ᐃᓘᓐᓈᒍᑦ ᕿᒥᕐᕈᓂᖅ
ᑕᕝᕙᓂ ᐃᓕᓴᐅᑎᒥᑦ ᓄᐃᑕᐅᔪᕕᓂᕐᒥᑦ ᐅᑭᐅᕐᑕᑐᒥᐅᑦ ᐃᓄᒻᒪᕇᑦ ᑎᒥᐅᔪᖁᑎᖓᓐᓄᑦ, ᐃᓕᓵᑦ ᐃᓕᑦᓯᒐᔭᕐᑐᑦ ᐱᒻᒪᕆᐅᒋᐊᖓᓂᑦ ᐊᐅᒃᑲᓂᕐᒥᑦ ᐆᒪᔪᓄᑦ ᐃᓄᐃᓪᓗ ᓄᓇᓕᖏᓐᓄᑦ. ᐊᑑᑎᓂᖃᑦᓯᐊᒍᓐᓇᑐᑦ ᐊᓯᑦᔩᒪᕆᒍᓐᓇᓱᑎᓪᓗ ᐊᕙᓗᖏᓐᓂᑦ, ᓯᑰᓪᓗ ᖃᓄᐃᑦᑑᓂᖏᑦ ᐊᑦᑕᓇᒍᓐᓇᓱᑎᒃ. ᑐᑭᓯᒪᑦᓱᒋᑦ ᖃᓄᐃᓕᖓᓂᖏᑦ ᑲᔪᓰᓐᓇᓂᖏᓐᓂᓗ, ᕿᒥᕐᕈᓂᕐᒥᑎᒍᑦ ᐊᐅᓚᓂᕐᓂᑦ ᐆᑦᑑᑎᒋᓗᒋᑦ ᐃᖏᕐᕋᓂᕐᑐᐃᑦ ᐱᓪᓚᕆᐅᒋᐊᖏᓐᓂᑦ ᐊᐅᓚᑦᓯᓂᕐᒧᑦ ᖃᓄᐃᖕᖏᓯᐊᕐᓇᑐᒃᑯᑦ.
1. ᐊᐅᒃᑲᓃᑦ
ᓯᕗᓪᓕᐹᒥ ᐃᓕᓵᑦ ᐃᓕᑦᓯᒐᔭᕐᑐᑦ ᖃᓄᐃᓕᖓᓂᖓᓂᑦ ᐊᐅᒃᑲᓂᐅᑉ, ᐃᒪᐅᑉ ᐊᒻᒪᓯᒪᓂᖓᓂᑦ ᐊᕙᓗᔭᐅᓯᒪᓂᖓᓂᑦ ᐃᒪᕐᐱᐅᑉ ᓯᑯᖓᓄᑦ ᐊᒻᒪᓯᒣᓐᓇᓂᖓᓂᑦ ᐅᑭᐅᓕᒫᒥᑦ.ᐊᑑᑎᒋᐊᖃᕐᓂᖓᓂᑦ, ᐃᓕᑦᓯᒐᔭᕐᑐᑦ ᐅᓕᑦᑕᓂᖓᓂᑦ ᑎᓂᑦᑕᓂᖓᓂᑦ ᐃᖏᕐᕋᓂᕐᑐᓂᖓᓂᓪᓗ.
2. ᐱᒻᒪᕆᐅᓂᖓ
ᐊᐅᒃᑲᓃᑦ ᐊᑦᔨᖃᒐᓛᖕᖏᑐᑦ ᐊᕙᓘᑉ ᐊᐅᓚᓕᖓᓂᑦ ᐆᒪᔪᓄᑦ ᐱᑕᖃᑦᓯᐊᓱᓂᓗ, ᑭᓯᐊᓂ ᐊᑦᑕᓇᕐᓱᓂ ᐆᒪᔪᒐᓱᐊᕐᕕᐅᒋᐊᒥᒃ ᐃᓄᓐᓄᑦ. ᐃᓕᓵᑦ ᑐᑭᓯᓕᐅᒥᒐᔭᕐᑐᑦ ᐱᓪᓚᕆᐅᒋᐊᖏᓐᓂᑦ ᐊᐅᒃᑲᓃᑦ ᐊᑦᑕᓇᕐᓂᖏᓐᓂᓗ.
