ᐱᒋᐊᖕᖓᓂᖅ ᓄᑖᒥ ᐃᓕᓐᓂᐊᓇᐅᑉ ᐊᕐᕌᒍᖓᓂᑦ ᐊᕐᓱᕈᕐᓇᓲᖅ, ᐱᓗᐊᕐᑐᒥ ᐱᓂᐊᕐᓂᖃᒐᓱᐊᕐᓂᑯᑦ ᐊᑐᑦᓯᐊᑐᒥᒃ ᖃᕆᐊᒥᒃ ᐊᐅᓚᑦᓯᒐᓱᐊᕐᓂᑯᑦ. ᑖᓐᓇ ᐱᓀᓗᑕᐅᓲᖅ ᐊᑐᕐᑕᐅᓂᖃᕆᐊᓕᒃ ᐊᑑᑎᓂᒃᑯᑦ ᑐᑭᓯᒪᓂᒃᑯᓗ, ᐊᒻᒪᓗ ᐱᓇᓱᐊᖃᑎᒌᓐᓂᖏᓐᓄᑦ ᐱᓇᓱᑦᑎᓕᒫᑦ ᐃᓕᓐᓂᐊᕕᐅᑉ ᐃᓗᐊᓂ. ᐃᓕᓐᓂᐊᕈᑎᓕᐅᕐᓂᒥᒃ ᖃᐅᔨᒪᔨᐅᑦᓱᑕ ᐃᓕᓐᓂᐊᑕᐅᒋᐊᓕᓐᓂᒃ ᐱᓪᓗᑯᒋᐊᓕᓕᕆᕕᒻᒥ, ᐃᑲᔪᕐᓯᐅᑎᑦᓴᓂᒃ ᑐᓂᓯᒍᒪᔪᒍᑦ ᐃᑲᔪᕐᓯᒍᓐᓇᕋᔭᕐᑐᓂᒃ ᖃᕆᐊᒥ ᐊᐅᓚᑦᓯᑎᓪᓗᑎᑦ. ᐊᑐᕐᑕᐅᓗᑐᒋᐊᓖᑦ ᐊᓯᖏᓐᓄᑦ ᐃᓕᓐᓂᐊᑎᑦᓯᓂᒃᑯᑦ ᑐᑭᓯᓇᑦᓯᐊᑐᓂᒃ ᐱᒋᐅᕐᓴᑎᑦᓯᓂᒃᑯᑦ, ᑲᔪᓯᑎᑦᓯᓂᒃᑯᑦ ᐅᓪᓗᑕᒫᕐᓯᐅᑎᓂᒃ, ᐊᓯᖏᓐᓂᓗ. ᒪᑯᐊ ᐊᑖᓃᑦᑐᐃᑦ ᐃᑲᔪᕐᓯᐅᑏᑦ ᐊᑐᕐᑐᓯᐊᖑᒍᓐᓇᑐᑦ ᐊᐅᓚᑦᓯᒐᓱᐊᕐᓂᑯᑦ ᐱᐅᓯᐅᔪᓂᒃ, ᓄᓪᓚᖓᓇᕐᑐᓂᒃ ᓂᐱᑭᑦᑐᓯᐊᒥᒃ ᖃᕆᐊᑉ ᐃᓗᐊᓂ ᐊᒻᒪᓗ ᐱᔭᑦᓴᓅᓕᖓᔪᓂᑦ. ᖃᐅᔨᒪᒐᓗᐊᕐᑐᒍᑦ ᐊᓯᐊᒍᑦ ᐊᑐᕐᑕᐅᓂᖃᕈᓐᓇᒥᒻᒪᑦ ᐊᑦᔨᒌᖕᖏᑐᑎᒍᑦ ᑕᒪᓐᓇ, ᓂᕆᐅᓐᓂᖃᕐᑐᒍᑦ ᐅᓐᓂᑑᑎᕗᑦ ᐃᓕᓐᓂᒃ ᐃᑲᔪᕐᓯᒍᓐᓇᒪᑕ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐱᐅᔪᒥᒃ!
