ᑐᖕᖓᓱᒋᑦ ᐃᓕᓐᓂᐊᕈᑎᑦᓴᓅᓕᖓᔪᓂᑦ ᓄᓇᕕᒃ-IcE, ᓇᓂᓯᕕᒋᒍᓐᓇᑌᑦ ᑐᓴᐅᒪᑎᑦᓯᒍᑎᓂᑦ ᐱᒻᒪᕆᐊᓗᓐᓂᑦ ᐃᓕᓐᓂᐊᑕᐅᔪᐃᑦ ᒥᑦᓵᓅᓕᖓᔪᓂᑦ ᐊᑐᓂ ᑐᖕᖓᕖᑦ ᒪᓕᑦᓱᒋᑦ.
ᑲᑎᕕᒃ ᐃᓕᓴᕐᓂᓕᕆᓂᐅᑉ ᐃᓕᓐᓂᐊᑎᑦᓯᒍᑎᖏᑦ
ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ (JBNQA, ᓵᑦᑕ 17), ᑐᓂᕐᕈᓰᔪᕕᓂᖅ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐱᔪᓐᓇᕕᖃᕐᑎᓱᒋᑦ ᓱᖏᐅᑎᓂᕐᒥᒃ ᓄᓇᕕᒻᒥ ᐃᓕᓐᓂᐊᓂᖃᕐᑎᓯᖁᓪᓗᒋᑦ. ᑌᒣᑦᓱᒍ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐃᓕᓐᓂᐊᑎᑦᓯᒍᑎᖏᑦ ᐊᑦᔨᐅᖏᑦᑑᓲᖅ ᑯᐯᒃᑯᑦ ᐃᓕᓐᓂᐊᑎᑦᓯᒍᓯᖏᓐᓄᑦ (QEP).
ᐱᒻᒪᕆᐅᕗᖅ ᖃᐅᔭᒪᔭᐅᒋᐊᖃᕐᓂᖓ ᐃᓕᓐᓂᐊᑏᑦ ᐱᓯᒪᒋᐊᓖᑦ ᖁᕝᕙᒋᐊᕈᑎᓂᑦ ᐊᑦᔨᓯᐊᖏᓐᓂᑦ ᑭᖕᖒᒪᒋᔭᐅᔪᓂᑦ ᑯᐯᒃ ᐃᓗᐊᓂ ᐃᓕᑕᕆᔭᐅᒍᑎᑖᕈᒪᒍᑎᑦ.
ᐃᓕᓐᓂᐊᕈᑎᑦᓭᑦ ᑐᓴᐅᒪᔭᐅᒋᐊᓖᑦ
ᑕᒪᒃᑯᐊ ᐃᓕᓐᓂᐊᑎᑦᓯᒍᑎᑦᓭᑦ ᒪᑉᐱᒐᖏᑦ ᐱᕕᑦᓴᖃᕐᑎᓯᕗᑦ ᐃᓚᒋᐊᕐᑐᓂᒃ ᑐᓴᐅᒪᔭᐅᒋᐊᓕᓐᓂᒃ ᐃᓕᓐᓂᐊᑎᑦᓯᓂᕐᒨᓕᖓᔪᓂᑦ ᐊᑐᓂ ᑐᖕᖓᕕᐅᔪᐃᑦ ᐃᓂᖏᓐᓂ. ᒪᓂᔨᒍᓐᓇᒥᕗᑎᑦ ᓈᒻᒪᓈᕐᑐᒧᑦ ᐃᓕᓐᓂᐊᕈᑎᑦᓴᓕᐅᕐᓂᒥᒃ ᐃᓱᐊᕐᓭᔨᒥᒃ (ᐃᓕᓐᓂᐊᕈᑎᑦᓴᓕᐅᕐᓂᒥᒃ ᖃᐅᔨᒪᔨ) ᐱᑦᔪᑎᖃᓪᓗᑐᕐᑐᓂᒃ ᐃᓗᓕᑦᑕᓕᓐᓂᒃ.