3. ᐅᖄᖃᑎᒌᓐᓂᖅ
ᓱᓕᑦᓯᐊᓂᕋᕐᓗᒋᑦ ᑖᑦᓱᒪᐅᑉ ᐃᓕᓴᐅᑎᐅᑉ ᐃᓗᓕᕐᑕᖏᓐᓂᑦ ᐊᒻᒪᓗ ᐅᐸᓗᙰᔭᕐᓗᑎ ᐊᐅᒃᑲᓂᕐᓂᑦ ᓄᓇᓕᒻᒥᑎᒍᑦ, ᐃᓕᓵᑦ ᖃᓄᐃᓘᖃᑦᑕᐅᑎᒍᓐᓇᑐᑦ ᐊᐱᕐᓲᑎᑎᒍᑦ ᐅᖄᖃᑎᒌᖃᑦᑕᓗᑎᓪᓗ ᓱᖃᑦᓯᓂᑦᑎᒍᑦ.
ᖃᐅᔨᒋᐊᕐᕕᓭᑦ
- ᐊᐅᒃᑲᓂᕐᒨᓕᖓᔪᖅ ᐊᐅᓚᔫᖅ
- ᑕᕐᕿᐅᑉ ᐃᖏᕐᕋᓂᖓ
- ᐅᓕᑦᑕᓃᑦ ᑎᓂᑦᑕᓃᓪᓗ
- ᐃᒪᕐᐱᐅᑉ ᐃᖏᐅᓕᖏᑦ ᑐᑭᓯᑎᑦᓯᒍᑎᖏᑦ
- ᑰᑦᔪᐊᑉ ᐅᓕᑦᑕᓂᖓᑕ ᑎᓂᑦᑕᓂᖓᑕᓗ ᐊᓪᓚᑕᐅᓯᒪᓂᖏᑦ
- ᐊᐅᒃᑲᓂᖅ ᓯᑯ ᓄᐃᑕᑎᑕᐅᓂᖓᑦ
* ᑕᑯᑦᓴᐅᔪᑦ ᖃᓪᓗᓈᑎᑑᕐᑐᐃᑭᓯᐊᓂ
ᐅᐃᒍᖏᑦ
- ᐊᐱᕐᓲᔭᕐᓗᒋᑦ ᓄᓇᓕᖓᑕ ᒪᙯᑦᑎᖏᑦ ᑐᑭᓴᕐᓗᒍ ᓱᒧᑦ ᐊᐅᒃᑲᓂᖅ ᐊᑦᑕᓇᕐᑐᒦᑦᑎᓯᒍᓐᓇᒪᖔᑦ ᐃᖏᕐᕋᔪᓄᑦ.
- ᓇᓗᓀᕐᓯᓗᒍ ᐊᐅᒃᑲᓂᖅ ᓇᓂᖓᓃᒻᒪᖔᑦ ᓄᓇᓕᑦᓯ ᐊᕙᓗᖓᓂᑦ ᐅᖄᖃᑎᒋᓗᒋᑦ ᒪᙯᑦᑏᑦ ᐊᒻᒪᓗ/ᐊᒻᒪᓘᓐᓃᑦ ᖁᒻᒧᐊᑎᑕᐅᓯᒪᔪᕐᑎᒍᑦ ᐊᑦᔨᖑᐊᓂᑦ.
* ᑕᑯᑦᓴᐅᔪᑦ ᖃᓪᓗᓈᑎᑑᕐᑐᐃᑭᓯᐊᓂ