ᐅᕙᒍᑦ ᑲᔪᖏᕐᓴᐸᑦᑎᒋᑦ ᐊᑐᕐᓂᓴᐅᖁᓗᑎᑦ ᓇᓕᕐᖁᐊᕇᑦᑎᓯᔪᒥᒃ ᐅᖃᐅᓯᓕᕆᒍᓯᕐᒥᒃ ᐃᓕᓭᓕᕈᓂ ᐃᓕᒐᓱᐊᓯᔪᖃᕈᓂᓗ ᐅᖃᐅᓯᕆᔭᓂ ᐁᑉᐱᐅᑎᖓᓂᒃ. ᓇᓕᕐᖁᐊᕇᕐᑎᓯᔪᖅ ᐅᖃᐅᓯᓕᕆᑦᓱᓂ ᐊᑕᖏᑦᓯᓯᐊᕐᑐᖅ; ᐃᓕᑕᕐᓯᓯᒪᒍᑎ ᒪᓐᓇ ᐅᖃᐅᓯᖅ ᐃᓗᐃᑦᑐᕈᓕᑌᓐᓇᒪᑦ ᓄᕕᕐᓴᓯᒪᔪᑐᑦ ᐃᓚᓕᒫᖓ ᐃᓚᐅᑎᓪᓗᒍ ᐅᖃᐅᓯᕐᑖᖑᒍᓐᓇᓯᑦᓱᓂ. ᒪᓐᓇ ᐅᖃᐅᓯᓕᕆᓂᖅ ᓇᓕᕐᖁᐊᕇᕐᑎᓯᔪᒥᒃ ᑐᑭᓕᒃ ᐃᒡᕕᑦ ᐊᔪᐃᓐᓇᕈᑎᖃᓚᖓᓂᕐᓂᒃ ᓇᓕᕐᖁᐊᕇᑦᑐᓕᐊᕆᓗᒋᑦ ᓯᕕᑐᓂᖏᑦ ᐊᑐᕐᑕᑎᑦ ᐃᓕᓭᓕᕐᓱᑎᑦ ᐅᖃᕆᐅᕐᓴᑎᑦᓯᓂᕐᒥᒃ, ᐅᖃᕐᓗᒍ ᐊᓪᓚᕆᐅᕐᓴᑎᑦᓯᓂᕐᒥᒃ ᐊᒻᒪ ᐊᓪᓚᓂᕐᒥᒃ.
ᐅᖃᕆᐅᕐᓴᑎᑦᓯᓂᕐᓂ ᐊᑑᑎᔦᑦ ᐃᓚᖃᓪᓗᑐᕆᐊᓕᒃ ᐱᕕᖃᑉᑎᓯᓂᕐᓂᒃ ᐅᑯᓂᖓ ᐃᓚᐅᒋᐊᓕᓐᓂᒃ:
ᑫᕙᓪᓚᖓᓚᐅᕐᑐᓂᖅ/ᐃᓕᓴᕐᑐᓕᒫᑦ ᐅᖃᖃᑎᒌᑉᕕᓴᖓ
10-15 ᑕᕐᓵᐲᑦ:
ᐊᑐᓂ ᐅᓪᓗᓂ ᐃᓕᓵᑦ ᐅᖃᖃᑎᒌᕈᓐᓇᓯᕕᑦᓴᖃᕆᐊᓖᑦ. ᑖᓐᓇ ᐅᓪᓗᑕᒫᕐᓯᐅᑎᐅᓗᓂ ᑫᕙᓪᓚᖓᓂᖅ ᑌᑲᓂ ᐃᓕᓵᑦ ᓱᓕᔪᓂᒃ ᐊᓕᐊᒋᔭᒥᓂᓪᓗ ᐅᓂᑳᖃᑦᑕᑎᓪᓗᒋᑦ, ᓇᓗᓀᕐᓗᒍ ᐅᓪᓗᒥᐅᓕᕐᑐᖅ ᓇᔪᕐᑕᖓᒍᑦ ᖃᓄᐃᓕᖓᓕᕐᓂᖓ, ᐅᑉᕙᓘᓐᓃᒃ ᑌᑲᓂ ᐃᓱᒪᒐᓱᕆᐅᕐᓴᑎᑕᐅᓂᕐᒥᒃ ᖃᓄᐃᓕᖓᓂᐅᔪᒥᒃ ᐊᐱᕐᓲᑕᐅᔪᒥᓪᓗ. ᒪᓐᓇ ᑐᕌᕐᓂᕆᔭᖓ ᐃᓕᓵᓂᒃ ᑯᑌᓕᓴᕐᕕᓴᐅᓇᓱᑦᑐᖅ ᐅᖃᐅᓯᕐᒥᒃ ᐅᖃᕆᐅᕐᓴᓂᒃᑯᑦ ᓄᓇᓕᓐᓂᓗ ᐋᕐᕿᓱᐃᒍᑕᐅᓯᓗᓂ!