ᐅᐃᒍᐃᑎᑐᑦ ᐅᖃᐅᓯᖃᕐᓗᓂ ᐁᑉᐱᐅᑎᖓᓂᒃ
ᐱᐅᓯᑐᖃᓕᕆᓂᖅ ᐊᒻᒪᓗ ᓄᓇᒥ ᐊᓐᓇᐅᒪᒐᓱᐊᕐᓂᖅ
ᐳᒃᑭᓂᕐᓭᑦ ᐃᓄᑦᑎᑐᑦ
ᐳᕐᑐᓂᒃᓴᓂ ᐃᓄᒃᑎᑐᑦ
ᑎᒥᒃᑯᑦ ᐃᙯᓕᓴᕐᓂᒥᒃ ᐃᓕᓴᕆᐊᖃᕐᓂᖅ ᐊᒻᒪᓗ ᖃᓄᐃᖏᑦᓯᐊᕆᐊᖃᕐᓂᖅ
ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐳᕐᑐᓂᕐᓴᒥ ᐳᕐᑐᓂᓖᑦ ᖁᓕᒌᑦᑎᑐᐃᑦ ᐋᕐᕿᓯᒪᒍᓯᖏᑦ
ᑲᑎᕕᒃ ᐃᓕᓴᕐᓂᓕᕆᓂᒃᑯᓂ, ᐳᕐᑐᓂᕐᓴᒥ ᐳᕐᑐᓂᓖᑦ ᐋᕐᕿᓯᒪᒍᓯᖏᑦ ᐊᑦᔨᒋᓪᓚᕆᖕᖏᑕᖓ ᑯᐯᒃᒦᑦᑐᓄᑦ, ᐅᕝᕙᓘᓐᓃᑦ ᑲᓇᑕᒥ. ᐳᕐᑐᓂᓃᑦ ᑎᑭᐅᑎᔪᑦ ᐱᖓᓲᔪᕐᑐᓄᑦ ᐳᕐᑐᓂᓕᕇᑦᑐᓄᑦ: 3 ᐳᕐᑐᓃᑦ ᐱᕙᓪᓕᐊᒍᑎ 1-ᒥ ᐊᒻᒪᓗ 3 ᐳᕐᑐᓃᑦ ᐱᕙᓪᓕᐊᒍᑎ 2-ᒥ.
ᐃᓕᓐᓂᐊᕆᐊᖕᖓᑐᓄᑦ ᐊᒻᒪᓗ ᐳᒃᑭᓂᕐᓴᓄᑦ, ᐳᕐᑐᓃᑦ ᐊᑦᔨᒋᔭᐅᔪᑦ ᑯᐯᒃᓕᒫᒦᑦᑐᓄᑦ. ᑌᒣᒐᓗᐊᕐᑎᓗᒍ, ᐅᑭᐅᓖᑦ 4-ᓂᑦ ᖃᕆᐊᖃᖕᖏᑐᑦ. ᐳᒃᑭᓂᕐᓴᒥ ᐱᕙᓪᓕᐊᒍᑎ 1 ᐃᓗᓕᕐᑕᓕᒃ ᐳᕐᑐᓂᓖᑦ 1- ᐊᒻᒪᓗ 2-ᒥ; ᐱᕙᓪᓕᐊᒍᑎ 2 ᐃᓗᓕᕐᑕᓕᒃ ᐳᕐᑐᓂᓖᑦ 3-ᒥᒃ ᐊᒻᒪᓗ 4-ᒥᒃ ᐊᒻᒪᓗ ᐱᕙᓪᓕᐊᒍᑎ 3 ᐃᓗᓕᕐᑕᓕᒃ ᐳᕐᑐᓂᓕᓐᓂ 5-ᒥ ᐊᒻᒪᓗ 6-ᒥ.