ᐃᓕᓐᓂᐊᑕᐅᒋᐊᓕᓐᓂᒃ ᐱᓪᓗᑯᒋᐊᓕᓕᕆᕕᒻᒥ ᐊᐅᓚᑦᓯᔨ ᐃᑲᔪᕐᓯᒍᓐᓇᒥᔪᖅ ᓇᓗᓀᕐᓯᒐᓱᐊᕐᑎᓗᑎᑦ ᓈᒻᒪᓈᑦᓯᐊᒥᒃ ᐊᑐᕋᑦᓴᐅᔪᓂᑦ ᖃᕆᐊᑉ ᐃᓗᐊᓂ ᑭᖕᖒᒪᒋᔭᖏᑎᒍᑦ. ᐃᑲᔪᕐᓯᐅᑎᑦᓴᖅ ᑭᖕᖒᒪᑦᓯᐸᑉ ᖃᕆᑕᐅᔭᐅᑉ ᐃᓗᓕᑦᓴᔭᖓᓂᒃ ᖃᕆᑕᐅᔭᒨᕐᑕᐅᓯᒪᖕᖏᑐᒥᒃ ᐃᓕᓐᓂᐊᕕᓕᒫᓐᓂ, ᑐᑦᓯᕋᐅᑎᓕᐅᒍᓐᓇᖁᑎᑦ ᖃᕆᑕᐅᔭᐅᑉ ᐱᑐᕝᕕᖓᓂ ᐃᓂᒐ ᐃᓗᐊᓂ ᑐᑦᓯᕋᐅᑎᓕᐅᕐᓗᑎᑦ ᐃᑲᔪᕐᑕᐅᒍᒪᐅᑎᒥᒃ. ᐊᐅᓚᔨᒋᑦ, ᖃᕆᑕᐅᔭᐅᑉ ᐃᓗᓕᑦᓴᔭᖓ ᐊᑭᖃᕐᐸᑦ, ᑮᓇᐅᔦᑦ ᑐᕌᒐᖏᑦᑕ ᑭᓯᑦᓯᒍᑎᖓᓂᒃ ᐱᑕᖃᕆᐊᖃᕐᑐᑎᑦ ᐊᐅᓚᑦᓯᔨᓯᓐᓂ. ᐊᒻᒪᓗ, ᐃᓚᐅᑎᑦᓯᐊᓗᒍ ᖃᕆᑕᐅᔭᐅᑉ ᐃᓗᓕᑦᓴᔭᖓᑕ ᓇᓗᓀᒃᑯᑕᖓᓂᑦ ᑐᑦᓯᕋᐅᑎᓕᐅᓕᕈᕕᑦ. ᐊᐱᕐᓲᑎᑦᓴᖃᕈᕕᑦ ᐅᕝᕙᓘᓐᓃᑦ ᐃᑲᔪᕐᓯᔭᐅᒋᐊᖃᕈᕕᑦ ᑕᒪᑦᓱᒪ ᒥᑦᓵᓄᑦ, ᐅᖄᕕᒋᓗᒍ ᐃᓕᓐᓂᐊᕈᑎᓕᐅᕐᓂᒥᒃ ᐱᓪᓗᑯᒋᐊᓕᓕᕆᔨᒻᒥᒃ ᐃᓕᓐᓂᐊᕈᑎᓕᐅᕐᓂᒥᒃ ᖃᐅᔨᒪᔨᓂᒃ: Edtech@kativik.qc.ca
https://experiments.withgoogle.com/bouncy-balls
ᐱᓪᓕᑕᕐᑐᐃᑦ ᐸᑦᑌᑦ ᓱᕐᕋᑕᐅᓲᑦ ᓂᐲᓐᓄᑦ ᐅᖃᓕᒪᕈᑏᓐᓄᑦ. ᓂᐱᖃᑦᓯᐊᑐᖅ/ᓂᑦᔮᓯᐊᕐᑐᖅ ᐅᖃᓕᒪᕈᑎ ᐱᐊᕋᕐᓄᑦ. ᓯᕗᓪᓕᐹᒥ, ᐱᐊᕃᑦ ᐸᑦᑕᒥᒃ ᓅᑦᓯᖁᔨᒐᔭᕐᑐᑦ, ᑭᓯᐊᓂ ᐊᔪᕆᓴᓚᐅᑲᓪᓗᑎᑦ, ᐃᑲᔪᕐᓯᒍᓐᓇᑐᑦ ᑐᑭᓯᐅᒥᓗᑎᑦ ᑕᑯᓐᓇᓂᒃᑯᑦ ᓂᑦᔮᓂᖓᑕ ᖃᕆᐊᑉ ᐃᓗᐊᓂ.