ᓂᐱᖃᕐᑎᓯᓂᖅ ᐊᑐᐊᕐᑕᒥᒃ
10-15 ᑕᕐᓵᐲᑦ:
ᐱᕕᖃᕐᐸᑦ, ᒪᕐᕈᕕᑦᑕᑐᒥᒃ ᐅᓪᓗᖅ ᐱᓇᓱᐊᕐᓗᒍ; ᐊᑕᐅᓯᖅ ᐊᑐᐊᕐᓯᖃᑎᒌᑦᑎᓗᒋᑦ ᐁᑉᐸᖓᓗ ᐊᓕᐊᒋᔪᓇᖓᓂᒃ ᐊᑐᐊᕐᓯᓗᑎᒃ. ᐃᓕᓵᓂᒃ ᓂᕈᐊᕐᑎᓯᖔᕈᓐᓇᑐᑎᑦ ᐊᓕᐊᒋᔪᓇᖓᓂᒃ ᐊᑐᐊᕋᑦᓴᒥᒃ ᐃᓕᓵᑎᑦ ᐊᐅᓚᑦᔭᕆᐊᕐᑕᖁᓗᒋᑦ! ᓇᓪᓕᑳᕐᓯᒪᕈᓐᓇᒥᔪᑎᑦ ᖃᕆᑕᐅᔭᑎᒎᕐᑐᒥᒃ ‘ᓂᐱᓕᒻᒥᒃ ᐊᑐᐊᕐᓯᕈᑎᒥᒃ’ ᐱᓇᓱᐊᕈᓯᕐᒥ 1-ᕕᓪᓗᒍ 2-ᕕᓪᓗᒍᓘᓐᓃᑦ; ᒪᓐᓇ ᐊᑐᐊᕐᓯᓂᖅ ᐱᓪᓚᕆᐅᒐᓗᐊᕐᓱᓂ ᐱᓪᓚᕆᐅᒋᕗᖅ ᐃᓕᓵᑦ ᓱᖑᓯᕙᓪᓕᐊᒋᐊᖃᕐᓂᖓ ᑕᑯᓐᓇᓂᕐᒥᒍᑦ ᑐᑭᓯᔭᒥᓂᓪᓗ ᐅᑯᐊᖑᕗᑦ ᓚᕙᓪᓕᐊᕈᑎᒋᓗᓂᐅᒃ ᐊᑐᕐᓗᓂᒋᑦ ᐊᑦᔨᒋᖕᖏᑐᑦ ᐃᓕᓴᕈᑎᑦᓭᑦ.