2023-2024 ᐃᓕᓐᓂᐊᓂᖅ ᐱᒻᒪᕆᐅᔪᖁᑎᐅᒋᐊᓕᒃ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ
2021-2022-ᖑᑎᓪᓗᒍ, ᐃᓕᓐᓂᐊᓂᖅ ᐱᒻᒪᕆᐅᔪᖁᑎᐅᒋᐊᖃᕐᓂᖓ ᓇᓗᓀᕐᑕᐅᓯᒪᔪᖅ ᑯᐯᒃᑯᑦ ᐃᓕᓐᓂᐊᓂᕐᒥᒃ ᒥᓂᔅᑕᖓᓄᑦ (MEQ) ᐊᓂᒎᑎᑦᓯᐊᕈᓐᓇᖁᓪᓗᑕ ᐃᓕᓐᓂᐊᕖᑦ ᐃᓱᐃᓪᓕᑕᐅᓚᐅᕐᓂᕕᓂᖏᓐᓄᑦ ᖃᓂᒻᒪᓇᖅ COVID-19 ᓄᓇᕐᔪᐊᒥ ᐃᕐᐸᑎᓐᓂᕕᓂᖓᓄᑦ.
ᐱᐅᓯᐅᒥᖁᓪᓗᒋᑦ ᐃᓕᓐᓂᐊᕖᑦ ᐅᒃᑯᐊᑎᕐᑕᐅᓂᕕᓂᖏᑦ ᖃᓂᒻᒪᓇᖅ COVID-19 ᓯᓚᕐᔪᐊᒥ ᐃᕐᐸᑎᓐᓂᕕᓂᖓᓄᑦ, ᐃᓕᓐᓂᐊᓂᖅ ᐱᒻᒪᕆᐅᔪᖁᑎᐅᒋᐊᖃᕐᓂᖓ ᓇᓗᓀᕐᑕᐅᓯᒪᕗ6 ᐃᓕᓐᓂᐊᑎᑦᓯᒍᑎᓕᐅᕐᓂᑯᑦ. ᑯᐯᒃᓕᒫᒦᑦᑐᐃᑦ ᐊᓯᖏᑦ ᑲᔪᓯᒃᑫᔪᕕᓂᐅᒐᓗᐊᕐᑎᓗᒋᑦ ᑲᒪᒃᑯᓂᖓ ᐱᒻᒪᕆᐅᔪᖁᑎᓂᑦ 2021-ᖑᑎᓪᓗᒍ ᐊᒻᒪᓗ ᐅᑎᕐᓯᒪᔪᑦ ᐱᐅᓯᑐᖃᕆᖃᑦᑕᓯᒪᔭᒥᓄᑦ, ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᑲᔪᓯᒃᑫᓯᒪᔪᑦ ᑕᒪᒃᑯᓂᖓ ᐱᒻᒪᕆᐅᔪᖁᑎᓂᑦ 2022-ᖑᑎᓪᓗᒍ ᐊᒻᒪᓗ ᑲᔪᓯᐅᑦᔨᓛᕐᓂᐊᓱᑎᑦ 2023-2024 ᐃᓕᓐᓂᐊᓇᐅᑉ ᐊᕐᕌᒍᖓᓂ. ᑕᒪᓐᓇ ᓄᐃᑦᓯᒍᑎᓕᒃ ᐊᑦᔨᐅᖏᑦᑑᒍᑎᐅᔪᓂᑦ ᖃᓂᒻᒪᓇᐅᑉ ᐃᕐᐸᑎᓐᓂᕕᓂᖓᑕ ᐱᑦᔪᑎᒋᑦᓱᒍ ᓱᕐᕃᓂᕕᓂᖓ ᓄᓇᕕᒻᒥ (ᐅᐸᓘᒪᔪᖅ), ᐊᒻᒪᓗᒋᐊᓪᓚᖅ ᐃᓕᓐᓂᐊᑎᑦᓯᔩᓐᓂᐊᒥᑦᓱᓂ.