ᖃᕆᐊᒥ ᖃᕆᑕᐅᔭᐅᑉ ᑕᓚᕖᓴᕐᓚᖓ ᐅᓐᓂᑑᑎᓪᓚᕆᒋᔭᕗᑦ ᐊᑐᕐᑕᐅᖁᓪᓗᒍ. ᐊᒥᓱᐃᓂᑦ ᐊᑦᔨᒌᖕᖏᑐᓂᑦ ᐃᓗᓕᕐᑕᓕᒃ ᑎᑦᑖᐱᒃᑯᑦ ᑭᓯᑦᓰᒍᑎᖃᕐᓱᓂ, ᓂᕈᐊᕈᑎᑦᓴᖃᕐᓱᓂ, ᐅᐊᕈᑦᔨᑐᐃᒍᑎᐅᕈᓐᓇᓱᓂ ᐃᓕᓐᓂᐊᑎᓄᑦ ᓂᕈᐊᕐᑕᐅᒐᔭᕐᑐᓂ, ᓯᕿᕐᖑᔭᖃᕐᓱᓂ, ᐊᒻᒪᓗ ᐊᓯᒋᐊᓪᓚᖏᓐᓂᑦ. ᖃᓄᑐᐃᓐᓇᖅ ᐊᑐᕐᑕᐅᒍᓐᓇᑐᖅ ᖃᕆᐊᑉ ᐃᓗᐊᓂ ᐅᓪᓗᑕᒫᕐᓯᐅᑎᒋᓗᒍ.
ᖃᕆᐊᑉ ᐃᓗᐊᓂ ᐃᓂᓪᓚᖓᓂᖓ ᐃᓕᓐᓂᐊᑎᑦᓯᔨᖃᕐᓱᓂ ᐊᑕᐅᓯᕐᒥᒃ, ᐊᕐᓱᕈᕐᓇᓲᖅ ᑲᒪᒐᓱᐊᕐᓱᓂ ᐃᓕᓐᓂᐊᑏᑦ ᓱᓇᓂᒃ ᐃᑲᔪᕐᑕᐅᓂᖃᕆᐊᖃᕐᒪᖔᑕ. ᐃᓚᖓᓂ ᐃᓕᓐᓂᐊᑏᑦ ᑯᑮᖓᓚᕿᓯᓲᖅ ᐅᑕᕐᕿᐅᒐᕐᓱᑎᒃ ᐃᑲᔪᕐᑕᐅᓂᑦᓴᒥᓂᒃ. ᑌᔭᐅᔪᖅ. ClassroomQ ᓇᓗᓀᕐᓯᓲᖅ ᑕᒪᑦᓱᒥᖓ ᐱᓀᓗᑕᐅᔪᒥᒃ ᐃᓕᓐᓂᐊᑏᑦ ᐃᓚᐅᑎᓚᕿᓪᓗᒋᑦ ᐅᑕᕐᕿᑲᑦᑕᐅᑎᓂᕐᒧᑦ ᐃᑲᔪᕐᑕᐅᓂᑦᓴᒥᓄᑦ, ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᓂᒃ ᐃᑲᔪᕐᓯᒍᓐᓇᓯᖁᓪᓗᒋᑦ ᓇᓪᓕᑳᑦᓯᐊᑐᒥ ᑐᑦᓯᕋᐅᑎᖏᑦ ᒪᓕᑦᓱᒋᑦ.