ᐊᑐᐊᕐᓯᖃᑎᒌᓐᓂᖅ (ᐅᑐᐊᕐᓯᖃᑎᒋᓐᓂᒧᑦ ᑲᑎᒪᓂᐊᕈᓯᒃᑯᑦ)
10-20 ᑕᕐᓵᐱᓐᓂᒃ:
ᓂᐱᓕᒻᒥᒃ ᐊᑐᐊᕐᓯᓗᑎᑦ ᐃᓕᓵᑦ ᐃᑲᔪᕐᑎᒋᓗᒋ ᐊᑐᐊᕐᓯᓕᕐᑎᓗᑎᑦ, ᐊᑲᐅᔫᑉᐸᑦ. ᐃᓕᓵᖅ ᐊᑐᐊᓚᖓᔭᕕᑦ ᐊᑦᔨᖏᓐᓂᒃ ᐱᓯᒪᓗᓂ ᐅᑉᕙᓘᓐᓃᑦ ᑕᑯᑦᓴᐅᑎᒍᓐᓇᓱᒋᑦ ᐊᑐᐊᓚᖓᔭᑎᑦ ᖃᕆᑕᐅᔭᒃᑰᑐᒥᒃ, ᐊᓪᓚᓂᐊᒑᓗᓐᓂ, ᑫᕙᓪᓚᖓᓗᓯ, ᐊᓯᐊᒍᓪᓗ. ᓇᓪᓕᑳᕆᔪᓐᓇᑐᑎᑦ 2-ᓂᒃ ᐊᓕᐊᒋᔭᓂᒃ ᓂᐱᓕᒻᒥ ᐊᑐᐊᕐᑕᐅᒋᐊᒥᒃ ᐊᑐᕐᓗᒋᒃ ᐊᑐᐊᕐᓯᖃᑎᒌᑦᑐᓂ ᐊᑐᐊᓕᕐᕿᑕᕐᓗᒋᑦ ᐃᓕᓭᒍᑎᒋᓯᔪᒥᒃ ᑐᑭᓕᐅᕆᓂᕐᒥᒃ, ᑯᑌᓕᓴᕐᓂᒥᒃ ᐅᖃᕆᐅᕐᓴᓂᕐᒥᒃ ᑐᑭᓯᓴᕐᓂᒥᓪᓗ ᐱᔪᓐᓇᓯᓚᖓᓗᒋᑦ. ᑕᑉᕙᓂ ᓵᖕᖓᓗᐊᖕᖑᐊᑕᓂ ᐃᓕᓴᕈᑎᑦᓴᖃᕐᑎᓯᓂᖅ ᐃᓕᓵᓕᒫᓂᒃ ᐊᓐᓂᑭᑦᑐᓯᐊᒥᒃ ᐃᓕᓴᕐᓗᒍ. ᐃᓕᓴᕐᑕᐅᑎᖃᑦᑕᓗᒍ ᐊᑕᐅᓯᖅ ᐱᔪᓐᓇᓯᒋᐊᓕᖓ ᑌᑲᓂ ᐃᓕᓭᓂᕐᒥ.
ᑐᑭᒧᐊᑦᑎᑕᒥᒃ ᐊᑐᐊᕐᓯᓂᖅ ᐅᖃᐅᓯᓕᕆᒋᐅᕐᓴᕕᓪᓗ
45 ᑕᕐᓵᐱᓐᓂ + 5 -ᓂᒃ ᑕᕐᓵᐱᑦᑐᑐᒥᒃ ᐅᓂᒃᑳᓗᓂ:
ᑲᑎᖃᑦᑕᓗᒋᑦ ᐊᒥᓲᓈᕐᑎᑎᓐᓇᒋᑦ ᐃᓕᓵᑦ ᐃᓕᓵᖑᖃᑎᖏᑦ ᐱᓇᓱᓐᓂᖏᓐᓂ ᐃᒻᒥᑯᑦ ᐊᑐᐊᕐᑕᒥᓂᒃ ᑐᑭᓯᓴᕐᓂᒥᒃ ᐅᑉᕙᓘᓐᓃᑦ ᐊᑐᐊᕐᓯᓴᕈᓂᓗ ᐃᒻᒥᑯᑦ. ᑐᑭᒧᐊᑦᑎᑕᒥ ᐊᑐᐊᕐᓯᓂᕐᒥ, ᒪᔪᕐᐸᓕᐊᕈᑎᑕᓕᒃ ᐃᒫᙰᕐᑎᖓ ᐊᑐᕐᓗᒍ ᐃᑲᔪᕐᓗᒋᑦ ᐃᓕᓵᑦ ᐊᑐᐊᕐᓯᕆᐅᕐᓴᑎᓪᓗᒋᑦ ᐅᖃᐅᓯᕐᓂᒃ ᐅᖃᒃᑲᑕᒐᓱᕆᐊᖃᕐᓂᓴᓂᒃ ᐊᓪᓚᓯᒪᓂᖏᒍᒐᓴᒃ ᐃᓄᑑᓐᓂᕈᑎᒃ ᐅᓇᒻᒥᒋᕋᔭᖕᖏᑕᒥᓂᒃ. ᐃᒻᒥᑰᕐᑎᑐᒥᒃ ᐊᑐᐊᕐᓯᓂᖓ ᐅᖃᐅᓯᓕᕆᕕᒻᒦᓂᖓᑕᓗ ᑭᖑᓂᖓᒍᑦ, ᑲᑎᑎᓕᕐᒥᓗᒋᑦ ᐃᓕᓴᕐᑐᑦ ᐃᓕᓵᓪᓗ ᐅᓂᒃᑳᕕᑦᓴᑖᕐᑎᓗᒋᑦ ᐊᑐᐊᕐᑕᕕᓂᕐᒥᓂᒃ ᐅᑉᕙᓘᓐᓃᑦ ᐊᑐᓚᖓᑦᓱᓂᒋᑦ ᐃᓱᒪᒋᔭᕕᓂᕐᒥᓂᒃ.
ᓂᐱᖓᓄᑦ/ᐅᖃᐅᓯᕐᒥᒃ ᐱᓇᓱᕈᑎᖃᕐᓂᖅ
15-20 ᑕᕐᓵᐲᑦ:
ᐃᓕᓭᓗᑎᑦ ᐅᖃᐅᓯᐅᑉ ᓂᐱᒋᔪᓐᓇᑕᖏᓐᓂᒃ ᐊᓪᓚᑕᐅᕈᓯᖏᓐᓂᓘᓐᓃᑦ. ᑕᒪᓐᓇ ᐱᓇᓱᐊᕐᑕᐅᑎᔪᓐᓇᑌᑦ ᑲᑎᒪᓈᕐᓗᒋᑦ ᐃᓕᓵᑦ ᐱᔭᕆᐊᑭᓐᓂᓴᐅᑐᐊᕐᐸᐊᑦ ᑌᒫᒃ. ᐃᓚᖏᑦ ᐃᓕᓵᑦ ᐃᒻᒥᑰᕐᑐᒥᒃ ᐱᓇᓱᐊᕈᓐᓇᑐᑦ ᐃᒡᕕᑦ ᐊᓯᖏᓐᓂᒃ ᐃᓕᓵᓂᒃ ᐱᓇᓱᐊᖃᑎᖃᕐᑎᓗᑎᑦ.
ᐊᓪᓚᓂᕐᒧᑦ ᑲᑎᒪᓂᐊᕈᓯᖃᕐᓂᖅ (ᓴᓇᒪᔭᒥᒃ/ᑲᑐᑎᔭᒥᒃ/ᖃᑦᑕᐅᑎᓂᕐᒥᒃ)
10-15 ᑕᕐᓵᐲᑦ:
ᐊᑕᐅᓯᕐᒥᒃ ᐊᓪᓚᒍᓯᕐᒥᒃ ᐱᔪᓐᓇᓯᖁᓗᒋᑦ ᐃᓕᓵᑦ ᐊᑐᕐᓗᑎᑦ. ᑐᑭᓯᓇᕐᓯᑎᔪᓐᓇᑌᑦ ᐆᑦᑐᕋᖃᑦᑕᓯᓗᑎᒃ ᑕᑯᓂᐊᕐᒪᒍ.