ᐃᓂᓪᓚᑎᕐᓯᒪᔪᒦᑦᑐᐃᑦ ᐊᑐᐃᓐᓇᐅᑎᑦᓯᕗᑦ ᐊᓪᓚᖁᑎᓂᑦ ᐊᑐᓂ ᑕᑯᑦᓴᐅᑎᑦᓯᔪᓂᑦ ᑕᒪᒃᑯᓂᖓ ᐃᓕᓐᓂᐊᓂᕐᓄᑦ ᐱᒻᒪᕆᐅᔪᖁᑎᐅᒋᐊᓕᓐᓂᒃ ᑐᖕᖓᕖᑦ ᐊᑖᒍᑦ ᐊᒻᒪᓗ ᐱᕙᓪᓕᐊᒍᑎᑎᒎᕐᑐᑦ.
ᐃᓕᓐᓂᐊᕕᒻᒥ ᐊᓂᒎᑎᓂᕐᒧᑦ ᐊᕐᖁᑎᑦᓭᑦ
ᐃᓕᓐᓂᐊᑏᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᐊᑦᔨᒌᖕᖏᑐᓂᑦ ᐊᓪᓗᒋᐊᕈᑎᑦᓴᖃᕈᓐᓇᑐᑦ ᐃᓕᑕᕆᔭᐅᒍᑎᑖᕋᓱᐊᕐᓗᑎᑦ. ᐊᑖᓃᑦᑐᖅ ᐃᓂᓪᓚᑎᕐᓯᒪᔪᒦᑦᑐᖅ ᑕᑯᑦᓴᐅᑎᑦᓯᔪᖅ ᓀᓪᓕᑎᕐᓯᒪᔪᓂ ᑖᒃᑯᓂᖓ ᐊᕐᖁᑎᑦᓴᐅᔪᓂᑦ.
2023-2024 ᐳᕐᑐᓂᕐᓭᑦ ᓴᓇᒻᒣᑦ ᑕᐅᕐᓯᑲᑦᑕᓂᖏᑦ
ᒪᑯᐊ ᐊᑖᓃᑦᑐᑦ ᐳᕐᑐᓂᕐᓭᑦ ᐃᓕᓐᓂᐊᕋᖏᑦ ᐋᕐᕿᓱᕐᑕᐅᓯᒪᔪᑦ “ᓴᓇᒻᒪᑎᒍᑦ” ᐊᒻᒪᓗ ᐃᓕᓐᓂᐊᑎᑦᓯᒍᑎᐅᓲᖑᑦᓱᑎᒃ ᑕᐅᕐᓯᑲᑦᑕᓱᒋᑦ ᐊᕐᕌᒍᑕᒫᑦ. ᑖᓐᓇ ᐋᕐᕿᓯᒪᒍᓯᖅ ᓇᓗᓀᔦᓲᖅ ᐊᑦᔨᒌᖕᖏᑐᑎᒍᑦ-ᐳᕐᑐᓂᓕᓐᓂᒃ ᐃᓕᓐᓂᐊᑎᑦᓯᓂᒃᑯᑦ. ᑕᒡᒐᓂ ᐊᕐᕌᒍᒥ, ᓴᓇᒻᒣᑦ ᖁᕐᓱᑕᒦᑦᑐᑦ ᐃᓕᓐᓂᐊᑎᑦᓯᒍᑎᐅᓛᕐᑐᑦ. ᐱᒻᒪᕆᐅᕗᖅ ᐃᓕᓐᓂᐊᕕᓕᒫᑦ ᐃᓕᓐᓂᐊᑎᑦᓯᒋᐊᖃᕐᓂᖏᑦ ᑖᑦᓱᒥᖓᑦᓭᓇᖅ ᓴᓇᒻᒪᒥᒃ ᐊᕐᕌᒍᑕᒫᑦ, ᖃᐅᔨᓴᐅᑏᑦ ᐋᕐᕿᓱᕐᑕᐅᓲᖑᒻᒪᑕ ᒪᓕᑦᓱᒋᑦ ᑕᒪᒃᑯᐊ ᐊᒻᒪᓗ ᐃᓕᓐᓂᐊᑏᑦ ᐃᓚᖓᓂ ᓅᖃᑦᑕᓱᑎᑦ ᐊᓯᖏᓐᓄᑦ ᓄᓇᓕᓐᓄᑦ.