Class Dojo ᐃᓕᓐᓂᐊᑎᓄᑦ ᐅᑭᐅᑭᓐᓂᓴᓄᑦ ᐊᑐᕐᑕᐅᓲᖅ. ᐊᐅᓚᑕᐅᒍᓯᖓᑕ ᐱᐅᓯᖓ ᐃᑲᔪᕐᓯᒍᑎᐅᖁᓪᓗᒍ ᐱᐅᓯᐅᔪᓂᒃ ᐊᐅᓚᑦᓯᓯᐊᕐᓂᒧᑦ. ᐃᓗᓪᓕᑐᐃᒍᓐᓇᖁᑎᑦ ᐱᑦᓯᐊᐸᑕ ᐃᓕᑕᕐᓯᒪᒍᑎᓂᒃ (ᐃᒻᒥᒎᕐᑎᑐᖅ ᑖᑦᓱᒪᖕᖓᑦ), ᐊᒻᒪᓗ ᐃᓕᓐᓂᐊᑏᑦ ᑕᐅᕐᓯᐅᑎᖃᑦᑕᒍᓐᓇᑐᑦ ᐱᑖᕐᓯᒪᔭᒥᓂᒃ ᑭᓯᑦᓯᒍᑎᓂᒃ ᓵᓚᖃᐅᑎᑖᖃᑦᑕᖁᓪᓗᒋᑦ. ᐱᒻᒪᕆᐅᕗᖅ ᖃᐅᔨᒪᑦᓯᐊᓗᓂ ᐊᐅᓚᑕᐅᒍᓯᖓᑕ ᐱᐅᓯᖓ ᐊᓯᖏᓐᓄᑦ ᐃᓄᓐᓄᑦ ᐅᖄᕈᑕᐅᖃᑦᑕᔪᑦᓴᐅᖏᑦᑐᑦ ᐃᓕᓐᓂᐊᑎᓂᒃ ᐱᐅᖕᖏᓕᕐᑎᑕᐅᖁᓇᒋᑦ ᐊᒻᒪᓗ ᐱᐅᔪᒥᒃ ᐃᓕᓐᓂᐊᕕᖃᑦᓯᐊᖁᓪᓗᒋᑦ.
Classcraft ᐱᐅᔪᐹᓗᒃ ᐃᓕᓐᓂᐊᑏᑦ ᐃᓕᓐᓂᐊᓂᕐᒥᓂᒃ ᐊᔪᐃᓐᓇᖃᑦᑕᖁᓪᓗᒋᑦ, ᐊᔪᕆᓴᕐᓗᑎᒃ ᐱᐅᔪᓂᒃ ᐱᐅᓯᑦᓯᐊᖃᕐᓂᑯᑦ ᐊᒻᒪᓗ ᐃᑉᐱᓂᐊᕐᓂᑎᒍᑦ ᐃᓅᖃᑎᒥᓂᒃ ᐊᔪᕆᓴᑦᓯᐊᖁᓪᓗᒋᑦ. ᐱᐅᓂᕐᐹᖅ ᐳᕐᑐᓂᓕᓐᓄᑦ 5, 6 ᐊᒻᒪᓗ ᐳᕐᑐᓂᕐᓴᓄᑦ ᐃᓕᓐᓂᐊᑎᓄᑦ.
Kahoot! ᐱᖕᖑᐊᕈᑎᐅᑦᓱᓂ ᐃᓕᓐᓂᐊᑎᑦᓯᒍᑎᑦᓴᓯᐊᖅ ᐃᓕᓐᓂᐊᑎᓂᒃ ᐃᓚᐅᒃᑫᒍᑎᑦᓯᐊᖑᑦᓱᓂ. ᑕᑯᑦᓴᐅᑎᑦᓯᓲᖅ ᐃᓕᓐᓂᐊᑏᑦ ᑭᓯᑦᓯᒍᑎᖏᓐᓂᑦ ᓄᐊᑦᓯᒪᔭᖏᓐᓂ ᐊᑐᓂ, ᐱᓕᐅᑎᖕᖑᐊᖃᑦᑕᒍᑎᐅᑦᓱᓂ ᐃᓕᓐᓂᐊᑎᐅᖃᑎᒌᑦᑐᓄᑦ ᐊᒻᒪᓗ ᐃᓚᐅᑦᓯᐊᒍᑎᐅᑦᓱᓂ.