ᐅᖃᐅᓯᕐᒥᒃ ᐱᓇᓱᒍᑎᖃᕐᓂᖅ/ᓂᐱᖓᓄᑦ
15-20 ᑕᕐᓵᐲᑦ:
ᐃᓕᓭᓗᑎᑦ ᐅᖃᐅᓯᐅᑉ ᓂᐱᒋᔪᓐᓇᑕᖏᓐᓂᒃ ᐊᓪᓚᑕᐅᕈᓯᖏᓐᓂᓘᓐᓃᑦ. ᑕᒪᓐᓇ ᐱᓇᓱᐊᕐᑕᐅᑎᔪᓐᓇᑌᑦ ᑲᑎᒪᓈᕐᓗᒋᑦ ᐃᓕᓵᑦ ᐱᔭᕆᐊᑭᓐᓂᓴᐅᑐᐊᕐᐸᐊᑦ ᑌᒫᒃ. ᐃᓚᖏᑦ ᐃᓕᓵᑦ ᐃᒻᒥᑰᕐᑐᒥᒃ ᐱᓇᓱᐊᕈᓐᓇᑐᑦ ᐃᒡᕕᑦ ᐊᓯᖏᓐᓂᒃ ᐃᓕᓵᓂᒃ ᐱᓇᓱᐊᖃᑎᖃᕐᑎᓗᑎᑦ.
ᐃᒻᒥᑰᕐᑐᒥᒃ ᐊᓪᓚᓂᖅ
25 ᑕᕐᓵᐲᑦ 5-ᓗ ᑕᕐᓵᐲᑦ ᐅᓂᒃᑳᓂᕐᒧᑦ:
ᐃᓕᓵᑦ ᐊᓪᓚᑐᑦ ᐃᑭᑦᑑᓈᕐᑎᓗᑎᒃ ᐃᓄᑑᓗᑎᓪᓘᓃᑦ. ᑌᒣᓘᕐᓂᖏᓐᓂ ᑲᑎᒪᓗᒋᑦ ᐃᑭᑦᑐᑦ ᐅᑉᕙᓘᓐᓃᑦ ᐃᓄᑑᑎᓪᓗᒋᑦ ᐊᓪᓚᑕᖏᓐᓄᑦ ᖃᓄᐃᓕᒍᑎᑦᓴᖃᕐᓂᐊᕋᕕᑦ ᐊᑐᕐᓇᕆᓂᐊᕐᑕᖏᓐᓂᒃ. ᐃᓕᓵᑦ ᐅᓂᒃᑳᕕᑦᓴᖃᕐᑎᑕᐅᓂᖓ ᒪᓕᓯᕋᔭᕐᒥᔪᖅ. ᐅᓂᒃᑳᓂᖅ ᕈᒪᔪᓄᑦ ᑭᓯᒥ ᕋᑦᓴᖅ ᑌᒪᖕᖓᑦ.
