑐᕋᐅᑎᐅᑉ ᐊᑦᔨᒌᖕᖏᑐᓂ ᐳᕐᑐᓂᓕᓐᓂ.
  • ᐊᐱᕆᓗᒍ ᐃᓕᓪᓐᓂᐊᑎ ᖃᐅᔨᓴᕐᑎᓗᒍ ᓯᑎᓂᖏᓐᓂᒃ ᐊᒥᓱᑦ ᐆᑦᑐᕋᐅᑏᑦ ᐊᑦᔨᒌᖕᖏᑐᓂ ᐊᐳᑎᓂᒃ ᖃᐅᔨᓴᕐᓗᑎᒃ ᐊᑯᓐᓂᖓᓂ ᐅᕝᕙᓗᓐᓃᑦ ᖃᓄᐃᑦᑑᓂᖓᓂᒃ ᐊᐳᑎᐅᑉ ᖃᓄᐃᑦᑑᓂᖓᓄᑦ.
  • ᓯᑎᓂᖓ ᐊᓯᖏᓐᓄᑦ ᐊᓪᓚᓯᒪᐅᑎᓄᑦ ᓄᐊᑕᐅᒪᔪᓅᓕᖓᓕᕐᑎᓗᒋᑦ ᐊᓯᖏᑎᒍᑦ ᐊᐳᑎᒧᑦ ᐃᓕᓐᓂᐊᑎᑦᓯᒍᑎᓄᑦ ᐸᕐᓇᓯᒪᐅᑎᓄᑦ.

ᐱᓇᓱᐊᕈᑏᑦ

  • ᐅᓈᖅ ᐅᕝᕙᓘᓐᓃᑦ ᐊᓯᐊᖓ ᐊᐳᑎᒥᒃ ᓯᑎᓂᖓᓂᒃ ᖃᐅᔨᓴᕈᑎ (ᕿᔪᒃ ᐅᕝᕙᓘᓐᓃᑦ ᑑᖅ)
  • ᐊᐳᑎᒥᒃ ᖃᐅᔨᓴᕈᑎ (ᐃᓪᓓᒍᑎᑦᓴᔭᖅ ᓱᓪᓗᓕ ᐅᕝᕙᓘᓐᓃᑦ ᐊᓯᖓ ᓱᓪᓗᓕ)
  • ᑭᑦᑎᑕᐅᑎ
  • ᓱᕐᖄᑎᕈᑎ
  • ᑲᑎᑎᑦᓯᒍᑎ (ᐊᑐᓪᓗᑐᕆᐊᑐᖕᖏᑐᖅ)
  • ᐱᓇᓱᐊᕈᑏᑦ ᐊᓪᓚᕕᑦᓭᑦ ᐱᑕᖃᕐᑎᑕᐅᔪᑦ (1 ᐊᒻᒪᓗ 2)
  • ᐊᓪᓚᐅᑎᑐᐃᓐᓇᖅ
  • ᐊᓪᓚᕕᑦᓵᓗᒃ (ᐊᑐᓪᓗᑐᕆᐊᑐᖕᖏᑐᖅ)

ᐅᖃᐅᓰᑦ

  • ᐊᕿᓗᖃᖅ (ᐊᕿᑦᑐᖅ ᐊᕿᓗᕿᐊᖅ, ᓄᑖᖑᓂᕐᓴᖅ ᐊᐳᑎ)
  • ᓯᑎᓗᖃᖅ (ᓯᑎᔪᖅ ᑲᑎᒪᐅᑎᑲᓪᓚᑐᖅ ᐊᐳᑎ, ᓄᑕᐅᖕᖏᓂᕐᓴᖅ ᐊᐳᑎ)
  • ᐳᑲᔭᖅ (ᕿᓪᓚᕿᔪᖅ ᐊᐳᑎ)
  • ᐅᓈᖅ (ᓇᐅᓚ, ᐊᑐᕐᑕᐅᓲᖅ ᖃᐅᔨᓴᕈᑎᐅᑦᓱᓂ ᖃᓄᓪᓗᐊᖅ ᐊᐳᑎ ᓯᑎᔫᓂᖓᓂᒃ)

ᖃᐅᔨᒋᐊᕐᕕᓭᑦ

  1. Zhang, T., Su, K. & Wang, K. (2017). Comparison of Snow Density Measurements using Different Equipments. First Workshop on NASA SnowEx Results. Denver, Colorado. Document accessible en ligne à l’adresse: https://snow.nasa.gov/sites/default/files/Zhang_080917_15_Snow%20Density%20Comparison.pdf
  2. West, G. & Howard, R. (2018). Title. ATSC113 – Weather for Sailing, Flying and Snow Sports. University of British Columbia. Document accessible en ligne à l’adresse: https://www.eoas.ubc.ca/courses/atsc113/snow/met_concepts/07-met_concepts/07b-newly-fallen-snow-densitiy/
ᐊᐱᕐᓲᑎᑦᓴᖃᕈᕕᑦ ᐅᖃᐅᓯᑦᓴᖃᕈᕕᓪᓘᓃᑦ, ᖃᐅᔨᓴᕐᕕᒋᑎᒍ.

ᖃᐅᔨᓴᕐᕕᒋᑎᒍ