Jamboard ᐃᓕᓐᓂᐊᑎᓕᒫᑎᓐᓂᑦ, ᐅᕝᕙᓘᓐᓃᑦ ᐃᒻᒥᒎᓈᕐᑎᑐᓂ, ᐱᓇᓱᐊᖃᑎᒌᑦᑎᓯᑦᓱᓂ ᐱᓇᓱᐊᕋᑦᓴᓂᑦ ᐊᑕᐅᑦᓯᑯᑦ. ᐃᓕᓐᓂᐊᑎᑦᓯᔨᐅᑦᓱᑎᑦ, ᐋᕐᕿᓱᒋᐊᖃᕋᔭᕐᑕᑎᑦ Jamboard ᐃᓗᓕᑦᓴᔭᖓ ᐊᒻᒪᓗ ᐱᑐᒍᑎᖓ ᐃᓕᓐᓂᐊᑎᓄᑦ ᑐᓂᓗᒍ. ᐳᐃᒍᕐᑌᓕᒋᑦ ᐃᓕᓐᓂᐊᑎᑉᐱᑦ ᐱᓇᓱᐊᒍᓐᓇᐅᑎᖏᑦ ᐋᕐᕿᒋᐊᓖᑦ. ᑖᓐᓇ ᐃᑲᔪᕐᓯᐅᑎᑦᓴᓯᐊᖑᒐᔭᕐᑐᖅ ᖃᕆᐊᒥ ᓱᓇᑐᐃᓐᓇᓂᒃ ᐅᖄᕈᑎᖃᕐᓂᑯᑦ ᐅᕝᕙᓘᓐᓃᑦ ᐃᓱᒪᑦᓴᓯᐅᒍᑎᑦᓴᓯᐊᖑᑦᓱᓂ ᖃᕆᐊᑉ ᐃᓗᐊᓂ ᐱᓇᓱᐊᒐᑦᓴᐅᕋᔭᕐᑐᑐᐃᓐᓇᓂᒃ.
Quizziz ᐃᑲᔪᕐᓯᐅᑎᐅᒻᒥᔪᖅ ᐃᓕᓐᓂᐊᑎᑎᑦ ᐱᓇᓱᐊᑦᓯᐊᕈᓐᓇᖁᓪᓗᒋᑦ ᐊᒻᒪᓗ ᐅᐸᓗᙰᔭᑦᓯᐊᖃᑦᑕᓗᑎᑦ. ᐃᓕᓐᓂᐊᑎᑦᓯᔨ ᐊᐱᕐᓲᑎᓂᑦ ᓄᐃᑦᓯᖃᑦᑕᑎᓪᓗᒍ, ᐃᓕᓐᓂᐊᑏᑦ ᑭᐅᖃᑦᑕᓗᑎᒃ ᖃᕆᑕᐅᔭᓂᒃ ᑎᒍᒥᐊᕋᕐᓂᒃ ᐊᑐᕐᓗᑎᒃ ᖃᕆᑕᐅᔭᓂᓪᓘᓃᑦ, ᐊᒻᒪᓗ ᑭᐅᔭᐅᑦᓴᐅᑎᒋᓲᑦ ᑭᐅᑦᔪᑎᒥᓄᑦ ᐅᓄᕐᓂᓕᐅᕐᑕᐅᓱᑎᓪᓗ ᑭᐅᑦᔪᑎᖏᑦ ᒪᓕᑦᓱᒋᑦ. Kahoot-ᑎᑑᖕᖏᓱᓂ ᑖᓐᓇ ᐃᓕᓐᓂᐊᑎᓂᒃ ᓈᒻᒪᓯᐊᕐᑐᑎᒍᑦ ᐱᕙᓪᓕᐊᓯᐊᕐᓂᖃᕐᑎᓯᓲᖅ, ᐊᒻᒪᓗ ᐃᓕᓐᓂᐊᑎᑦᓯᔨ ᓅᖃᑦᑕᕈᓐᓇᓱᓂ ᖃᕆᐊᑉ ᐃᓗᐊᓂ ᐃᑲᔪᕐᓯᖃᑦᑕᓗᓂ.