ᐃᑉᐱᒍᓱᓐᓂᖅ ᓂᐱᒋᔭᐅᔪᓂᒃ
5 ᑕᕐᓵᐲᑦ:
ᐁᑉᐱᐅᑎᔪᒥᒃ ᐅᖃᓕᒪᕆᐅᕐᓴᔪᑦ ᐱᕙᓪᓕᓂᕐᓴᐅᓲᑦ ᑐᑭᓯᓐᓇᑲᓪᓚᑐᒥᒃ ᑎᓕᔭᐅᑦᓱᑎᒃ ᓂᐱᕆᒋᐊᓕᖓᓂᒃ ᐃᑉᐱᒍᓱᑦᑐᓴᐅᓂᕐᒥᓂᒃ (Shanahan & Beck, 2006). ᑕᒐ ᐊᒥᓱᐃᓪᓚᕆᐊᓗᐃᑦ ᐅᖃᐅᓯᕐᓂᒃ ᓂᐱᒋᔭᐅᔪᓐᓇᑐᑦ ᐃᓄᑦᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ. ᐆᑦᑐᕋᐅᑎᒋᓗᒍ, ᐃᓄᑦᑎᑐᑦ 6-ᖑᔪᑦ ᓂᐱᒥᒃ ᐊᐅᓚᑦᓯᔪᑦ. ᖃᓪᓗᓈᑎᑐᑦ, 20 ᐊᐅᓚᑦᓯᔪᑦ. ᐅᐃᒍᐃᑎᑐᑦ, 16-ᖑᑎᓪᓗᒋᑦ ᐊᐅᓚᑦᓯᔪᑦ. ᐃᕐᖃᐅᒪᑦᔦᒋᐊᕈᒃ, ᑕᒪᒃᑯᐊ ᑭᓯᑦᓯᑏᑦ ᓯᕐᓚᕈᓗᒃ ᐊᑦᔨᐅᖏᓗᑕᕇᒍᑎᖃᒍᓐᓇᒪᑕ ᑐᖕᖓᕕᖃᕐᒥᒪᑦ ᓇᐅᒃᑯᑦ ᖃᐅᔨᒋᐊᕐᑕᐅᓯᒪᓂᖓᓂᒃ. ᐱᓇᓱᐊᕐᑎᓯᑲᓪᓚᓂᖅ ᓂᐱᒋᔭᐅᔪᓐᓇᑐᓂᒃ ᐃᓕᑕᕐᓯᑎᑦᓯᕆᐅᕐᓴᓂᕐᒥᒃ ᐃᓕᓵᓂᒃ ᐃᑲᔪᕐᓯᒍᑕᐅᓚᖓᔪᖅ ᐃᓕᑕᕐᓯᔪᓐᓇᓯᓂᖓᓂᒃ ᓂᐲᑦ ᐊᑦᔨᒋᖕᖏᓂᖏᓐᓂᒃ ᑐᑭᓯᔪᓐᓇᓯᓗᒋᓪᓗ ᐊᓪᓚᓯᒪᔪᑦ ᐅᖃᐅᓯᕐᒥᑕ ᐁᑉᐱᐅᑎᖓᓂᒃ ᐊᑐᕐᓗᑎᒃ. ᐅᓐᓂᑑᑎᖃᕐᑐᒍᑦ ᐱᖕᖑᐊᕈᓯᕐᑎᒍᑦ ᐅᖃᕆᐅᕐᓴᑎᑦᓯᓂᕐᒥᒃ ᐱᓇᓱᐊᕐᑎᓗᒋᓪᓗ ᐊᓪᓚᒍᓯᐅᔪᑦ ᓂᐱᑦᓴᔭᖏᓐᓂᒃ, ᐊᑦᔨᒌᑦᑐᓕᕆᖃᑦᑕᓗᑎᒃ, ᑕᐅᕐᓯᐅᑎᐅᔪᓐᓇᑐᓕᕆᓪᓗᑎᒃ ᓂᐱᓂᒃ, ᐅᑉᕙᓘᓐᓃᑦ ᐊᒃᒍᑐᕐᓯᒪᔪᓂᒃ ᐸᑎᑉᕙᓚᑦᑎᓯᖃᑦᑕᓗᑎᒃ, ᐊᒃᒍᑐᕐᓯᒪᔪᓕᐅᕐᓗᑎᒃ ᐅᐊᕈᑦᓯᑐᕐᓗᒋᓪᓗ. ᑕᒪᒃᑯᐊᑕᒐ ᐊᑐᕐᑕᐅᔪᓐᓇᑐᑦ ᐊᓯᓅᕐᕙᓕᐊᕈᑕᐅᓗᑎᒃ. ᐅᓇ ᑕᑯᓐᓇᕋᑦᓴᖅ ᑕᑯᓐᓇᐅᒐᕐᓗᒍ ᐃᓕᑦᔫᒥᒍᑎᒋᓂᐊᕐᒪᑦ ᐊᑦᔨᐅᖏᓗᑕᖃᕐᓂᖓᓂᒃ ᐅᖃᐅᓰᑦ ᐃᓄᒃᑎᑐᑦ, ᐅᐃᒍᐃᑎᑐᑦ ᖃᓪᓗᓈᑎᑐᓪᓗ.
*ᐱᒃᑯᐊ ᐅᖃᐅᕐᑕᐅᔪᑦ ᑐᑭᒧᐊᒋᐊᕈᑎᑦᓴᑐᐃᓐᓀᑦ! ᐊᑐᕐᓗᒍ ᐱᐅᓂᕐᐹᒥᒃ ᐃᓕᓵᕐᓅᕕᑦ ᐃᓕᓐᓄᓗ ᕿᓂᕆᐊᖃᕐᐳᑎᑦ ᐅᖃᐅᓯᕐᒥᒃ ᐃᓕᓭᓂᕐᓂᒃ ᐱᓇᓱᐊᕆᐊᖃᕐᓱᒍ ᐱᕕᑦᓴᕆᒋᐊᓕᓐᓂ ᓱᓱᑦᓴᑐᒥᒃ.
ᐋᕐᕿᓱᐃᕕᑦᓴᖃᒋᐊᖃᕐᐳᑎᑦ ᐅᖃᕆᐅᕐᓴᑎᑦᓯᓂᕐᒧᑦ ᐊᑐᖃᑦᑕᓂᐊᕐᑕᓂᒃ ᐋᕐᕿᓯᒪᓂᖓᓄᑦ ᐃᓕᓭᓂᕐᒥ ᐊᑐᓂ 3-ᓂ ᐱᔭᕆᐅᕐᕕᒋᒋᐊᓕᓐᓂ ᑲᒪᒍᑎᒋᓂᐊᖃᕕᐅᒃ. ᐊᑐᖃᑦᑕᓚᖓᔪᓕᐅᕐᓯᒪᓂᖅ ᐃᑲᔪᕐᑎᒋᓇᔭᕆᕗᖅ ᐃᓕᓭᕕᐅᑉ ᐊᐅᓚᑕᐅᒋᐊᑭᑦᑑᓂᖓᓂᒃ. ᐊᑐᓪᓗᑯᐊᐱᖃᑦᑕᓚᖓᔪᓕᐅᕐᓂᖅ ᐃᓕᓵᑦ ᐃᓚᒋᓗᒋᑦ ᑐᖕᖓᕕᖃᖕᖑᓱᓚᖓᔪᖅ ᐃᓕᓭᓂᕐᒥ ᐳᕐᑐᓂᖓᓂᒃ ᐃᓕᓴᕐᑕᕕᑦ, ᐃᓕᓭᓂᕐᒧᑦ ᐱᕕᓕᐊᑦ, ᐱᔪᓐᓇᓂᕆᔭᖏᑦ ᐃᑉᐱᒍᓱᒐᓱᐊᕈᓐᓇᓂᖏᓪᓗ ᐃᓕᓴᕐᑕᕕᑦ. ᐃᓕᓴᓕᕐᖃᒥᐅᓂᕐᓴᓂᒃ ᐃᓕᓭᒍᕕᑦ, ᒪᓐᓇ ᐊᑐᖃᑦᑕᓚᖓᔪᓕᐊᕆᔦᑦ ᓯᕐᓚᐅᒐᓗᐊᖅ ᐊᓯᑦᔨᓚᖓᔪᖅ ᐊᕐᕌᒍ ᐱᕙᓪᓕᐊᓂᖓᓂ. ᓯᕕᑐᓂᕐᓴᒥᒃ ᑐᓴᕐᓴᑯᑦ ᐅᖃᐅᓯᓕᕆᓂᕐᒥᒃ ᓵᖕᖓᓯᓂᕐᓴᐅᒍᓐᓇᐅᔪᑎᑦ ᐃᓕᓴᓕᕐᖃᒥᓐᓄᑦ ᐃᓕᓵᓄᑦ ᐊᕐᕌᒍ ᐱᒋᐊᕐᐸᓕᐊᑎᓪᓗᒍ, ᑌᒪᓗ ᐅᑯᐊ ᐃᓕᓴᕐᑕᑎᑦ ᐱᔪᓐᓇᓯᕙᓪᓕᐊᓕᕐᑎᓗᒋᑦ ᐁᑉᐱᐅᑎᔪᒥᒃ ᐱᖓᑦᓯᕈᑎᒥᓪᓘᓐᓃᑦᐅᖃᐅᓯᖃᕐᓂᒥᒃ ᐊᑐᐊᕐᓯᕆᐅᕐᓴᑎᑦᓯᓂᖅ ᐊᓪᓚᕆᐅᕐᓴᑎᑦᓯᓂᖅ ᓯᕕᑦᑐᒋᐊᕋᔭᕐᑑᒃ ᐃᓕᓴᕐᑕᐅᑎᓕᒋᒃ. ᒪᓐᓇ ᐊᑐᓂ ᐱᔪᓐᓇᓯᕙᓪᓕᐊᕆᐊᓕᖏᓐᓄᑦ ᐱᕕᑦᓴᐅᑎᑌᑦ ᐃᖁᒋᐊᒐᓛᐱᓚᖓᒐᓗᐊᕐᐸᑦ ᐃᓕᓴᕐᓇᐅᑉ ᐊᕐᕌᒍᖓᓂ ᐃᓕᓭᔨᐅᒍᕕᑦ ᐃᓕᓴᓕᕐᖃᒥᐅᓂᕐᓴᓂᒃ, ᒪᓐᓇ ᐃᓘᓐᓈᒍᑦ ᐊᑐᖃᑦᑕᑐᓕᐊᕆᓯᒪᔦᑦ ᐅᖃᕆᐅᕐᓴᑎᑦᓯᓂᕐᒥ ᐃᓕᓭᒍᑎᓂ ᐊᓯᕐᕿᕕᒋᖃᑦᑕᖏᓪᓗᒍ ᐱᓪᓚᕆᐅᕗᖅ.
ᐅᓇ ᑐᕌᕐᑕᖅ: ᐱᕕᑦᓴᓕᐅᕆᓯᒪᖃᑦᑕᕆᑦ ᖃᐅᑕᒫᑦ ᐃᓕᓭᓂᕐᒧᑦ ᐆᕐᑐᕋᕐᑕᐅᑎᑦᓯᓂᕐᒧᓗ ᐅᖄᓂᒃᑯᑦ, ᐅᖄᕆᐅᕐᓴᑎᓗᒋᑦ ᐊᓪᓚᓯᒪᔪᓂᓪᓗ ᑐᑭᓯᐊᑎᒋᐅᕐᓴᑎᓗᒋᑦ, ᐊᓪᓚᓂᕐᒥᓗ. ᐃᓕᓭᓃᑦ ᑭᓪᓕᖃᑦᓯᐊᑐᒥᒃ ᑕᑉᕗᖓᑦᑕᓯᐊᑕᕐᑐᒥᓪᓗ ᑐᕌᕐᓂᖃᕆᐊᓕᒃ ᐃᓕᓵᑦ ᐱᕕᑦᓴᖃᖁᓗᒋᑦ ᐆᑦᑐᕋᐅᑎᓂᕐᒥᒃ ᖃᐅᔨᒪᓕᕐᑕᓄᓗ ᐃᓚᒋᓕᐅᑎᓗᓂᐅᒃ!
ᑐᑭᓯᓴᒋᐊᓪᓚᕈᒃ ᐅᖃᐅᓯᐅᑉ ᖃᐅᔨᓴᕐᑕᐅᕈᑎᒋᓯᒪᔭᖓ ᓄᓇᕕᒻᒥ.